Jeremias 40:1-16
40 Rü nüma ga Babiróniaanecüã̱xarü churaragüeru ga Nabucharadáü̃ rü Ramáwa nanaga ga yema Yerucharéü̃cüã̱xgü rü Yudáanecüã̱xgü ga Babiróniaanewa gagüchaü̃xü̃. Rü yexguma Ramáwa nangugügu rü yematanüwa Yeremíaxü̃ inayangau ga curẽchimaxã ichotacü. Rü nüma ga Nabucharadáü̃ rü ínananguxuchixẽxẽ. Rü yemawena rü nüma ga Cori ya Tupana rü Yeremíamaxã nidexa.
2 Rü nüma ga churaragüeru rü nüxrüguma Yeremíamaxã nixũ, rü nhanagürü nüxü̃: “Nüma ya curü Cori ya Tupana rü marü nhaa perü naanewa nananguxẽxẽ i nhaa guxchaxü̃ ga marü pemaxã naxunagüxü̃.
3 Rü nhu̱xmax rü marü ningu ga yema guxchaxü̃ ga namaxã pexü̃ naxãxũnexü̃. Erü ngẽma cutanüxü̃gü rü Cori ya Tupanape̱xewa chixexü̃ naxügü, rü ngẽmaca̱x nixĩ i ngẽmaãcü pexü̃ nangupetüxü̃ erü tama naga pexĩnüe.
4 Dücax, nhu̱xmatátama íchayawẽ ya yima curẽchi ya namaxã quichotacü. Rü ngẽxguma cunaxwa̱xegu nax chawe curüxũxü̃ i Babiróniaanewa ¡rü ngĩxã rü chawe rüxũ! Rü chama rü tá cuxna chadau. Notürü ngẽxguma tama ngẽ́ma cuxũxchaü̃gu rü marü name i nuxã curüxã̱ũ̱x. Rü nhaa nixĩ i cuchixü̃ane, rü cuma i nüxü̃ cucuáxü̃ nax ngextá tá cungexmaxü̃ i nawa.
5 Rü ngẽxguma cunaxwa̱xegu nax nuxã cuchixü̃anegu curüxã́ũxü̃ ¡rü ẽcü Yedaría ya Aicáü̃ nane ya Chapã́taaxü̃tawa naxũ! Rü yimáxü̃ nixĩ i naxunetaxü̃ ya Babiróniaanecüã̱xarü ãẽ̱xgacü nax Yudáanewa ngẽxmagüne ya ĩanegüarü ãẽ̱xgacü yixĩxü̃ca̱x. Rü name nixĩ nax yimáxü̃tawa cungexmaxü̃ namaxã i cutanüxü̃. ¡Rü ngextá cuma ícunaxwa̱xexü̃wa naxũ!” nhanagürü. Rü nhu̱xũchi nüma ga churaragüeru Yeremíana ãmare naxã, rü õnagü rü ta nüxna naxã, rü yemaacü nüxü̃ narümoxẽ.
6 Rü nüma ga Yeremía rü Yedaríamaxã Míspawa naxĩ. Rü yéma naxü̃tawa nayexma natanüwa ga yema duü̃xü̃gü ga yéma nachixü̃anewa yaxügüxü̃.
7 --
8 --
9 --
10 --
11 --
12 --
13 --
14 --
15 --
16 --
