Joel 1:1-20
1 Nhaa nixĩ ga Cori ya Tupanaarü ore ga Petué nane ga Yoéumaxã nüxü̃ yaxuxü̃.
2 1:2-4 Guxü̃ma ga perü nanetügü rü munü pexü̃́ nanangõ̱x. Rü yema íyaxüxẽẽgüxü̃ rü togü ga munü nanangõ̱xgü. Rü dücax, Pa Yaxguã̱xgü rü Guxãma i Pemax i Nhaa Nachixü̃anecüã̱xgüx, rü pexna chaca ¿rü nhuxgu nüxü̃ pedauxü̃ ga wüxi ga chixexü̃ ga nhaarüxü̃ ixĩxü̃? Rü nũxcüma ga penatügü rü taguma nüxü̃ tadau i ngẽma nhu̱xmax pexü̃ ngupetüxü̃. Rü ngẽmaca̱x name i pexacügümaxã nüxü̃ pexu i ngẽma nhu̱xmax pexü̃ ngupetüxü̃, rü nümagü rü tá naxacügümaxã nüxü̃ nixugügü, rü petaagü rü naxacügümaxã ta nüxü̃ nixugügü.
3 Nüü̃ nadau 1:2
4 Nüü̃ nadau 1:2
5 Pa Ngãxẽwa̱xexü̃x ¡rü peba̱i̱xãchie! ¡Pexauxe, Pa Bínuarü Axruü̃güx! Erü ngẽma úwatüxü̃ rü tá pexna nanayauxgü.
6 Erü ngẽma munügü rü nhama muxũchixü̃ i churaragü i poraexü̃rüxü̃ chauchixü̃anegu nachocu. Rü napütagü rü nhama ai ya leóü̃pütarüxü̃ nixĩgü.
7 Rü ngẽma munügü rü tórü úwanecügu rü tórü iguéranecügu nawagüe rü nayangeatüxẽxẽ rü ngẽmaãcü nachu̱xtanümare i nachacüxü.
8 1:8-9 Rü chacherdótegü rü naxauxe nhama wüxi i paxü̃ iyutéxü̃ i nateca̱x axuxü̃rüxü̃ erü Tupanapatawa rü marü nataxuma i nawemügü rü wíũ nax ngẽma Tupanana naxãmaregüxü̃ca̱x.
9 Nüü̃ nadau 1:8
10 Rü ngẽma naanegü rü nachianemare rü waixümügü rü nipagümare. Rü ngẽma trígugü rü nayue rü ngẽma úwanecü rü nipagü rü ngẽma oríwanecü rü narünhe̱xgü.
11 Rü pemax nax naanewa pepuracüexü̃ rü penatoxü̃ ga úwagü rü trígugü rü chewádagü rü poraãcü pengechaü̃güãcüma pexauxe. Yerü yema trígu rü chewáda ga petogüxü̃ rü pexü̃́ nayue, rü yemaca̱x taxuxü̃ma pibuxgü.
12 Rü perü úwanecü rü nipagü rü yexma narüxo ga perü figunecügü. Rü nipagü ga perü ori̱xgü ga boxragü, rü cucugü, rü maü̃sánagü rü guxü̃ma ga perü nanetügü ga peanewa yexmagüxü̃. Rü yemaacü nüxü̃́ inayarütaxu ga norü taãxẽ ga guxü̃ma ga duü̃xü̃gü.
13 Rü pemax, Pa Chacherdótegü i Tupanaarü Ãmarearü Guchicaxü̃maxã Icua̱xgüxex, rü name nixĩ i naxchiru i nhoxẽrüxü̃gu picu̱xgü, rü pexauxe erü yima Tupanapatawa rü marü nataxuma i trígu rü wíũ i perü ãmareruxü̃ ixĩxü̃.
14 ¡Rü naxca̱x pengema i duü̃xü̃gü nax aureãcüma nayumüxẽgüxü̃ca̱x! ¡Rü Cori ya Tupanapatagu penangutaque̱xexẽxẽ i perü ãẽ̱xgacügü i yaxguã̱xgü, rü guxü̃ma i duü̃xü̃gü i nhaa nachixü̃anecüã̱xgü! ¡Rü ngẽ́ma perü yumüxẽwa Tupanana peca nax pexü̃ nangü̃xẽẽxü̃ca̱x!
15 Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.
16 Rü yema munügü rü tape̱xewatama tüxna nanapu ga tawemü rü yemaacü inarüxo ga Tupanapatawa nax itaãxẽgüxü̃.
17 Rü guma nanetüchire rü nayue ga yema ínatogüxü̃wa, rü yema trígu rü inayarüxo rü guma ĩpatagü ga nanetü nagu gücune rü marü ningeãcu rü nichixe.
18 --
19 --
20 --
