Jeremias 37:1-21
37 Rü Nabucudonochó ga Babiróniaanecüã̱xarü ãẽ̱xgacü rü Yedequía ga Yochía nanexü̃ ningucuchixẽxẽ nax Yudáanecüã̱xarü ãẽ̱xgacü yixĩxü̃ca̱x, nachicüxü ga Yeconía ga Yoachĩ́ nane.
2 Notürü woo ga Yedequía rü norü ngü̃xẽẽruü̃gü, rü woo ga duü̃xü̃gü rü tama inarüxĩnüe ga yema ore ga Cori ya Tupana Yeremíawa namaxã nüxü̃ ixuxü̃.
3 --
4 --
5 --
6 --
7 --
8 --
9 --
10 --
11 --
12 Rü nüma ga Yeremía rü Yerucharéü̃arü ĩanewa ínaxũxü̃chaü̃ nax Bẽyamíanewa naxũxü̃ca̱x nax yéma íyadauãxü̃ca̱x ga wüxi ga naane ga nüxna üxü̃.
13 Notürü yexguma Yerucharéü̃arü ĩã̱x ga Bẽyamígu ãégaxü̃wa nanguxgu, rü yéma nadauxü̃tae ga Yería ga Cheremía nane ga Ananíataxa. Rü nüma ga Yería rü yéma Yeremíaxü̃ nayachaxãchixẽxẽ, rü nhanagürü nüxü̃: “Cuma rü quinha nax natanüwa cuxüxü̃ca̱x i ngẽma torü uanügü i Babiróniaanecüã̱xgü”, nhanagürü nüxü̃.
14 Rü Yeremía nanangãxü̃ga rü nhanagürü: “Aixcumaxü̃ chixu rü taxũtáma Babiróniaanecüã̱xtanüwa chaxũ”, nhanagürü. Notürü ga Yería rü tama inaxĩnü rü Yeremíaxü̃ niyauxama rü ãẽ̱xgacügüpe̱xewa nanaga.
15 Rü nüma ga yema ãẽ̱xgacügü rü poraãcü Yeremíamaxã nanue. Rü norü churaragüxü̃ namu nax nacua̱i̱xgüãxü̃ca̱x. Rü ãẽ̱xgacüarü poperaarü daruxü̃ ga Yonatáũpatagu nanapoxcugü yerü guma ĩpata rü poxcupataxü̃ nayaxĩxẽẽgü.
16 Rü yemaacü ga Yeremía rü yema poxcuchica ga waixümütüü̃wa yexmaxü̃gu nayata̱xcuchigü. Rü yemaacü muxü̃ma ga ngunexü̃ yéma nayexma.
17 Rü nüma ga ãẽ̱xgacü ga Yedequía rü norü churaragüxü̃ namu nax ãẽ̱xgacüpatawa Yeremíaxü̃ nagagüxü̃ca̱x. Rü yexguma Yeremía ãẽ̱xgacüpe̱xewa nguxgu rü nüma ga ãẽ̱xgacü rü bexma Yeremíana naca rü nhanagürü: “¿Nangexmaxü̃ nax ngexwaca̱x cumaxã yadexaxü̃ ya Cori ya Tupana?” nhanagürü. Rü nüma ga Yeremía rü nanangãxü̃ rü nhanagürü: “Ngü̃, ngemáacü nangexma. Rü Tupana rü nhanagürü: ‘Rü cumax Pa Ãẽ̱xgacü rü naxme̱xẽgu tá cungu i ngẽma Babiróniaanecüã̱xarü ãẽ̱xgacü’ ”, nhanagürü.
18 Rü nhu̱xũchi nüma ga Yeremía rü ãẽ̱xgacü ga Yedequíana naca rü nhanagürü: “¿Ta̱xacürü chixexü̃ cumaxã chaxü, Pa Ãẽ̱xgacüx, rü ta̱xacürü chixexü̃ namaxã chaxü i curü ngü̃xẽẽruü̃gü, rü ta̱xacürü chixexü̃ namaxã chaxü i duü̃xü̃gü rü ngẽmaca̱x choxü̃ pepoxcuxü̃?
19 ¿Rü ngexü̃gü yixĩxü̃ i nhu̱xmax ga yema orearü uruü̃gü ga cumaxã nüxü̃ ixugüexü̃ ga Babiróniaanearü ãẽ̱xgacü rü taxũtáma pexca̱x rü pechixü̃aneca̱x íyaxüãchixü̃?
20 ¡Rü irüxĩnü, Pa Ãẽ̱xgacüx, Pa Chorü Corix! Rü cuxü̃ chaca̱a̱xü̃ nax tama wena ngẽma poxcupataü̃wa choxü̃ cumuxü̃ca̱x nax tama ngẽxma chayuxü̃ca̱x”, nhanagürü.
21 Rü yexguma ga ãẽ̱xgacü ga Yedequía rü norü churaragüxü̃ namu nax tama yema noxri nagu napoxcuxü̃ ga poxcupataü̃gu namugüaxü̃ca̱x. Rü yema ãẽ̱xgacüpataa̱xtüwa yexmaxü̃ ga poxcuchicaxü̃gu nayamugü. Rü yexguma guma ĩanewa taxũta nagu̱xgu ga poũ, rü wüxichigü ga ngunexü̃gu rü yexwaca̱xü̃xü̃ ga poũ nüxna naxãgüxü̃. Rü yemaacü yema ãẽ̱xgacüpataa̱xtüwa yexmaxü̃ ga poxcuchicaxü̃gu nanamugü.
