Ezequiel 37:1-28
37 Rü nüma ya Cori rü chagu naxǘxme̱x rü choxü̃ naporaxẽxẽ namaxã i norü pora. Rü yema Naãxẽ i Üünexü̃ rü chamaxã inacua̱x, rü wüxi ga metachinüxü̃ ga naxchina̱xãmaxã napaxü̃wa choxü̃ naga.
2 Rü nüma ga Cori ya Tupana rü natanügu choxü̃ nixũgüchigüxẽxẽ ga guma naxchina̱xãgu ga yema metachinüxü̃wa namaxã napaxü̃ne. Rü namuxũchi notürü nipagümare.
3 Rü yexguma ga nüma ga Cori ya Tupana rü choxna naca rü nhanagürü: “¿Cuyaxõxü̃ yixĩxü̃ i cumax, rü daa naxchina̱xãgü rü tá wena namaxẽxü̃?” nhanagürü. Rü yexguma ga chamax rü chanangãxü̃ rü nhachagürü: “Pa Corix, cuxicatama nüxü̃ cucua̱x i ngẽma”, nhachagürü.
4 Rü yexguma ga nüma ga Cori ya Tupana rü nhanagürü choxü̃: “¡Chauégagu namaxã idexa ya daa naxchina̱xãgü! Rü nhacugürü tá nüxü̃: ‘Pa Naxchina̱xãgü ya Ipagünex ¡rü iperüxĩnüe i nhaa Cori ya Tupanaarü ore!
5 Rü nüma ya Cori ya Tupana rü nhanagürü pexü̃: Rü pegu tá chanaxücuxẽxẽ i maxü̃ nax pengü̃ãtanücüüxü̃ca̱x rü wena pemaxẽxü̃ca̱x.
6 Rü wena tá chanaxüxẽxẽ i perü tarumagü, rü tá pexü̃ chaxümachi, rü tá pexü̃ chaxüxcha̱xmüxü̃, rü tá pexna chanaxã i perü ngü̃ãcüxü nax wena pemaxẽxü̃ca̱x. Rü ngẽxguma i pema rü tá nüxü̃ pecua̱xãchi nax chama chixĩxü̃ ya Cori ya Tupana’ ”, nhanagürü.
7 Rü yexguma ga chama i Echequiéu rü yema Cori ya Tupana chamaxã nüxü̃ ixuxü̃ãcü guma naxchina̱xãgümaxã nüxü̃ chixu. Rü yexguma namaxã íchidexayane rü nüxü̃ chaxĩnü ga nax naxĩxããchianexü̃. Rü guma naxchina̱xãgü rü inanaxügü nax wüxichigü nügüca̱x naxĩxü̃.
8 Rü nüxü̃ chadau ga ngürü nax yatarumaã́xü̃ rü naxãmachixü̃ rü naxãxcha̱xmüxü̃. Notürü nangearü maxü̃ã̱xgüxü̃.
9 Rü yexguma ga nüma ga Cori ya Tupana rü nhanagürü choxü̃: “¡Rü chauégagu naxca̱x naca ya buanecü i maxü̃ nawa ngẽxmacü, rü nhacuxü̃ tá nüxü̃: ‘Pa Buanecü i Guxü̃cüwawa ne Ũcüx ¡rü nua naxũ nax cunamaxẽxẽẽxü̃ca̱x i nhaa naxü̃negü i yuexü̃!’ ” nhanagürü ga Cori ya Tupana.
10 Rü yexguma ga chamax rü Cori ya Tupanaégagu gumá buanecümaxã chidexa yema nüma choxü̃ namuxü̃rüxü̃, rü gumá buanecü rü ínangu rü yema naxü̃negügu naxücu. Rü nüma ga yema naxü̃negü rü wenaxarü namaxẽ rü inachigü. Rü yemaacü namuxũchi ga yema írüdagüxü̃.
11 Rü yexguma ga Cori ya Tupana rü nhanagürü choxü̃: “Rü ngẽma Iraéutanüxü̃gü rü daa naxchina̱xãgürüxü̃ nixĩgü. Rü nügümaxã nhanagürügü: ‘Rü yíxemagü rü nhama naxchina̱xãgü ya ipagünerüxü̃ tixĩgü erü nataxuma i tórü ngü̃xẽẽruxü̃, rü ngẽmaca̱x tagutáma wenaxarü tachixü̃aneca̱x tawoegu’, nhanagürügü.
12 Notürü i chama rü cuxü̃ chamu nax chauégagu namaxã quidexaxü̃ ¡rü nhacurügü tá nüxü̃! ‘Rü nüma ya Cori ya Tupana rü nhanagürü pexü̃: Pa Chorü Duü̃xü̃gü i Iraéutanüxü̃güx, rü tá pexü̃ íchanguxü̃xẽxẽ nawa i ngẽma nachixü̃anegü i nagu pepoxcuexü̃, rü tá perü naaneca̱x pexü̃ chawoeguxẽxẽ.
13 Rü ngẽxguma chama ngẽmaãcü pexü̃ charüngü̃xẽẽgu nax ípenguxü̃xü̃ca̱x nawa i ngẽma nachixü̃anegü, rü tá nüxü̃ pecua̱xãchitanü, Pa Chorü Duü̃xü̃güx, nax chama yixĩxü̃ i perü Cori ya Tupana.
14 Rü chama rü tá pexna chanamu i ngẽma Chauãxẽ i Üünexü̃, rü pema rü tá íperüdagü. Rü tá perü naanewa tátama wena pexü̃ changexmagüxẽxẽ. Rü ngẽxguma tá nixĩ i nüxü̃ pecuáxü̃ nax chama ya Cori ya Tupana chixĩxü̃ i pemaxã nüxü̃ chixuxü̃ i ngẽma, rü chama nixĩ ichayanguxẽẽxü̃. Rü chama ya Cori ya Tupana nixĩ i ngẽma nhachaxü̃.’
15 --
16 --
17 --
18 --
19 --
20 --
21 --
22 --
23 --
24 Rü yimá chorü duü̃ ya Dawítaxa tá nixĩ ya chorü duü̃xü̃güarü ãẽ̱xgacü ixĩcü rü nüxica tátama nixĩ i norü daruxü̃ yixĩxü̃. Rü nümagü rü tá chauga naxĩnüe rü tá nagu namaxẽ i chorü mugü rü ucu̱xẽgü.
25 Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Yacúna chaxãxü̃wa. Rü ngẽ́ma tá nixĩ i guxü̃gutáma nangexmagüxü̃ i nümagü, rü naxacügü, rü nataagü. Rü yimá chorü duü̃ ya Dawítaxa tá nixĩ ya guxü̃gutáma norü ãẽ̱xgacü ixĩcü.
26 Rü ngẽma chorü duü̃xü̃gümaxã tá chanaxuegu nax norü uanügü namaxã rüngüxmüexü̃ca̱x, rü ngẽmaãcü aixcuma tá nataãxẽgüxü̃ca̱x. Rü ngẽma namaxã chaxueguxü̃ rü tagutáma inayacua̱x. Rü chama rü tá nüxü̃ charüngü̃xẽẽ nax yamuxü̃ca̱x. Rü natanüwa tá chanangexmaxẽxẽ ya chapata ya üünene nax guxü̃gutáma ngẽ́ma nangexmaechaxü̃ca̱x.
27 Rü chama rü natanüwa tá changexma. Rü chama tá nixĩ i norü Tupana chixĩxü̃ rü nümagü rü tá chorü duü̃xü̃gü nixĩgü.
28 Rü ngẽxguma yima chapata ya üünene natanüwa ngẽxmagu, rü ngẽma togü i nachixü̃anegü rü tá nüxü̃ nicua̱xãchitanü nax chanadexü̃ i ngẽma Iraéutanüxü̃ nax chorü duü̃xü̃gü i üünexü̃ yixĩgüxü̃ca̱x.”
