Jeremias 15:1-21
15 Rü nüma ya Cori ya Tupana rü nhanagürü choxü̃: “Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i nhaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i nhaa duü̃xü̃gü. ¡Rü namaxã nüxü̃ ixu: ‘Rü choxna yaxĩgachitanü!’
2 Rü ngẽxguma chi cuxna nacagügu rü ngextá tá nax naxĩxü̃ rü nhaa nixĩ i chorü ore. ¡Rü namaxã nüxü̃ ixu!: ‘Rü ngẽma marü namaxã ueguxü̃ nax da̱xaweanemaxã nayuexü̃, rü da̱xaweanemaxã tá nayue. Rü ngẽma marü namaxã ueguxü̃ nax daigu nayuexü̃ rü daigu tá nayue. Rü ngẽma marü namaxã ueguxü̃ nax taiyamaxã nayuexü̃ rü tá taiyamaxã nayue. Rü ngẽma marü namaxã ueguxü̃ nax ínawoxü̃xü̃ i nhaa nachixü̃anewa rü tá ínawoxü̃.’
3 --
4 --
5 --
6 Rü pemax, Pa Yerucharéü̃cüã̱x, rü choxü̃ ípeta̱x rü tama choxü̃ pecuáxchaü̃. Rü chama ya Cori ya Tupana nixĩ i nüxü̃ chixuxü̃ i ngẽma. Rü ngẽma perü chixexü̃gagu rü chama rü marü chipa nax pemaxã yaxna chaxĩnüxü̃, rü ngẽmaca̱x düxwa pexü̃ chapoxcu nax perüxoexü̃ca̱x”, nhanagürü ga Tupana.
7 --
8 --
9 --
Yeremía rü ngechaü̃ãcüma nidexa
10 Poraãcü changechaü̃, Pa Máx, nax nhama i naanewa choxü̃ cungo̱xẽẽxü̃. Rü narümemae chi nixĩ ga nax chayuxü̃ ga noxritama chabuxgu, erü guxü̃wama i ngextá íchaxũxü̃wa rü duü̃xü̃gü rü chauxchi naxaie. Rü woo taguma texéaxü̃́ chanangetanü rü taguma texé choxü̃́ tanangetanü, notürü guxü̃ma i duü̃xü̃gü rü chixexü̃ chamaxã nixugüe.
11 Notürü nüétama, Pa Corix, nax chixexü̃ chamaxã yaxugüexü̃. Erü cuma rü meama nüxü̃ cucua̱x nax aixcuma mea chayanguxẽẽxü̃ i ngẽma puracü i choxna cuxãxü̃ rü poraãcü cupe̱xewa naétüwa chachogüxü̃ i ngẽma chorü uanügü nax ícunanguxü̃xẽẽ̱xü̃ca̱x nawa i ngẽma norü guxchaxü̃gü i nagu namaxẽxü̃.
Tupana nanaxunagü nax Iraéutanüxü̃güxü̃ napoxcuxü̃
12 Rü Tupana rü nhanagürü: “¿Texé tá nüxü̃ tarüporamae i ngẽma duü̃xü̃gü i Caudéuanecüã̱xgü i nhama féru rü brṍcherüxü̃ poraxüchixü̃?
13 Rü ngẽma perü pecádugügagu, Pa Iraéutanüxü̃x, rü ngẽmagagu tá perü uanügüna chanana i perü ngẽmaxü̃gü, rü perü diẽrugü, rü guxü̃ma i pexü̃́ ngẽxmaxü̃ i perü naanewa nax nüma yanamareãxü̃ca̱x.
14 Rü nhu̱xmax rü tá perü uanügüme̱xẽwa pexü̃ changexmagüxẽxẽ, rü wüxi i naane i tama nüxü̃ pecuáxü̃wa tá pexü̃ nagagü. Erü poraãcüxüchima pemaxã chanu rü nhama wüxi ya üxü ya tüxü̃ iguxü̃nerüxü̃ tá pexü̃ chagu̱xẽxẽ”, nhanagürü ya Tupana.
Yeremía rü Tupanana nacaama
15 Rü yexguma ga Yeremía rü Tupanaxü̃ nangãxü̃ rü nhanagürü: “Pa Corix, Pa Tupanax, cuma nüxü̃ cucua̱x nax cuxü̃ changechaü̃xü̃gagu nixĩ i ngúxü̃ chingexü̃. Rü nhaa duü̃xü̃gü rü chawe ningẽxü̃tanü nagagu nax nüxü̃ chixuxü̃ i curü ore. ¡Rü tauxü̃́ i choxna quixũgachixü̃ erü tá choxü̃ nima̱xgü! ¡Rü naxme̱xwa choxü̃ ínanguxuchixẽxẽ rü ẽcü cuma napoxcue!
16 Rü yexguma chamaxã quidexagu rü chama rü chanayaxu ga yema curü ore. Rü yema curü ore nixĩ ga choxü̃ poraxẽẽxü̃ rü choxü̃ taãxẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.
17 Rü chama rü tama namaxã chaxãmücü i ngẽma duü̃xü̃gü i norü petaguxicatama rüxĩnüexü̃. Rü yexguma cuma choxü̃ cuyaxu̱xgucürüwatama rü marü chaxicatama ichayarüxũü̃xü̃ yerü cuma naxchi choxü̃ cuxaixẽxẽ i ngẽma norü chixexü̃”, nhanagürü ga Yeremía.
18 --
19 --
20 --
21 --
