Miquéias 4:1-13
4 Rü yixcüra rü tá nawa nangu nax yima ma̱xpǘne ya Tupanapata nagu üxü̃ne rü tá guxü̃nema ya náigü ya ma̱xpǘnegüarü yexera natachiga. Erü ngẽ́ma Tupanapatawa tá naxĩ i guxü̃ma i nachixü̃anecüã̱xgü i duü̃xü̃gü nax nüxü̃ yacua̱xüü̃güxü̃ca̱x.
2 Rü muxũchixü̃tama i duü̃xü̃gü tá ngẽ́ma nangugü rü nhanagürügü tá: “¡Rü nua pexĩ rü ngĩxã daa ma̱xpǘnewa dauxü̃ taxĩgü nax nawa ingugüxü̃ca̱x ya yima Iraéutanüxü̃güarü Tupanapata nax nüma tüxü̃ nangúexẽẽxü̃ca̱x i ngẽma mexü̃ i nacüma nax ngẽmagu ixĩxü̃ca̱x!” nhanagürügü tá. Erü daa ma̱xpǘne ya Chiã́ũwa tá nixĩ ya Cori ya Tupana i tüxü̃ nangúexẽẽxü̃. Rü Yerucharéü̃wa tá nixĩ i ne naxũxü̃ i norü ore.
3 Rü nüma ya Cori ya Tupana tá nixĩ i namexẽẽãxü̃ i nachixü̃anegüarü guxchaxü̃gü rü woo i ngẽma nachixü̃anegü i yáxü̃wa ngẽxmagüxü̃arü guxchaxü̃gü. Rü ngẽma duü̃xü̃gü rü aiegumüaneruxü̃ tá nayaxĩgüxẽxẽ i norü taragü, rü yima norü wocaegü, rü tríguarü buxruxü̃ tá nayaxĩgüxẽxẽ. Rü taxuxü̃táma to i nachixü̃ane rü wena naxãxnegü nax togümaxã nügü nadaixü̃ca̱x rü taxúetáma texé tanangúexẽxẽ i daixchiga.
4 Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úwapechitagu, rü tümaarü fígupechitagu tarüngü̃. Rü nhaa ore rü noxrütama nixĩ ya yimá Cori ya Tupana ya guxãétüwa ücü.
5 Rü ngẽma togü i nachixü̃anecüã̱x i duü̃xü̃gü rü woo noxrütama tupanagünetaga naxĩnüegu, notürü i yixema rü guxü̃gutáma naga taxĩnüe ya yimá tórü Cori ya Tupana.
Tupana tá ínananguxü̃xẽxẽ i norü duü̃xü̃gü
6 Rü nüma ya Cori ya Tupana rü nhanagürü: “Yixcüra rü tá nachixü̃aneca̱x chanawoeguxẽxẽ i ngẽma chorü duü̃xü̃gü i Iraéutanüxü̃gü. Rü wüxiwa tá chanangexmagüxẽxẽ i ngẽma noxri to ga nachixü̃anegu woonexü̃ rü turaexü̃ rü ipaexü̃.
7 Rü ngẽma woeguxü̃maxã wüxigu namaxã i ngẽma Yerucharéü̃wa yaxügüxü̃maxã tá wena ichanachixẽxẽ i wüxi i nachixü̃ane i poraxü̃. Rü chama ya Tupana rü guxü̃gutáma namaxã ichacua̱x i ngẽma chorü duü̃xü̃gü nawa ya yima ma̱xpǘne ya Chiã́ũ.
8 Rü cumax, Pa Yerucharéü̃ i Iraéutanüxü̃güarü Poxü̃chicaxü̃ Ixĩxe i Ma̱xpǘne ya Chiã́ũwa, rü wena táxarü guxü̃ i Iraéuanearü íanegüétüwa cungexma rü cuwa tá nixĩ i nangexmaxü̃ i nhaa nachixü̃anearü ãẽ̱xgacüpata”, nhanagürü ya Tupana.
9 --
10 --
11 --
12 --
13 --