Jeremias 39:1-18
39 Rü yexguma 9 ga taunecü marü ãẽ̱xgacü yixĩxgu ga Yedequía ga Yudáanewa rü gumá taunecüarü ügügu, rü nüma ga Nabucudonochó rü norü churaragümaxã Yerucharéü̃ca̱x ínayaxüãchi rü nüxü̃ ínachomaeguãchi.
2 Rü yexguma 11 ga taunecü marü ãẽ̱xgacü yixĩgu ga Yedequía rü meama norü ãgümücü ga tauemacü (yúniu) arü 9 ga ngunexü̃gu rü nayapoxnagü ga norü poxeguxü̃ ga guma ĩane rü yemaacü nachocu.
3 Rü yemaacü guxü̃ma ga yema Babiróniaanecüã̱xgüarü churaragüeru rü nachocu rü yema ĩã̱x ga ngãxü̃wa üxü̃gu nügü ninu. Rü natanüwa nayexma ga Negári Chariché rü Chaü̃ganébu. Rü yéma nayexma ta ga Charichequíü̃ rü to ga Negári Chariché ga ãẽ̱xgacüarü ngü̃xẽẽruü̃erugü ixĩgüxü̃.
4 Rü yexguma nüma ga ãẽ̱xgacü ga Yedequía rü norü churaragü nüxü̃ daugügu ga yema ngupetüxü̃ rü nibuxmü nawa ga guma ĩane. Rü chütacü ínachoxü̃ nawa ga yema ãẽ̱xgacüpataarü putüranecüwa dapetüxü̃ ga nama. Rü yema ĩã̱x ga taxre ga naxtapü̱xarü ngãxü̃wa yexmaxü̃wa ínachoxü̃, rü nama ga Yurdáũarü ngatewa nadaxü̃waama naxĩ.
5 Notürü nüma ga Babiróniaanecüã̱xgü rü Yedequíawe nangẽgü, rü Yericóarü metachinüxü̃anegu nayayauxgüx. Rü Amáchianewa yexmane ga ĩane ga Díbarawa nanagagü yerü yéma nayexma ga ãẽ̱xgacü ga Nabucudonochó. Rü nüma ga Nabucudonochó rü yéma namaxã nanaxuegu ga poxcu.
6 Rü nhu̱xũchi Yedequíaxü̃ ínadawenüxẽxẽ nax nhuxãcü tüxü̃ nadaixü̃ ga nanegü rü guxãma ga natanüxü̃gü ga ãẽ̱xgacügü ixĩgüxü̃ ga Yudáanewa.
7 Rü yemawena rü nhu̱xũchi Yedequíaxü̃ nacaxü̃xétügü rü curẽchimaxã yana̱i̱xgüãcüma Babiróniaanewa nanagagü.
8 Rü yoxni ga yema togü ga Babiróniaanecüã̱xgü ga churaragü rü nagu nanangixgü ga guma Yerucharéü̃ namaxã ga guma ãẽ̱xgacüpata. Rü nagu napogüe ga naxtapü̱x ga guma ĩanearü poxeguxü̃.
9 Rü nüma ga yema churaragüeru ga Nabucharadáü̃, rü Babiróniaanewa nanagagü ga yema yéma yaxǘgüxü̃ ga duü̃xü̃gü, rü yema nawaama nügü ügüxẽẽxü̃.
10 Notürü guxü̃ma ga Yudáarü naanewa rü yéma tüxü̃ nawogü ga guxema nhuxre ga yexeraãcü ngearü diẽruã̱xgüxe. Rü tüxna nanaxãgü ga naanegü rü úwanecügü.
11 --
12 --
13 --
14 --
15 --
16 --
17 --
18 --
