Eclesiastes 3:1-22
3 “Rü nhama i naanewa rü guxü̃ma i ta̱xacü i ngẽxmaxü̃ rü nawa nangu i norü ngunexü̃, rü nangexma i wüxi i ora i tá nagu ínanguxü̃.
2 Rü nangexma i ngunexü̃ i nagu ibuxü̃, rü nangexma i ngunexü̃ i nagu iyuxü̃. Rü nangexma i ngunexü̃ i nagu itoexü̃, rü nangexma i ngunexü̃ i nagu nabéxü̃ i ngẽma itoxü̃.
3 Rü nangexma i ngunexü̃ i nagu namáetagüxü̃, rü ngunexü̃ i nagu tüxü̃ yaxüxü̃xü̃güxü̃. Rü nangexma i ngunexü̃ i nagu napogüexü̃, rü ngunexü̃ i nagu naxüpatagüxü̃.
4 Rü nangexma i ngunexü̃ i nagu ixaxuxü̃, rü ngunexü̃ i nagu icugüexü̃. Rü nangexma i ngunexü̃ i nagu iyutanüxü̃, rü ngunexü̃ i nagu ipetaexü̃.
5 Rü nangexma i ngunexü̃ i nagu nutamaxã nagüanexü̃, rü ngunexü̃ i nagu nuta nadexü̃. Rü nangexma i ngunexü̃ i nagu yigüna ina̱i̱xãchigüxü̃, rü ngunexü̃ i nagu yigüna toxnamana ixĩxü̃.
6 Rü nangexma i ngunexü̃ i nagu ta̱xacüca̱x idauxü̃, rü ngunexü̃ i nagu irüchaxãchixü̃ nax ta̱xacüca̱x idauxü̃. Rü nangexma i ngunexü̃ i nagu namaxã inguxü̃xü̃ i ngẽmaxü̃gü, rü ngunexü̃ i nagu ínawogüxü̃.
7 Rü nangexma i ngunexü̃ i nagu naxchirugu igáugüxü̃, rü ngunexü̃ i nagu nangaíxtaxü̃. Rü nangexma i ngunexü̃ i nagu iyarüchianegüxü̃, rü ngunexü̃ i nagu idexagüxü̃.
8 Rü nangexma i ngunexü̃ i nagu yigü ingechaü̃güxü̃, rü ngunexü̃ i nagu yigüchi ixaiexü̃. Rü nangexma i ngunexü̃ i nagu yigü idaixü̃, rü ngunexü̃ i nagu yigümaxã rüngüxmüexü̃.
9 ¿Rü ta̱xacüwa nüxü̃́ namexü̃ ya yatü nax puracüguxicatama naxĩxü̃xü̃?
10 Rü mea nagu charüxĩnü i ngẽma naguxü̃raü̃xü̃ i puracü i yatügüna naxãxü̃ ya Tupana nax ngẽmagu inachoxü̃ca̱x.
11 Rü yexguma norü ngunexü̃wa nanguxgu rü Tupana nanaxü ga guxü̃ma. Rü namexechi ga yema naxüxü̃. Rü nhu̱xũchi ga nüma ga Tupana rü duü̃xü̃güxü̃ nügü nacua̱xẽxẽ woo i duü̃xü̃gü rü tama nawa nangugü nax nüxü̃ nacua̱xgüxü̃ca̱x i guxü̃ma i ngẽma Tupana marü üxü̃, rü ngẽma yixcüra tá naxüxü̃.
12 3:12-13 Rü nhu̱xmax rü nüxü̃ chacua̱x rü ngẽma duü̃xü̃güca̱x rümemaexü̃ nixĩ nax nataãxẽxü̃ rü mexü̃ naxügüxü̃. Rü ngẽma nax nachibüexü̃, rü naxaxegüxü̃, rü nayauxgüãxü̃ i norü puracütanü, rü guxü̃ma i ngẽma rü name erü Tupanawa nixĩ i ne naxũxü̃.
13 Nüü̃ nadau 3:12
14 Rü ngẽxgumarüxü̃ ta nüxü̃ chacua̱x i guxü̃ma i ta̱xacü i Tupana üxü̃ rü guxü̃gutáma nangexmaecha. Rü taxucürüwa tanaxüétü i ngẽma Tupana üxü̃, rü taxucürüwa itanaxoxẽxẽ i ngẽma nüma naxüxü̃. Rü Tupana rü ngẽmaãcü nanaxü nax guxãma nüxü̃ ngechaü̃güxü̃ca̱x.
15 Rü woetama marü nũxcüma nayexmagü i ngẽma nhu̱xmax ngẽxmagüxü̃. Rü taxuxü̃táma yixcüra nango̱x i ta̱xacü i tama nhu̱xmax ngẽxmaxü̃. Rü nüma ya Tupana rü nüxü̃́ natauxcha nax natáeguxẽẽãxü̃ ga yema marü ngupetüxü̃.
Taxü̃ i chixexü̃ i nhama i naanewa
16 Rü ngẽma to i nüxü̃ chadauxü̃ nixĩ nax nangexmaxü̃ i taxü̃ i chixexü̃ i nhama i naanewa i ngextá chi ínaxwa̱xexü̃wa nax mea nügümaxã inacua̱xgüxü̃ i duü̃xü̃gü rü mexü̃gu nügümaxã ínaxĩnüexü̃.
17 Rü chaugü nhacharügü: ‘Nawa tá nangu i ngunexü̃ i nagu Tupana tá nüxna nacaxü̃ ya yimá yatü ya mexü̃ ücü rü ngẽma yatü i chixexü̃ üxü̃. Erü tá nangexma i norü ngunexü̃ i nagu tá nangóxü̃ i ngẽma marü ngupetüxü̃ rü ngẽma cúãcü üxü̃.’ ”
18 --
19 --
20 --
21 --
22 --
