Ezequiel 5:1-17
5 --
2 --
3 --
4 --
5 Rü nüma ya Cori ya Tupana rü nhanagürü choxü̃: “Dücax ya yima ĩane ya Yerucharéü̃. Rü chama nixĩ ga chanataxẽẽxü̃ natanüwa ya yima naigü ya ĩanegü ya togü i nachixü̃anecüã̱x.
6 Notürü yema norü duü̃xü̃gü ya yima ĩane ya Yerucharéü̃ rü chamaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima naigü ya ĩanegü ya pexna ngaicamanearü duü̃xü̃güarü yexera chixri namaxẽ rü tama naga naxĩnüe i ngẽma chorü mugü rü chorü ucu̱xẽgü.
7 Rü ngẽmaca̱x i chamax ya Cori ya Tupana rü nhachagürü: ‘Pemax rü guxü̃ i togü i duü̃xü̃gü i pexna ngaicamaxü̃arü yexera tama ipexĩnüechaü̃ rü tama naga pexĩnüe i ngẽma chorü mugü rü bai peyanguxẽẽgüchaü̃ i ngẽma togü i nachixü̃anegüarü mugü.’
8 Rü ngẽmaca̱x i chama ya Cori ya Tupana rü nüxü̃ chixu rü nhachagürü: ‘Chama rü tá ta pemaxã chanu, Pa Yerucharéü̃cüã̱xgüx, rü tá pexü̃ chapoxcue nape̱xewa i ngẽma togü i nachixü̃anecüã̱xgü.
9 Rü ngẽmaca̱x tá perü chixexü̃gügagu poraãcü pexü̃ chapoxcue. Rü nhaa poxcu i nhu̱xmax tá pexca̱x íchanguxẽẽxü̃ rü yema poxcu ga ü̃pama namaxã pexü̃ chapoxcuxü̃arü yexera tá nixĩ rü nhaawena rü nataxutáma i nangẽxgumaraxü̃xü̃ i poxcu.
10 --
11 --
12 --
13 --
14 Rü chamax, Pa Yerucharéü̃cüã̱xgü, rü tá nagu chapogü ya yima perü ĩane. Rü ĩpatagü ya rüyitaxü̃nexicatama tá nixĩ ya nüxü̃ pedauxü̃ne. Rü ngẽmaãcü tá guxü̃ i togü i nachixü̃anepe̱xewa pexü̃ chaxãneexẽxẽ nax pexü̃ nadaugüxü̃ca̱x i guxü̃ma i nua chopetüxü̃.
15 Rü ngẽxguma ngẽma perü chixexü̃gagu poraãcü pexü̃ chapoxcuegu rü guxü̃arü cugüruxü̃ tá pexĩgü. Rü guxü̃ma i ngẽma togü i nachixü̃ane i pexna ngaicamaxü̃arü dauxcüraxü̃ruxü̃ tá pexĩgü. Rü chama ya Cori ya Tupana rü nüxü̃ chixu i ngẽma.
16 Rü chama rü taxü̃tama i taiya tá pexca̱x íchanguxẽxẽ rü nhama chuxchi ya pexü̃ cúxü̃nerüxü̃ tá pexü̃ nadai. Rü ngẽma taiya rü tá poraãcü nitachigü rü ngẽmagagu tá düxwa pengebüe.
17 Rü aixcuma pexca̱x tá íchananguxẽxẽ i taiya rü daweane rü yu. Rü ngẽ́ma tá chanamugü i aigü i pexacügü tüxü̃ ngõ̱xcuxü̃. Rü ngẽmaãcü tá tagu̱x ya pexacügü. Rü ngẽxgumarüxü̃ ta ngẽ́ma tá chanamugü i perü uanügü nax muxema i pema rü daigu peyuexü̃ca̱x. Rü chama ya Cori ya Tupana chanaxunagü i ngẽma.’ ”
