Zacarias 8:1-23
8 Rü nüma ga Cori ya Tupana ya guxãétüwa ngẽxmacü rü nhaa orexü̃ chamaxã nixu rü nhanagürü:
2 8:2-3 “Nhaa nixĩ i ore i chamax i Cori ya Tupana ya guxãétüwa ngẽxmaxe nüxü̃ chixuxü̃: ‘Rü nüxü̃ changechaü̃ ya yima ma̱xpǘne ya Chiã́ũ rü ngẽmaca̱x poraãcü choxü̃́ nachu̱xu. Rü Yerucharéü̃ca̱x tá chatáegu nax ngẽ́ma changexmaxü̃ca̱x. Rü ngẽxguma chatáegu̱xgux rü yima ĩane ya Yerucharéü̃ rü Ĩane ya Aixcuma Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chiã́ũ rü Ma̱xpǘne ya Üünenemaxã tá nanaxugü.
3 Nüü̃ nadau 8:2
4 Rü chama i Cori ya Tupana ya guxãétüwa ngẽxmaxe rü nhachagürü: Wena táxarü norü caxü̃xü̃maxã Yerucharéü̃arü plazagüwa tá naxĩ i yaxguã̱xgü i yatüxü̃gü rü ngexü̃gü nax ngẽ́ma yanatogüxü̃ca̱x rü nataãxẽgüxü̃ca̱x.
5 Rü ngẽxgumarüxü̃ ta i buxü̃gü i yatüxü̃gü rü ngexü̃gü, rü tá nanapáxẽxẽ i Yerucharéü̃arü plazagü rü ngẽ́ma tá naxĩnüca̱xwa̱xegü.
6 Rü ngẽxguma ngẽmaãcü wena namexgu ya Yerucharéü̃ rü chorü duü̃xü̃gü i núma yaxügüxü̃ rü tá naba̱i̱xãchie, erü taguma nagu narüxĩnüe nax wena tá namexü̃ ya yima ĩane. Notürü cha̱u̱xca̱x rü taxuxü̃ma naguxcha i ngẽma. Rü chama i Cori ya Tupana ya guxãétüwa ngẽxmaxe nüxü̃ chixu i ngẽma.
7 Rü chama rü tá íchananguxü̃xẽxẽ i ngẽma chorü duü̃xü̃gü i petanüxü̃gü naxme̱xwa i ngẽma nachixü̃ane i perü léstewaama ngẽxmaxü̃ rü ngẽma nachixü̃ane i perü oéstewaama ngẽxmaxü̃.
8 Rü Yerucharéü̃wa tá chanagagü nax ngẽ́ma namaxẽxü̃ca̱x. Rü nümagü rü tá chorü duü̃xü̃gü nixĩ, rü chamax rü tá norü Tupana ya ixaixcumacü rü mea namaxã icuácü chixĩ’ ”, nhanagürü.
9 Rü nüma ya Cori ya Tupana ya guxãétüwa ngẽxmacü rü nhanagürü pexü̃: “Pema rü yexguma noxritama nanucuxgu ga gumá nutagü ga chapataarü ügü rü yexgumacürüwa nixĩ ga nüxü̃ pexĩnüexü̃ ga chauga ga chorü orearü uruü̃güwa pemaxã nüxü̃ chixuxü̃. ¡Rü nhu̱xmax rü pora pexüe nax mea peyanguxẽẽxü̃ca̱x i ngẽma puracü!
10 Rü yexguma taxũta inaxügügu ga chapataarü puracü rü nataxuma ga perü natanü naxca̱x ga perü puracü rü perü wocagüarü puracü. Rü yema perü uanügügagu rü ãũcümaxü̃wa peyexmagü rü chamatama rü pegümaxã pexü̃ chanuexẽxẽ.
11 Notürü i nhu̱xmax rü tümaca̱x ya yíxema daa ĩane ya Yerucharéü̃wa íyaxügüxe, rü taxũtáma yema ngunexü̃gü ga ngupetügüxü̃rüxü̃ nixĩ. Rü chama ya Cori ya Tupana ya guxãétüwa ngẽxmaxe nixĩ i nüxü̃ chixuxü̃ i ngẽma.
12 Erü ngẽma taãxẽ rü tá petanüwa nangexma. Rü ngẽma perü úwanecü rü tá meama nixo. Rü dauxü̃guxü̃ i naanewa tá narüngu ya pucü nax ngẽmaãcü i penetügü i peanewa ngẽxmagüxü̃ namuarü oṍxü̃ca̱x”, nhanagürü.
13 --
14 --
15 --
16 --
17 --
18 --
19 --
20 Rü nüma ya Cori ya Tupana ya guxãétüwa ngẽxmacü rü nhanagürü: “Muxü̃ma i togü i nachixü̃anegüarü ĩanegücüã̱x rü tá nua naxĩ nax choxü̃ yacua̱xüü̃güxü̃ca̱x.
21 Rü ngẽma duü̃xü̃gü i wüxi ya ĩanecüã̱xgü rü nái ya ĩanecüã̱xgüna tá naxugüe rü nhanagürügü tá: ‘¡Ngĩxã naxca̱x tadaugü ya Cori ya Tupana ya guxãétüwa ngẽxmacü, rü ngĩxã norü ngü̃xẽẽca̱x ítacagü!’ nhanagürügü tá. Rü ngẽma togü i duü̃xü̃gü rü tá nanangãxü̃gagü rü nhanagürügü tá: ‘Toma rü tá ta ngẽ́ma taxĩ’, nhanagürügü tá.
22 Rü ngẽmaãcü tá muxü̃táma i duü̃xü̃gü i muxü̃ i nachixü̃anewa ne ĩxü̃ rü Yerucharéü̃wa tá naxĩ nax cha̱u̱xca̱x yadaugüxü̃ca̱x nax nüxü̃ charüngü̃xẽẽxü̃ca̱x”, nhanagürü ga Cori ya Tupana ya guxãétüwa ngẽxmacü.
23 --
