Ezequiel 2:1-10
2 Rü nhu̱xũchi nüxü̃ chaxĩnü ga wüxi ga naga ga nhaxü̃ choxü̃: “Pa Yatüx ¡inachi erü tá cumaxã chidexa!” nhaxü̃.
2 Rü yexguma chamaxã íyadexayane rü choxna nangu ga Tupanaãxẽ, rü choxü̃ inachixẽxẽ.
3 Rü nüma ga Tupana rü nhanagürü choxü̃: “Cumax, Pa Yatüx, rü tá cuxü̃ natanüwa chamu i ngẽma cutanüxü̃gü i Iraéutanüxü̃ i tama chauga ĩnüexü̃. Rü nümagü rü nhu̱xmax rü ta nũxcüma ga norü o̱xigürüü̃tama tama chauga naxĩnüe.
4 Rü nümagü i ngẽma duü̃xü̃gü rü yema norü o̱xigü ga tama chauga ĩnüexü̃rüxü̃ tama choxü̃ nacua̱xgüchaü̃. Rü ngẽmatanüwa tá nixĩ i cuxü̃ chamuxü̃ nax namaxã nüxü̃ cuyarüxuxü̃ca̱x i nhaa chorü ore.
5 Rü ngẽma duü̃xü̃gü i tama irüxĩnüechaü̃xü̃ rü ngẽxguma cuxü̃́ inaxĩnüegu rüe̱xna tama cuxü̃́ inaxĩnüegu notürü tá nüxna nacua̱xãchie nax natanüwa marü nangexmaxü̃ i chorü orearü uruxü̃.
6 Rü cumax, Pa Yatüx ¡rü tauxü̃́ i nüxü̃ cumuü̃xü̃, rü tauxü̃́ i naxca̱x cumuü̃xü̃ ega cuxü̃ naxãxũnegügu rü woo cuxü̃́ nangu̱xgu i nhama wüxi i tuxchinawe cuxü̃ chixgurüxü̃! ¡Rü tauxü̃́ i curümaãchixü̃ ega nuchiweãcü cuxna nadaugügu i ngẽma duü̃xü̃gü i tama irüxĩnüechaü̃xü̃!
7 ¡Rü cumax rü namaxã nüxü̃ ixuama i ngẽma chorü ore rü woo tama cuxü̃́ inaxĩnüegu! Erü nüma rü tama irüxĩnüechaü̃xü̃ nixĩgü”, nhanagürü choxü̃.
8 --
9 --
10 --
