Esdras 4:1-24
4 4:1-2 Rü yexguma yema norü uanügü nüxü̃ cua̱xgügu nax wena namexẽẽgüaxü̃ ga guma Tupanapata ga yema duü̃xü̃gü ga Yudátanüxü̃ rü Bẽyamítanüxü̃ ga Babiróniaanewa ne ĩxü̃ ga Yerucharéü̃ca̱x woeguxü̃, rü nüma ga norü uanügü rü Chorobabéxü̃tawa rü Yuchuéxü̃tawa rü yema togü ga ãẽ̱xgacügüxü̃tawa ínayadaugü. Rü nhanagürügü nüxü̃: —¡Tauxü̃́ i toxna penachu̱xuxü̃ nax pexü̃ tarüngü̃xẽẽgüxü̃ nawa i nhaa puracü! Erü toma rü ta pexrüxü̃ nüxü̃́ tayaxõgü ya yimá perü Tupana. Rü naxca̱x ítanaguuxü̃ ga torü ãmaregü ga yexguma Achíriaanearü ãẽ̱xgacü ga Echaradóü̃ nua toxü̃ gagügumama —nhanagürügü.
2 Nüü̃ nadau 4:1
3 Notürü nüma ga Chorobabé rü Yuchué rü yema togü ga ãẽ̱xgacügü ga iyaxü̃, rü nanangãxü̃gü rü nhanagürügü: —Taxucürüwama pemaxã wüxigu tanaxü ya daa torü Tupanapata. Rü marü toxicatátama tanaxü ya napata ya Cori ya torü Tupana, yerü yemaacü nixĩ ga tomaxã nüxü̃ yaxuxü̃ ya Chíru ya Pérchiaanecüã̱xarü ãẽ̱xgacü —nhanagürügü.
4 Rü yexguma ga nüma ga yema uanügü ga yema naanegu ãchiü̃güxü̃ rü inanaxügüe nax chixri yema Iraéutanüxü̃güchiga yadexagüxü̃ nax íyachaxãchigüxü̃ca̱x ga yema puracü.
5 --
6 --
7 --
8 Rü yexguma Artayére rü Pérchiaanecüã̱xarü ãẽ̱xgacü yixĩxgu, rü yema Iraéutanüxü̃güarü uanügüarü ãẽ̱xgacü ga Reṹ rü nanamu ga norü poperaarü ümatüruxü̃ ga Chĩchái nax Artayérexü̃tawa namuaxü̃ ga wüxi ga popera ga chixexü̃ tümachiga ga guxema Yerucharéü̃cüã̱xgü ga nhaxü̃:
9 --
10 --
11 --
12 “Rü cuxü̃ nüxü̃ tacua̱xẽxẽ, Pa Ãẽ̱xgacüx, rü ngẽma Yudéugü ya Iraéutanüxü̃gü ga Yerucharéü̃ca̱x woeguxü̃ ga Babiróniaanewa ne ĩxü̃, rü nhu̱xmax rü wena nanamexẽẽgü ya yima norü ĩane i ngẽma duü̃xü̃gü i taxúega ĩnüexü̃ rü chixexü̃ ügüxü̃. Rü marü inanaxügüe nax namexẽẽgüaxü̃ i norü ĩanearü poxeguxü̃tapü̱x rü marü nananucu ga norü Tupanapataarü nutagü ya natapü̱xparagü nawa rütogüne”, nhaxü̃.
13 --
14 --
15 --
16 --
17 Rü yexguma nüma ga ãẽ̱xgacü ga Artayére nayaxu̱xgu ga yema popera, rü nanangãxü̃ rü nhanagürü: “Pa Ãẽ̱xgacüx, Pa Reṹx, rü yimá cumucü ya Chĩchái ya poperaarü ümatüruxü̃, rü ngẽma cumücügü i ĩane ya Chamáriawa ngẽxmagüxü̃, rü guxü̃ma i cumücügü i taxtü i Eufrátearü oéstewa ngẽxmagüxü̃, rü pexü̃ charümoxẽ.
18 Rü ngẽma perü popera i cha̱u̱xca̱x nua pemuxü̃ rü marü chauxü̃tawa nangu rü ngẽmaãcü nüxü̃ chacua̱x i perü ore i chamaxã nüxü̃ pexuxü̃.
19 Rü marü chanamu i chorü ngü̃xẽẽruü̃gü nax poperatanügu naxca̱x nadaugüxü̃ca̱x i nachiga i ngẽma duü̃xü̃gü i Yerucharéü̃cüã̱x. Rü yema poperawa rü nüxü̃ nayangaugü nax ngẽ́ma nüxü̃ yaxuxü̃ nax aixcuma yixĩxü̃ rü ngẽma duü̃xü̃gü rü yema nüxíraxü̃güxü̃ ga Pérchiaanecüã̱xarü ãẽ̱xgacügüca̱x nügü nanutaque̱xegüxü̃ nax nügü namaxã nadaixü̃ca̱x, yerü tama yema ãẽ̱xgacügüga naxĩnüechaü̃.
20 Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga norü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü i taxtü i Eufrátearü oéstewaama ngẽxmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.
21 Rü ngẽmaca̱x chanaxwa̱xe nax ípeyachaxãchitanüxẽẽxü̃ i ngẽma duü̃xü̃gü i norü ĩanearü mexẽẽwa puracüexü̃, nhu̱xmatáta wena nüxna chaxãga nax ngẽma puracü naxügüxü̃ca̱x.
22 Rü tama name nax ngẽ́ma nüxü̃ perüdaunümarexü̃ erü taxü̃ i guxchaxü̃ tá cha̱u̱xca̱x ínanguxẽẽgü i ngẽma duü̃xü̃gü ega tama nüxna peda̱xgu”, nhanagürü ga norü poperawa.
23 Rü yexguma naxü̃tawa nanguxgu ga yema ãẽ̱xgacü ga Artayérearü popera, rü Reṹ rü Chĩchái ga poperaarü ümatüruxü̃, rü namücügü rü nüxü̃ nadaumatügü. Rü yexgumatama ga guxü̃ma ga nümagü rü Yerucharéü̃wa naxĩ, rü nuãcü Yudéugüxü̃ namu nax íyachaxãchigüxü̃ca̱x nax napuracüexü̃.
24 Rü yemaacü nixĩ ga íyachaxãchixü̃ ga Tupanapataarü mexẽxẽ ga Yerucharéü̃wa. Rü tama nawa napuracüe nhu̱xmata Daríu taxre ga taunecü inguxẽxẽ nax ãẽ̱xgacü yixĩxü̃ ga Pérchiaanewa.
