Jeremias 36:1-32
36 Rü yexguma Yoachĩ́ ga Yochía nane rü marü ãgümücü ga taunecü Yudáanearü ãẽ̱xgacü yixĩxgu, rü Cori ya Tupana rü Yeremíamaxã nidexa rü nhanagürü nüxü̃:
2 “¡Ẽcü nayaxu i ngẽma popera i dixpǘtaxü̃ rü ngẽmagu naxümatü i guxü̃ma i ngẽma ore i cumaxã nüxü̃ chixuxü̃ i Iraéuanecüã̱xgüchiga, rü Yudáanecüã̱xgüchiga, rü ngẽma togü i nachixü̃anecüã̱xgüchiga! ¡Rü ngẽxma naxümatü i ngẽma ore ga cumaxã nüxü̃ chixuxü̃ ga yexguma Yochía ãẽ̱xgacü ixĩxgu rü nhu̱xmatáta nawa nangu i ngẽma ore i nhu̱xmax cumaxã nüxü̃ chixuxü̃!
3 Rü ngẽxguma ngẽma Yudáanecüã̱xgü nüxü̃ nacuáchigagügu i ngẽma poxcu i naxca̱x íchanguxẽẽchaü̃xü̃ rü bexmana tá nüxü̃ naxoe i nacüma i chixexü̃, rü chama rü tá nüxü̃́ nüxü̃ charüngüma i ngẽma norü chixexü̃gü rü norü pecádugü”, nhanagürü ga Tupana.
4 Rü nüma ga Yeremía rü Nería nane ga Barúquica̱x nangema rü gumámaxã nüxü̃ nixuchigü ga Tupanaarü ore nax naxümatüãxü̃ca̱x.
5 Rü nhu̱xũchi nüma ga Yeremía rü Barúquixü̃ naxucu̱xẽ rü nhanagürü: “Dücax, nhu̱xmax chama nax chapoxcuxü̃ rü taxucürüwa Tupanapatawa chaxũ.
6 Rü ngẽmaca̱x i ngẽxguma marü nawa nanguxgu nax wena naxaurexü̃ i duü̃xü̃gü rü name i cumax ngẽ́ma Tupanapatawa cuxũ nax ngẽ́ma namaxã nüxü̃ cudaumatüxü̃ca̱x ga yema ore ga poperagu cuxü̃ chaxümatüxẽẽxü̃. Erü ngẽma ngunexü̃gu rü tá nangexmagü i muxü̃ma i duü̃xü̃gü i guxü̃wama i Yudáanewa ne ĩxü̃, rü ngẽmaãcü tá nüxü̃ naxĩnüe i Cori ya Tupanaarü ore.
7 Rü bexmana ngẽxguma ngẽmaxü̃ naxĩnüegu i ngẽma duü̃xü̃gü rü Tupanaca̱x tá nawoegu, rü nüxü̃ naxoe i norü chixexü̃gü rü Tupanana nacagüe nax norü chixexü̃güxü̃ iyanangümaxü̃ca̱x naxü̃pa nax napoxcuexü̃. Erü ngẽma poxcu i Tupana namaxã ueguxü̃ i ngẽma duü̃xü̃gü rü poraãcü naxãũcümaxü̃chi”, nhanagürü ga Yeremía.
8 Rü nüma ga Barúqui rü nanaxü ga yema Yeremía namaxã nüxü̃ ixuxü̃. Rü Tupanapatawa tagaãcü duü̃xü̃güpe̱xewa nüxü̃ nadaumatü ga yema ore ga yema poperagu ümatüxü̃.
9 --
10 --
Barúqui rü ãẽ̱xgacügüpe̱xewa nüxü̃ nadaumatü ga popera
11 Rü nüma ga Micaía rü nüxü̃ naxĩnü ga yema Tupanaarü ore ga Barúqui nüxü̃ ixuxü̃. Rü Micaía rü Yemaría nane nixĩ rü Chapã́taxa nixĩ.
12 Rü nüma ga Micaía rü ãẽ̱xgacüpatawa naxũ rü nagu naxücu ga yema ucapu ga nawa nayexmagüxü̃ ga yema ãẽ̱xgacüarü ngü̃xẽẽruü̃gü. Rü yéma nayexmagü ga Ericháma ga ãẽ̱xgacüarü poperaarü daruxü̃, rü Deraía ga Chemaía nane, rü Enatáü̃ ga Abúru nane, rü Yemaría ga Chapã́ nane, rü Yedequía ga Ananía nane rü guxü̃ma ga togü ga ãẽ̱xgacüarü ngü̃xẽẽruü̃gü.
13 Rü nüma ga Micaía rü yema ãẽ̱xgacüarü ngü̃xẽẽruü̃gümaxã nüxü̃ nixu ga yema ore ga Barúqui duü̃xü̃güpe̱xewa nüxü̃ ixuxü̃.
14 --
15 --
16 Rü yexguma yagúegagu ga Micaía nax nüxü̃ yaxuxü̃ ga yema ore, rü nümagü ga yema ãẽ̱xgacüarü ngü̃xẽẽruü̃gü rü poraãcü namuü̃e. Rü nhanagürügü: “Rü name nixĩ i ãẽ̱xgacümaxã nüxü̃ tixu i nhaa ore”, nhanagürügü.
17 --
18 --
19 --
20 --
21 --
Ãẽ̱xgacü ga Yoachĩ́ rü nayagu ga yema poperapǘta
22 Rü nüma ga ãẽ̱xgacü ga Yoachĩ́ rü wüxi ga norü ucapuwa nayexma, rü yéma üxüétüwa nügü ínanaixü̃ yerü gáuanexü̃arü tauemacüwa nangu.
23 Rü nüma ga Yeudí ga ãẽ̱xgacüarü ngü̃xẽẽruxü̃ rü ãẽ̱xgacüca̱x nüxü̃ nadaumatü ga yema popera. Rü yexguma tamaepü̱xchimüxü̃ rüe̱xna ãgümücüchimüxü̃ nagu̱xuchixẽẽgu ga nüxü̃ nax nadaumatüxü̃, rü nüma ga ãẽ̱xgacü rü norü cüxchi tüxü̃ nayaxu rü ínanawíe ga yema marü nüxü̃ nadaumatüxü̃, rü üxüwa nayata̱xcuchi, rü nhu̱xmata rü yemaacü nagu̱x ga guxü̃ma ga yema poperapǘta.
24 Rü woo nüma ga ãẽ̱xgacü rü norü ngü̃xẽẽruü̃gü ga nüxü̃ ĩnüexü̃ ga yema ore ga Yeudí nawa ngúxü̃ rü tama namuü̃e, rü bai ga nax nangechaü̃güxü̃.
25 Rü nümagü ga Enatáü̃ rü Deraía, rü ãẽ̱xgacüxü̃ naca̱a̱xü̃gü nax tama yaguãxü̃ca̱x ga yema popera, notürü ga nüma ga ãẽ̱xgacü rü tama inaxĩnü.
26 Rü yemaca̱x nüma ga ãẽ̱xgacü rü nanamu ga Yeraméu ga natanüxü̃xü̃chi ixĩcü rü Cheraía ga Ariéu nane rü Cheremía ga Adeé nane nax wena Yeremíaxü̃ yayauxgüxü̃ca̱x wüxigu namaxã ga norü ngü̃xẽẽruxü̃ ga Barúqui. Notürü nüma ga Cori ya Tupana rü inayacu̱xgü.
Yeremía rü wena Barúquixü̃ namu nax popera i dixpǘtaxü̃gu naxümatüãxü̃ca̱x i Tupanaarü ore
27 Rü yexguma ãẽ̱xgacü yema nüxíraxü̃xü̃ ga poperapǘta igu̱xguwena, rü nüma ga Cori ya Tupana rü Yeremíaxü̃ nhanagürü:
28 “¡Rü to i poperapǘtaca̱x nadau, rü ngẽxma wena naxümatü i ngẽma ore ga nüxíraxü̃xü̃ ga poperapǘta ga ãẽ̱xgacü ga Yoachĩ́ iguxü̃gu cuxümatüxü̃!” nhanagürü.
29 --
30 --
31 --
32 Rü yexguma ga Yeremía rü to ga poperapǘta nayaxu. Rü Barúquixü̃ wena namu ga yemagu nax naxümatüãxü̃ca̱x ga yema ore ga nüxíraxü̃xü̃ ga poperagu naxümatüxü̃. Rü yema nüxíra naxümatüxü̃xü̃ narüma̱xmae ga yema ore.
