Sofonias 1:1-18
1 Rü nhaa nixĩ ga ore ga Cori ya Tupana Chofoníamaxã nüxü̃ ixuxü̃ ga yexguma Yochía ga Amóũ nane ãẽ̱xgacü ixĩxgu ga Yudáanewa. Rü nüma ga Chofonía rü Cúsi nane nixĩ, rü Cúsi rü Yedaría nane nixĩ, rü Yedaría rü Amaría nane nixĩ, rü Amaría rü Echequía nane nixĩ.
2 Rü ngẽma norü ore i Cori ya Tupana rü nhanagürü: “Noxtacüma tá ichayanaxoxẽxẽ i guxü̃ma i ta̱xacü i nhama i naanewa ngẽxmagüxü̃.
3 Rü tá ichayanaxoxẽxẽ i duü̃xü̃gü, rü naexü̃gü, rü ngẽxgumarüxü̃ tá ta i werigü, rü choxnigü. Rü tá naxca̱x íchayagoõchi i ngẽma chixexü̃arü üruü̃gü, rü tá chanadai. Rü tá ichayanaxoxẽxẽ i guxü̃ma i duü̃xü̃gü i nhama i naanewa rü taxuxü̃táma ínayaxü.” Rü ngẽma nixĩ i nüxü̃ yaxuxü̃ ya Cori ya Tupana.
4 Rü nüma ya Cori ya Tupana rü nhanagürü ta: “Yudáanecüã̱xétü tá poxcumaxã chawéxme̱x. Rü ngẽxgumarüxü̃ tá ta poxcumaxã naétü chawéxme̱x i guxü̃ma i duü̃xü̃gü i Yerucharéü̃wa maxẽxü̃. Rü tá ichayanaxoxẽxẽ i ngẽma tupananeta i Baáchicüna̱xã namaxã i norü tupaucagü rü norü chacherdótegü. Rü ngẽmaãcü rü woo i naégagü i ngẽma chacherdótegü rü taxúetáma nüxna tacua̱xãchi.
5 Rü tá chanadai i ngẽma duü̃xü̃gü i norü ĩarü dauxnagu ĩgüxü̃ nax nüxü̃ yacua̱xüü̃güxü̃ca̱x ya üa̱xcü rü tauemacü rü woramacurigü. Rü ngẽxgumarüxü̃ tá ta chanadai i ngẽma chauégagu norü tupananeta i Micóü̃xü̃ icua̱xüü̃güxü̃.
6 Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu”, nhanagürü.
7 ¡Rü Cori ya Tupanape̱xewa perüchiane! Erü ngẽma norü ngunexü̃ i ãũcümaxü̃ i nagu tá tüxü̃ napoxcuexü̃ rü marü ningaica. Rü nüma rü ínanamexẽxẽ nax nadaiaxü̃ca̱x i ngẽma nüxna ixĩgachitanüxü̃. Rü nüma rü marü nüxna naxu i ngẽma tá nadaixü̃.
8 Rü nüma ya Cori ya Tupana rü nhanagürü: “Ngẽma ngunexü̃ i nagu tá nadaiaxü̃ i ngẽma duü̃xü̃gü rü tá chanapoxcue i ngẽma Yudáanearü ãẽ̱xgacügü rü ngẽma ãẽ̱xgacügü nanegü rü guxü̃ma i ngẽma chorü duü̃xü̃gü i to i nachixü̃anearü tupananetaxü̃ icua̱xüü̃güxü̃.
9 --
10 --
11 --
12 Rü ngẽma ngunexü̃gu rü omümaxã guxü̃wama i Yerucharéü̃wa tá mea naxca̱x chadau i ngẽma duü̃xü̃gü i chixexü̃ ügüxü̃. Rü tá chanapoxcue i ngẽma duü̃xü̃gü i nhama wíũ ya íchaxchixü̃marecürüxü̃ ixĩgüxü̃. Rü nümagü rü inarüchomare rü taxuguma narüxĩnüe rü nügümaxãtama nhanagürügü: ‘Nüma ya Cori ya Tupana rü taxuxü̃táma i mexü̃ rüe̱xna chixexü̃ tamaxã naxü’, nhanagürügü”, nhanagürü ya Tupana.
13 --
14 --
15 --
16 --
17 --
18 --
