Neemias 4:1-23
4 Rü yexguma nüma ga Chaü̃bára nüxü̃ ĩnüchigagu ga nax namexẽẽgüaxü̃ ga guma ĩanearü poxeguxü̃, rü nanu rü norü numaxã toxü̃ nacugü.
2 Rü nhanagürü nape̱xewa ga namücügü ga Chamáriacüã̱x ga churaragüarü ãẽ̱xgacügü: “¿Ta̱xacügu narüxĩnüe i ngẽma Yudéugü i taiyamaxã yuechaü̃xü̃? ¿Rü nüma nagu naxĩnüegu rü chi wena nüxü̃ tanaxüxẽxẽ nax naxü̃na norü Tupanaca̱x nadaixü̃ rü ínaguxü̃? ¿Ẽ̱xna nagu naxĩnüegu rü wüxi i ngunexü̃gu tátama nüxü̃́ nagu̱x i ngẽma puracü i naxügüxü̃? ¿Ẽ̱xna ngẽma naxtapü̱x i ngẽxma ãũxchitaxü̃ i marü ixaexü̃wa tátama nadeaxü̃ ya ngexwaca̱xü̃cü ya nutagü?” nhanagürü.
3 Rü naxü̃tawa nayexma ga Tobía ga Amóũtanüxü̃. Rü nüma rü nhanagürü ta: “¡Dücax i ngẽma naxtapü̱x i naxügüxü̃! Rü wüxi i cugüruxü̃ nixĩ. Erü woo wüxi i ngowa dauxü̃ nawa ĩ̱xgu rü tá nayawa̱xtapü̱xẽxẽ”, nhanagürü.
Neemíaarü yumüxẽ
4 Rü yexguma ga chamax, rü chayumüxẽ rü Tupanamaxã chidexa rü nhachagürü: “Pa Torü Tupanax ¡nüxü̃ naxĩnü nax nhuxãcü toxü̃ nacugüexü̃! ¡Ẽcü naxca̱xtama natáeguxẽxẽ i ngẽma namaxã toxü̃ nacugüexü̃, nax ngẽmaãcü norü uanüme̱xẽgu nayi̱xixü̃ca̱x rü to i nachixü̃anewa nagagüaxü̃ca̱x!” nhachagürü.
5 --
Norü uanügü nanaxãxũnegü
6 Rü nawa tapuracüeama ga yema ĩanetapü̱x ga marü ngãxü̃gu ixũxü̃ ga nax naxüxü̃. Rü nüma ga duü̃xü̃gü rü norü ngúchaü̃maxã napuracüe.
7 Notürü yexguma torü uanügü ga Chaü̃bára rü Tobía rü yema Árabegü, rü Amóũtanüxü̃gü, rü Adóũtanüxü̃gü nüxü̃ ĩnüegu nax mea iyaxũxü̃ ga yema puracü ga Yerucharéü̃arü poxeguxü̃tapü̱xwa rü yema ãxmaxétügüxü̃ rü marü nax nanhaxtagüãxü̃, rü nümagü ga yema uanügü rü poraãcü nanue.
8 Rü guxü̃ma ga nüma rü wüxigu nügümaxã nagu narüxĩnüe nax Yerucharéü̃ca̱x inaxĩãchixü̃ nax nagu napogüexü̃ca̱x ga naxtapü̱x.
9 Rü yexguma ga toma rü tayumüxẽgü, rü Tupanana taca nax toxü̃ nangü̃xẽẽxü̃ca̱x. Rü nhu̱xũchi dauxü̃taeruxü̃ itamugü nax chütacü rü ngunecü nadauxü̃taegüxü̃ca̱x nax yemaacü togü ítapoxü̃xü̃ca̱x.
10 Rü nümaxü̃ ga yema Yudáanecüã̱xgü ga yema puracümaxã icua̱xgüxü̃ rü nidexagü rü nhanagürügü: “Rü ngẽma puracütanüxü̃ i nuta ínanugügüxü̃ rü marü nipae erü namuxũchima ya nuta ya ãũxchitacü, rü ngẽmaãcü tagutáma tüxü̃́ name i ngẽma naxtapü̱x”, nhanagürügü.
11 Rü yema torü uanügü rü nagu narüxĩnüe nax taxũchima nüxü̃ tacua̱xgüxü̃ rü nüxü̃ tadauxü̃ ga yexguma chi bexma totanügu nachocu̱xgux nax toxü̃ nadaixü̃ca̱x, rü yemaacü nax íyachaxãchigüxẽẽãxü̃ca̱x ga yema puracü.
12 Notürü yema totanüxü̃gü ga torü uanügüarü ngaicamagu pegüxü̃ rü mue̱xpü̱xcüna tomaxã nüxü̃ nayarüxugüe, rü yema torü uanügü rü guxü̃cüwawa toxca̱x nax íyaxüãchichaü̃xü̃.
13 Rü yemaca̱x ga chama rü chanamu ga duü̃xü̃gü nax nügütanüxü̃güchigüãcü nügü iyanuxü̃ca̱x ga yema naxtapü̱xpechitagu ga ínanuxchanexü̃wa rü ínaxãxmaxetüchigüxü̃wa, rü taramaxã, rü wocaemaxã, rü würamaxã ixã̱xnexü̃ nax yemamaxã nügü ínapoxü̃güxü̃ca̱x.
14 Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chamaxã nangutaque̱xegüxü̃ca̱x, rü nhachagürü nüxü̃: “¡Tauxü̃́ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃gü rü pepatacüã̱xgü”, nhachagürü nüxü̃.
15 Rü yexguma torü uanügü nüxü̃ cuáxchigagügu ga toma rü marü nüxü̃ nax tacuáxü̃ ga yema nagu naxĩnüexü̃, rü Tupana rü marü toxü̃ ínapoxü̃xü̃, rü yemaca̱x ga nümagü rü toxna nixĩgachitanü. Rü toma rü naxca̱x tawoegu ga nawa nax tapuracüexü̃ ga yema ĩanearü poxeguxü̃tapü̱x.
16 4:16-17 Notürü yexgumaü̃cüxü rü ngãxü̃tücumü ga duü̃xü̃gü napuracüe rü yema totücumü rü nadauxü̃taegü ga meama ixã̱xnexü̃ wocaemaxã rü würamaxã. Rü nananga̱xcu ga norü poxü̃ruü̃gü ga escúdugü, rü nacu̱xcu ga naremüarü poxü̃ruxü̃. Rü yema norü ãẽ̱xgacügü ga Yudáanecüã̱xgü rü natanügu naxãgü rü ínamemare nax nüxna nadaugüxü̃ ga yema duü̃xü̃gü ga ĩanetapü̱xwa puracüexü̃. Rü yema togü ga puracütanüxü̃gü ga nutaarü nugüruü̃gü rü napuracüeama, notürü ãxneãcüma nananugüama ga nutagü.
17 Nüü̃ nadau 4:16
18 Rü guxü̃ma ga yema puracütanüxü̃gü rü nügücüwawa nanatuxẽxẽ ga norü tara. Rü yema cornétaarü cueruxü̃ rü chauxü̃tawatama nayexma nax yemaacü nüxü̃́ natauxchaxü̃ca̱x nax paxama yacaxü̃ãxü̃ca̱x ga uanügü.
19 --
20 --
21 --
22 --
23 --
