Esdras 8:1-36
8 --
2 --
3 --
4 --
5 --
6 --
7 --
8 --
9 --
10 --
11 --
12 --
13 --
14 --
Tupanapatawaarü puracütanüxü̃gü
15 Rü chama ya Édra rü natü ga Áwacutügu chanangutaque̱xexẽxẽ ga yema duü̃xü̃gü ga chamaxã Yerucharéü̃ca̱x woeguchaü̃xü̃. Rü yexma tapegü ga tamaepü̱x ga ngunexü̃. Rü yéma yoxni tayawügüéga ga duü̃xü̃gü rü chacherdótegü ga yéma ngugüxü̃. Rü yemaacü nüxü̃ tacua̱x rü nataxuma ga Lewítanüxü̃ ga nüechamatama yéma ĩxü̃.
16 Rü yemaca̱x Eriechéca̱x, rü Ariéca̱x, rü Chemaíaca̱x, rü Enatáü̃ca̱x, rü Yaríca̱x, rü to i Enatáü̃ca̱x, rü Natáũca̱x, rü Yacaríaca̱x, rü Mechuráũca̱x changema, yerü nümagü nixĩ ga Lewítanüxü̃arü ãẽ̱xgacügü yixĩxü̃. Rü yexgumarüxü̃ ta naxca̱x changema ga Yoiaríbi rü Enatáü̃ ga ngu̱xẽẽtaeruü̃gü ixĩgüxü̃.
17 Rü Cachipíaarü ĩanewa chanamugü ga yema duü̃xü̃gü nax Lewítanüxü̃arü ãẽ̱xgacü ga Ídumaxã rü namücügü ga ngü̃xẽẽruü̃gü ga yema ĩanearü Tupanapatawa puracüexü̃maxã yanadexagüxü̃ca̱x, rü namaxã nüxü̃ yaxugüxü̃ca̱x nax toxü̃tawa namugüaxü̃ca̱x i Lewítanüxü̃gü nax yima Tupanapata ya Yerucharéü̃wa ngexmanewa toxü̃ nangü̃xẽẽgüxü̃ca̱x.
18 Rü Tupana rü tomaxã namecüma, rü yemaca̱x toxü̃tawa nanamu ga Cherebía ga meama poperaxü̃ cuácü ga Lewítanüxü̃ ga Marítaxa ixĩcü. Rü nüma ga Cherebía rü toxü̃tawa nangu wüxigu namaxã ga nanegü rü naeneegü ga meama 18 ga duü̃xü̃gü ixĩgüxü̃.
19 Rü yexgumarüxü̃ ta Tupana yéma nanamugü ga Achabía namaxã ga namücü ga Yechaía ga Merári nane ixĩcü. Rü namaxã ínangugü ga nanegü rü naeneegü ga meama 20 ga duü̃xü̃gü ixĩgüxü̃.
20 Rü naétüwa rü ínangugü ga 220 ga Tupanapatawaarü ngü̃xẽẽruü̃gü. Rü nũxcüma rü ãẽ̱xgacü ga Dawí nixĩ ga yemaacü inanucü naxca̱x ga Tupanapataarü puracü. Rü guxü̃ma ga yema 220 ga ngü̃xẽẽruü̃gü rü nayawügü ga naégagü.
21 Rü yemawena rü chanaxunagü nax aureãcü tayumüxẽgüxü̃ natü ga Áwacutüwa nax Tupanamaxã nüxü̃ tixugüxü̃ca̱x ga torü chixexü̃gü, rü Tupanana naxca̱x taca̱xaxü̃ca̱x nax mea toxü̃ naxüpetüxü̃ca̱x i namawa, rü toxna rü toxocügüna nadauxü̃ca̱x wüxigu namaxã i guxü̃ma i torü ngẽmaxü̃gü i namaxã itaxĩxü̃.
22 Yerü chorü ãne nixĩ ga ãẽ̱xgacüxü̃tawa naxca̱x íchaca̱xaxü̃ ga churaragü ga cowarugu ĩxü̃ nax torü uanügüna toxü̃ ínapoxü̃xü̃ca̱x i namawa, yerü yexguma taxũta itaxĩãchigu rü marü ãẽ̱xgacümaxã nüxü̃ tixugü nax Tupana tüxü̃ rüngü̃xẽẽxü̃ ya yíxema naxca̱x daugüxe, notürü tüxü̃ napoxcu ya guxãma ya tama naga ĩnüexe.
23 Rü ngẽmaca̱x aureãcüma tayumüxẽgü rü Tupanana tacagüe nax toxna nadauxü̃ca̱x. Rü nüma rü aixcuma toxü̃ nangãxü̃ga.
24 --
25 --
26 --
27 --
28 --
29 --
30 --
31 Rü natü ga Áwacutüwa itaxĩãchi meama nüxíraxü̃cü ga tauemacüarü 12 arü ngunexü̃gu nax Yerucharéü̃wa taxĩxü̃. Rü Tupana rü namawa toxna nadau rü toxü̃ ínapoxü̃ nüxna ga torü uanügü rü ngĩ́ta̱a̱xgüxü̃.
32 Rü yexguma Yerucharéü̃wa tangugügu, rü tamaepü̱x ga ngunexü̃ tarüngü̃gü.
33 --
34 --
35 Rü yemawena rü wüxichigü ga toma rü naxü̃na ítagu naxca̱x ga gumá torü Tupana. Rü guxü̃ma ga Iraéutanüxü̃güégagu rü ítanagu ga 12 ga wocaxacügü rü 96 ga carnérugü rü 77 ga carnéruxacügü. Rü torü chixexü̃güarü ütanüruxü̃ rü ítanagu ga 12 ga bóyigü.
36 Rü toma rü yema nachixü̃anegü ga taxtü ga Eufrátearü oéstewaamaarü ãẽ̱xgacügüna tanaxã ga yema popera ga Pérchiaanecüã̱xarü ãẽ̱xgacü toxna ãxü̃. Rü nümagü rü paxa toxü̃ narüngü̃xẽẽ nax wena tanaxüxü̃ca̱x ga guma Tupanapata.
