Ester 1:1-22
1 Rü nüma ga Achuéru rü ãẽ̱xgacü nixĩ ga Médiaanewa rü Pérchiaanewa. Rü yema norü naane rü 127 gu nixüye. Rü Ĩ́diaanewa inaxügü rü nhu̱xmata Echiopíaanewa nangu ga norü ta.
2 Rü guma ãẽ̱xgacüpata rü ĩane ga Chuchã́wa nixĩ ga nayexmaxü̃.
3 Rü yexguma marü tamaepü̱x ga taunecü ãẽ̱xgacü yixĩxgu ga Achuéru rü nanaxü ga wüxi ga taxü̃ma ga peta. Rü nüxna naxu ga guxü̃ma ga norü ngü̃xẽẽruü̃gü ga ãẽ̱xgacügü rü churaragüerugü ga Médiaanecüã̱x rü Pérchiaanecüã̱x, rü yema ãẽ̱xgacügü ga wüxichigü ga norü naanearü üyewa yexmagüxü̃.
4 Rü yemaacü nanaxü ga yema peta, yerü ga nüma rü nügü inawéxchaü̃ nax nhuxãcü naporaxü̃ rü nhuxãcü namuxũchixü̃ ga nachixü̃anearü yemaxü̃gü rü nhuxãcü namexechixü̃ ga norü ĩane. Rü yema peta rü natai ga ngãxü̃ ga taunecü.
5 Rü yema petawena rü nüma ga ãẽ̱xgacü rü to ga peta naxü ga ãẽ̱xgacüpataa̱xtüwa ga 7 ga ngunexü̃ taixü̃. Rü yema petawa rü nüxna naxu ga guxü̃ma ga yema duü̃xü̃gü ga ãẽ̱xgacüpatawa puracüexü̃ ga norü ngü̃xẽẽruü̃gü rü norü puracütanüxü̃gü ixĩgüxü̃.
6 --
7 --
8 --
9 --
10 1:10-11 Rü yema peta nagu yagúxü̃ ga ngunexü̃gu rü nüma ga ãẽ̱xgacü rü marü wíũmaxã nangãxãẽ rü yemaca̱x nataãxẽ. Rü nanamu ga 7 ga norü ngü̃xẽẽruü̃gü ga Meumáü̃, rü Bichá, rü Arbóna, rü Bíta, rü Abáta, rü Chetá, rü Cárca nax nape̱xewa ngĩxü̃ nagagüxü̃ca̱x ga yema naxma̱x ga Wáchi ga meama nga̱xãẽcü namaxã ga yema norü nga̱xcueruxü̃. Rü yemaacü nanamu nax guxü̃ma ga duü̃xü̃güxü̃ rü ãẽ̱xgacügüxü̃ ngĩxü̃ nawéxü̃ca̱x nax nhuxãcü namexechixü̃, yerü aixcuma imexechi.
11 Nüü̃ nadau 1:10
12 Notürü ngĩma ga naxma̱x rü tama naga ixĩnü ga yema ãẽ̱xgacüarü duü̃xü̃gü ngĩmaxã nüxü̃ ixuxü̃. Rü yemaca̱x ga nüma ga ãẽ̱xgacü rü poraãcü nanu.
13 Rü norü numaxã norü ucu̱xẽruü̃gü ga meama yema naanearü mugüxü̃ icuáxü̃na naca nax ta̱xacü tá naxüxü̃ ngĩmaxã ga naxma̱x. Yerü nüma ga ãẽ̱xgacü rü nacüma nixĩ nax norü ucu̱xẽruü̃gü ga meama mugüxü̃ icua̱xgüxü̃na naca̱xíraxü̃ naxü̃pa nax ta̱xacürü mu naxunagüxü̃.
14 Rü yema ucu̱xẽruü̃gü ga ãẽ̱xgacümaxã ãmücügüxü̃ rü Cachéna, rü Chetáru, rü Amáchita, rü Tárchia, rü Mére, rü Marchéna rü Memucáũ nixĩgü. Rü nümagü ga yema 7 ga yatügü ga iporaexü̃ ga Pérchiaanewa rü Médiaanewa rü ãẽ̱xgacüarü ucu̱xẽruü̃tücumüwa naxügü. Rü taxü̃ ga ãẽ̱xgacügü nixĩgü ga yema nachixü̃anewa.
15 Rü nüma ga ãẽ̱xgacü ga Achuéru rü yema yatügüna naca rü nhanagürü: —¿Ta̱xacü tá chaxü i nhu̱xmax? ¿Rü ta̱xacürü poxcu nixĩ ixümatüxü̃ i mugüwa ngĩxca̱x i wüxi i ãẽ̱xgacüma̱x i tama ãẽ̱xgacüga ĩnücü ega norü ngü̃xẽẽruü̃güxü̃ namugügu nax ngĩxca̱x yacagüxü̃ca̱x? —nhanagürü.
16 Rü nüma ga Memucáũ rü namücügüégagu ãẽ̱xgacüxü̃ nangãxü̃ rü nhanagürü: —Pa Ãẽ̱xgacüx, rü ngẽma cuxma̱x rü tama cupe̱xewaxica chixexü̃ ixü, notürü guxü̃ma i ãẽ̱xgacügü rü duü̃xü̃gü iyatüxü̃pe̱xewa inaxü i ngẽma chixexü̃.
17 Rü ngẽxguma ngẽma naigü i ngexü̃gü i curü naanewa ngẽxmagüxü̃ nüxü̃ cua̱xgügu i ngẽma naxüxü̃ i ngẽma cuxma̱x i Wáchi, rü nümagü rü ta rü taxũtáma natega naxĩnüe. Erü tá nüxü̃ nixugüe rü ãẽ̱xgacü ya Achuéru rü naxma̱x ga Wáchica̱x nangema rü ngĩma rü tama naga ixĩnü.
18 Rü guxü̃ma i ngẽma ãẽ̱xgacügü i Pérchiaanewa rü Médiaanewa ngẽxmagüxü̃ naxma̱xgü rü ngẽxguma nüxü̃ nacuáchigagügu i ngẽma naxüxü̃ i ngẽma cuxma̱x, rü ngẽma ngexü̃gü rü tá ta ngẽmaãcü natemaxã nanaxügü nax tama natega naxĩnüexü̃.
19 Rü cumaxã nüxü̃ tixu, Pa Ãẽ̱xgacüx, rü ngẽxguma chi curü me yixĩgu nax cunaxunagüxü̃ca̱x i wüxi i mu i tagutáma texé iyarüxoxẽẽxü̃ i Pérchiaanewa rü Médiaanewa, rü ngẽma muwa rü tá nüxü̃ quixu nax tagutáma wena cupe̱xewa nax nanguxü̃ i cuxma̱x i Wáchi. Rü nhu̱xũchi, Pa Ãẽ̱xgacüx, rü name i nai i cuxma̱xca̱x cudau, i ngẽmaarü yexera cuga ĩnücü.
20 Rü ngẽma mu rü name nixĩ i cunaxunagü i guxü̃ma i ngẽma naanegü i namaxã icucuáxü̃wa. Rü ngẽmaãcü i guxü̃ma i ngexü̃gü rü tá natega naxĩnüe rü woo ãẽ̱xgacü yixĩxgu rüe̱xna ngexü̃rüüxü̃mare i duü̃xü̃ yixĩxgu —nhanagürü.
21 Rü yema Memucáũarü ucu̱xẽ rü ãẽ̱xgacüca̱x rü norü ngü̃xẽẽruü̃güca̱x rü name. Rü yemaca̱x ga nüma ga ãẽ̱xgacü rü nanamu nax naxümatüxü̃ ga yema mu.
22 Rü wüxichigü ga nagawa naxümatü rü nhu̱xũchi guxü̃ma ga yema naanegü ga ãẽ̱xgacü namaxã icuáxü̃wa nanamupane nax guxü̃ma ga ngexü̃gü rü guxü̃wama natega naxĩnüexü̃ca̱x.
