Miquéias 5:1-15
5 --
Tupana rü tá Iraéutanüxü̃güxü̃ naxüarü ãẽ̱xgacüã̱x
2 Rü cumax, Pa Beréü̃ i Efráta ixĩxex, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, notürü cugu tá nixĩ i nabuxü̃ ya yimá Iraéuanecüã̱xgüarü ãẽ̱xgacü ya woetama marü ngẽxmaechacü.
3 Rü nhu̱xmax ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x nhu̱xmatáta naxíraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraéutanüxü̃gü i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangexmagüxü̃ca̱x namaxã i natanüxü̃gü ga nachixü̃anewatama yaxügüxü̃.
4 Rü nüma ya yimá Iraéutanüxü̃güarü ãẽ̱xgacü ya ínguchaü̃cü rü Cori ya Tupanaarü poramaxã rü norü üünemaxã tá ngẽma norü duü̃xü̃gümaxã inacua̱x. Rü ngẽma norü duü̃xü̃gü rü taxuca̱xtáma namuü̃e erü guxü̃táma i duü̃xü̃gü i nhama i naanewa ngẽxmagüxü̃ rü tá Cori ya Tupanaxü̃ nicua̱xüxü̃gü.
5 Rü nüma ya yimá ãẽ̱xgacü rü tá nanangüxmüexẽxẽ i duü̃xü̃gü. Rü ngẽxguma ngẽma Achíriaanecüã̱xgü tachixü̃anegu chocu̱xgu rü ãẽ̱xgacüpatagügu chocu̱xgu rü yimá ãẽ̱xgacü rü naxü̃tawa tá nanamugü i 7 i duü̃xü̃güarü daruü̃gü rü 8 i ãẽ̱xgacügü nax nüxü̃ naporamaegüxü̃ca̱x.
6 Rü nümagü rü norü taramaxã tá nixĩ i Niróyichixü̃ane i Achíriaanemaxã inacua̱xgüxü̃. Rü tá tüxü̃ ínanguxü̃xẽxẽ naxme̱xwa i ngẽma Achíriaanecüã̱xgü i tórü naanegu chocuxü̃ rü tüxna yapugüxü̃.
7 --
8 --
9 --
10 --
11 --
12 --
13 --
14 --
15 --
