Jeremias 45:1-5
45 Rü yexguma ãgümücü ga taunecü marü Yudáanecüã̱xarü ãẽ̱xgacü yixĩxgu ga Yoachĩ́ ga Yochía nane, rü nüma ga Tupanaarü orearü uruxü̃ ga Yeremía, rü namücü ga Barúqui ga Nería nanemaxã nüxü̃ nixuchigü ga Tupanaarü ore nax naxümatüãxü̃ca̱x. Rü yexgumayane rü nüma ga Yeremía rü Barúquixü̃ naxucu̱xẽ rü nhanagürü nüxü̃:
2 45:2-4 “Dücax, Pa Barúquix, rü cuma rü nhacurügü: ‘Nüma ya Cori ya Tupana rü taxuxü̃ma i ngü̃xẽẽ choxna naxã. Rü ngẽma choxna naxãxü̃ nixĩ i guxchaxü̃gü rü ngúxü̃xicatama. Rü ngẽmaca̱x marü düxwa chipa nax chaxaxuxü̃ rü taguma wüxi i taãxẽ chayaxu’, nhacurügü. Notürü nüma ya Cori rü choxü̃ namu nax cumaxã nüxü̃ chixuxü̃ca̱x i cuchiga rü nhanagürü: ‘Chama rü ichayanaxoxẽxẽ i ngẽma chamatama chaxüxü̃, rü chanabe̱x i ngẽma ichatogüxü̃. Rü ngẽmatátama namaxã chaxü i guxü̃ma i nhaa naane.
3 Nüü̃ nadau 45:2
4 Nüü̃ nadau 45:2
5 ¿Rü cuxca̱x rü name nax naxca̱x ícucaxü̃ i ta̱xacü i cugüca̱xicatama ixĩxü̃? ¡Rü tauxü̃́ i naxca̱x ícucaxü̃! Erü chama rü tá íchananguxẽxẽ i guxchaxü̃gü naxca̱x i guxü̃ma i nhaa duü̃xü̃gü. Notürü i cuma rü tá cuxna chadau nax tama cuyuxü̃ca̱x i ngextá ícuxũxü̃wa. Rü chamatama ya Tupana nixĩ i ngẽma nhachaxü̃ cuxü̃’, nhanagürü ga Tupana”, nhanagürü ga Yeremía.
