Mateu 1:1-25
1 Nhaã nixĩ ga Ngechuchu ja Cristuarü o̱xigü ga nuxcümaxü̃güxü̃. Rü jematanüwa rü Dawí nixĩ ga wüxi, rü Abrã́ũ nixĩ ga to.
2 Abrã́ũ nixĩ ga nanatü ga Isaqui.Rü Isaqui nixĩ ga nanatü ga Jacú.Rü Jacú nixĩ ga nanatü ga Judá rü naẽneẽgü.
3 Rü Judá nixĩ ga nanatü ga Peré rü Cherá. Rü Tamá ngĩnegü nixĩ ga jema taxre.Rü Peré nixĩ ga nanatü ga Erṍũ.Rü Erṍũ nixĩ ga nanatü ga Arã́ũ.
4 Rü Arã́ũ nixĩ ga nanatü ga Aminadá.Rü Aminadá nixĩ ga nanatü ga Nasu.Rü Nasu nixĩ ga nanatü ga Charamú.
5 Rü Charamú nixĩ ga nanatü ga Buá rü Raábe ijixĩ ga naẽ.Rü Buá nixĩ ga nanatü ga Obedi, rü Ruti ijixĩ ga naẽ.Rü Obedi nixĩ ga nanatü ga Jesé.
6 Rü Jesé nixĩ ga nanatü ga ãẽ̱xgacü ga Dawí.Rü ãẽ̱xgacü ga Dawí nixĩ ga nanatü ga Charumáũ. Rü Bechabé ga Uría nama̱xchire̱x ixĩcü ijixĩ ga naẽ ga Charumáũ.
7 Rü Charumáũ nixĩ ga nanatü ga Rubuã́ũ.Rü Rubuã́ũ nixĩ ga nanatü ga Abía.Rü Abía nixĩ ga nanatü ga Achá.
8 Rü Achá nixĩ ga nanatü ga Jochapá.Rü Jochapá nixĩ ga nanatü ga Jurã́ũ.Rü Jurã́ũ nixĩ ga nanatü ga Uchía.
9 Rü Uchía nixĩ ga nanatü ga Jotã́ũ.Rü Jotã́ũ nixĩ ga nanatü ga Acá.Rü Acá nixĩ ga nanatü ga Echequía.
10 Rü Echequía nixĩ ga nanatü ga Manaché.Rü Manaché nixĩ ga nanatü ga Amú.Rü Amú nixĩ ga nanatü ga Jochía.
11 Rü Jochía nixĩ ga nanatü ga Jeconía rü naẽneẽgü. Rü jexguma nixĩ ga Babiróniãcü̱̃ã̱x ga churaragü Judéugüxü̃ íjauxü̃xü̃ rü Babiróniããnewa nagagüãxü̃.
12 Rü jexguma Babiróniãwa Judéugüxü̃ nagagüguwena rü Jeconía nixĩ ga nanatü ga Charatía.Rü Charatía nixĩ ga nanatü ga Chorobabé.
13 Rü Chorobabé nixĩ ga nanatü ga Abiúdi.Rü Abiúdi nixĩ ga nanatü ga Eriaquí.Rü Eriaquí nixĩ ga nanatü ga Achó.
14 Rü Achó nixĩ ga nanatü ga Chadoqui.Rü Chadoqui nixĩ ga nanatü ga Aquíu.Rü Aquíu nixĩ ga nanatü ga Eriúdi.
15 Rü Eriúdi nixĩ ga nanatü ga Ereachá.Rü Ereachá nixĩ ga nanatü ga Matáü̃.Rü Matáü̃ nixĩ ga nanatü ga Jacú.
16 Rü Jacú nixĩ ga nanatü ga Juche. Rü Juche nixĩ ga María ngĩte. Rü María ijixĩ ga naẽ ja Ngechuchu ja Cristu ixĩcü.
17 Rü jemaãcü Abrã́ũwa inaxügü ga jema Ngechuchuarü o̱xigü rü 14 nixĩ nhu̱xmata Dawíwa nangu. Rü to ga 14 inaxügü ga Dawíwa rü nhu̱xmata Babiróniãcü̱̃ã̱x ga churaragü Judéugüxü̃ íjauxü̃guwa nangu. Rü to ga 14 inaxügü ga jexguma Judéugüxü̃ ínajauxü̃guwena rü nhu̱xmata Cristu buxguwa nangu.
Ngechuchu ja Cristuarü buxchiga
18 Rü nhaãcü nixĩ ga jexguma nabuxgu ga Ngechuchu. Rü naẽ ga María rü marü Juchemaã ixãtechaü̃. Notürü naxü̃pa ga nügüna na nangugüxü̃ rü marü Tupanaãẽ i Üünexü̃ãrü ĩnüãxü̃́ ixãxãcü.
19 Rü Juche ga María ngĩtechaü̃ ixĩcü rü wüxi ga mecü nixĩ. Rü jemaca̱x tama nanango̱xẽẽchaü̃ ga jema na naxãxãcüxü̃ ga María. Rü nagu narüxĩnü ga bexmamare ngĩxü̃ na ínatáxü̃.
20 Rü jexguma jemagu ínaxĩnüjane, rü wüxi ga dauxü̃cü̱̃ã̱x ga Tupanaãrü orearü ngeruü̃, rü nanegüwa naxca̱x nango̱x rü namaã nidexa. Rü nhanagürü nüxü̃: —Pa Juche Pa Dawítanüxü̃x, ¡tãṹ i ngĩxü̃ cuxoxü̃ i María na ngĩmaã cuxãmaxü̃! Erü Tupanaãẽ i Üünexü̃ ngĩxna ĩnüxü̃gagu nixĩ i naxãxãcüxü̃.
21 —Rü ngĩma tá ngĩxü̃́ nangẽxma i wüxi i ngĩxãcü, rü cuma rü tá Ngechuchugu cunaxüéga. Rü ngẽma tá nixĩ i naẽ́ga, erü nüma tá norü pecadugüwa ínananguxü̃xẽẽ i norü duü̃xü̃gü —nhanagürü.
22 Rü guxü̃ma ga jema orearü ngeruü̃ nüxü̃ ixuxü̃ rü nangupetü na janguxü̃ca̱x ga Cori ga Tupanaãrü ore ga nuxcümaxü̃xü̃ ga norü orearü uruü̃ nüxü̃ ixuxü̃ ga nhaxü̃:
23 “Rü tá tawemacü ngĩxü̃ inajarütaxu i ngẽma nge i taguma jatüxü̃ cua̱xcü. Rü tá najatü. Rü Emanuẽ́ tá nixĩ i naẽ́ga. Rü ngẽma naẽ́ga rü ‘Tupana tamaã inarüxã̱ũ̱x’, nhaxü̃chiga nixĩ”,
nhanagürü.
24 Rü jexguma pewa naḇaixãchigu ga Juche, rü nanaxü ga jema Tupanaãrü orearü ngeruü̃ ga dauxü̃cü̱̃ã̱x namaã nüxü̃ ixuxü̃. Rü Maríamaã naxãma̱x.
25 Notürü taguma ngĩxü̃ nacua̱x nhu̱xmata nabu ga guma ngĩne. Rü Ngechuchugu nanaxüéga.
