Ester 2:1-23
2 Rü yexguma marü inangüxmüguwena ga nüma ga ãẽ̱xgacü ga Achuéru, rü ngĩxna nacua̱xãchi ga naxma̱x ga Wáchi, rü nagu narüxĩnü ga yema mu ga nüma naxümatüxü̃gagu nax tagutáma wena ngĩxü̃ nadauxü̃.
2 Rü yexguma ga yema norü ngü̃xẽẽruü̃gü rü nhanagürügü nüxü̃: —Name nixĩ i cuxü̃́ ngĩxca̱x tadaugü i pacügü i mexechicü i taguma yatüxü̃ cua̱xgücü.
3 ¡Ẽcü nüxü̃ naxuneta i duü̃xü̃gü i wüxichigü i naane i namaxã icucuáxü̃wa nax ngẽma pacügü i mexechicü i taguma yatüxü̃ cua̱xcü ngĩxü̃ idexechixü̃ca̱x rü nua curü ngexü̃güpatawa ngĩxü̃ nagagüxü̃ca̱x! Rü nhu̱xũchi name nixĩ ya yima ngexü̃güpataarü daruxü̃ ya Egái ngĩxna nadau i ngẽma pacügü nax ngĩxü̃ yanga̱xãẽgüxü̃ca̱x.
4 Rü ngẽma pacü i yexera curü me ixĩcü Pa Ãẽ̱xgacüx, rü ngẽma tá iyixĩ i cuxma̱x ixĩcü ngĩchicüxü i Wáchi —nhanagürügü. Rü yema ĩnü rü norü me nixĩ ga ãẽ̱xgacü, rü yemaacü nanaxü.
5 Rü Chuchã́wa ga ãẽ̱xgacüpatawa napuracü ga wüxi ga Yudéu ga Bẽyamítanüxü̃ ga Marduquéu ga naéga. Rü nüma rü Yaxí nane nixĩ, rü Chimeí rü Chí tixĩ ga norü o̱xigü.
6 Rü nüma ga Marduquéu rü natanüwa nayexma ga yema muxü̃ma ga Yudéugü ga Nabucudonochó Yerucharéü̃wa ígaxü̃xü̃ wüxigu namaxã ga Yeconía ga Yudáanecüã̱xarü ãẽ̱xgacü ixĩcü.
7 Rü nüma ga Marduquéu rü nüxü̃́ iyexma ga wüxi ga nanepüxacü ga guxü̃wama ta̱xcucü. Rü ngĩéga rü Adácha rüe̱xna Ité nixĩ. Rü ngĩma rü imechametüxüchi rü ngĩxine rü namexechi.
8 Rü yexguma naxunagügu ga ãẽ̱xgacüarü mu ga pacü ngĩxü̃ nax nanutaque̱xegüxü̃chiga, rü mucüma ga pacü ngĩxü̃ nanutaque̱xegü nagu ga ãẽ̱xgacüpata ga Chuchã́wa yexmagüne. Rü pacügüarü daruxü̃ ga Egáime̱xẽwa iyexmagü. Rü yema pacügütanüwa ta iyexma ga Ité.
9 Rü nüma ga Egái ga yema pacügümaxã icua̱xcü rü poraãcü norü me iyixĩ ga Ité. Rü yemaca̱x ga nüma ga Egái rü noxtacüma ngĩxü̃ nayanga̱xãẽ rü memaexü̃ ga õna ngĩxna naxã. Rü ngĩxü̃ naxuneta ga 7 ga ngexü̃gü ga ãẽ̱xgacüpatawa puracüecü ga nüxü̃ rücua̱xmaegücü nax yema Iténa daugüxü̃ca̱x. Rü yema rümemaexü̃ ga ucapuwa ngĩxü̃ nagagü nax yéma nayexmaxü̃ca̱x ga ngexü̃güpatawa.
10 Notürü ngĩma ga Ité rü tama ngĩgü iyaxu nax Yudéu yixĩxü̃ rü tama ngĩgü iyaxu ga texétanüxü̃ nax yixĩxü̃. Yerü yemaacü ngĩxü̃ naxucu̱xẽ ga Marduquéu nax tama ngĩgü yaxuxü̃ca̱x.
11 --
12 --
13 --
14 --
15 Rü ngĩma ga Ité ga Marduquéueya̱x ga Abiáixacü, rü yexguma ngĩwa nanguxgu nax ãẽ̱xgacüpe̱xewa ngĩxü̃ nagagüxü̃, rü ngĩma rü inayaxu ga yema Egái ga pacügüarü daruü̃arü ucu̱xẽ. Rü meama ngĩgü inga̱xãẽ yema ngĩmaxã nüxü̃ yaxuxü̃rüxü̃. Rü yema naigü ga pacügü rü poraãcü ngĩmaxã itaãxẽgü ga yexguma ngĩxü̃ nadaugügu.
16 Rü yexguma marü 7 ga taunecü ãẽ̱xgacü yixĩxgu ga Achuéru, rü meama norü 10 ga tauemacü ga Tebéxgu ãégacügu (yanéru) nixĩ ga ãẽ̱xgacüpatawa Itéxü̃ nagagüxü̃ naxü̃tawa ga Achuéru.
17 Rü yexguma ngĩxü̃ nada̱xgux ga Achuéru rü poraãcü nüxü̃́ ingúchaü̃ gucü ga naigü ga pacüarü yexera. Rü yemaca̱x ngĩeruwa nayanga̱xcuchi ga yema nga̱xcueruxü̃ ga ãẽ̱xgacüma̱xca̱x ixĩxü̃, rü ngĩxü̃ naxuneta nax naxma̱x yixĩxü̃ ngĩchicüxü ga Wáchi.
18 --
19 --
20 --
Marduquéu rü nüxü̃ nacuáchigaama nax ãẽ̱xgacüxü̃ yama̱xgüchaü̃xü̃
21 Rü wüxi ga ngunexü̃ ga yexguma Marduquéu ãẽ̱xgacüpataarü ĩã̱xwa nadauxü̃taeyane rü nüxü̃ naxĩnü ga taxre ga ĩã̱xarü daruü̃gü ga Bigatá rü Tére ga nugaãcü nügümaxã idexagüxü̃ nachigagu nax nhuxãcü tá ãẽ̱xgacü ga Achuéruxü̃ yama̱xgüxü̃.
22 Rü yexguma yemaxü̃ nacua̱xgu ga Marduquéu rü ãẽ̱xgacü naxma̱x ga Itémaxã nüxü̃ nixu ga ãẽ̱xgacüxü̃ nax yama̱xgüchaü̃xü̃. Rü ngĩma ga Ité rü ãẽ̱xgacümaxã nüxü̃ iyaxu ga yema Marduquéu ngĩmaxã nüxü̃ ixuxü̃.
23 Rü nüma ga ãẽ̱xgacü rü naxca̱x ínicagüchigü nachiga ga yema nax yama̱xgüchaü̃xü̃. Rü nüxü̃ nacuáchiga nax aixcuma yixĩxü̃ ga yema. Rü yemaca̱x nanawẽxgünaxã ga yema taxre ga yatügü. Rü guxü̃ma ga yema ngupetüxü̃ rü ãẽ̱xgacüpe̱xewatama nanaxümatü nagu ga nachixü̃anepane.
