Jeremias 18:1-23
18 Rü nüma ga Cori ya Tupana rü chamaxã nidexa rü nhanagürü:
2 “¡Ẽcü, írüxĩ rü yéa üwechixü̃patawa naxũ! Rü ngẽ́ma tá cumaxã nüxü̃ chixu i wüxi i ore”, nhanagürü.
3 Rü yexguma ga chama i Yeremía rü ícharüxĩ rü üwéchixü̃patawa chaxũ. Rü yexma nüxü̃ ichayangau ga guma üwéchixü̃ ga máquinawa waixümü ímexẽẽcü.
4 Rü yexguma tama mea nüxü̃́ ínanguxuchigu ga yema nawechi ga naxüxü̃ rü wenaxarü nanaxü yema waixümüwatama rü nhu̱xmata yema nüma nanaxwa̱xexü̃ãcüma nüxü̃́ ínanguxuchi.
5 Rü yexguma ga nüma ga Cori ya Tupana rü nhanagürü choxü̃:
6 “Dücax, Pa Iraéutanüxü̃güx ¿tama ẽ̱xna inamexü̃ i ngẽma üwéchixü̃ waixümümaxã nax üxü̃rüxü̃ pemaxã chanaxüxü̃? Rü ngẽma waixümü i üwechixü̃ namaxã inacua̱x rü ngẽxgumarüxü̃ ta nixĩ i chamax i pemaxã ichacuáxü̃. Rü chamatama ya Cori ya Tupana nixĩ i nüxü̃ chixuxü̃ i ngẽma.
7 Rü ngẽxguma chama chanaxwa̱xegu rü choxü̃́ natauxcha nax chanaxoxẽẽxü̃ i wüxi i nachixü̃ane rü íchanataxüchixü̃ i ngẽma norü ãẽ̱xgacü.
8 Notürü ngẽxguma chi ngẽma nachixü̃ane rü nüxna yaxũgachigu i ngẽma chixexü̃ i nagu ínamaxü̱̃xü̃, rü marü taxũchima naxca̱x ngẽ́ma chanamu i ngẽma poxcu i naxca̱x íchamexẽẽxü̃.
9 Rü ngẽxgumarüxü̃ ta ega chama chanaxwa̱xegu rü choxü̃́ natauxcha nax chanaporaxẽẽxü̃ rü chanataxẽẽxü̃ i wüxi i nachixü̃ane.
10 Notürü ngẽxguma chi ngẽma nachixü̃ane chixexü̃ naxü̱xgu rü marü tama naga naxĩnügu i ngẽma chorü ucu̱xẽ, rü ngẽma mexü̃gü i namaxã chaxueguxü̃ rü marü taxũtáma nüxna chanaxã.
11 Dücax, Pa Yeremíax, ¡rü namaxã nüxü̃ ixu i guxü̃ma i Yudáanecüã̱xgü rü Yerucharéü̃cüã̱x i duü̃xü̃gü rü chama ya Cori ya Tupana rü nhacharügü nüxü̃: ‘Nhu̱xma rü marü nagu charüxĩnü nax pexü̃ chapoxcuexü̃! ¡Rü nüxü̃ perüxoe i ngẽma chixexü̃ i nagu pemaxẽxü̃ rü mexü̃gu perüxĩnüe rü mexü̃ pexügü!’, nhacurügü tá nüxü̃!
12 Notürü i nümagü rü tá nhanagürügüama cuxü̃: ‘¡Tauxü̃́ i notüca̱xmamare tomaxã nüxü̃ quixuechaxü̃! Erü tanaxwa̱xe nax toma nagu tarüxĩnüexü̃ãcüma tamaxẽxü̃, rü ngẽmaãcü taxúegama nax taxĩnüexü̃ erü ngẽma nixĩ i nagu tarüxĩnüexü̃’, nhanagürügüama tá cuxü̃.”
13 --
14 --
15 --
16 --
17 --
18 --
19 --
20 --
21 --
22 --
23 --
