Neemias 6:1-19
6 Rü yema torü uanügü ga Chaü̃bára rü Tobía rü yema Árabe ga Yechéü̃ rü yema togü ga torü uanügü rü nüxü̃ nacuáchigagü nax wena chanamexẽẽxü̃ ga yema ĩanearü poxeguxü̃tapü̱x. Rü taxuxü̃ma ga ngextá íyangoxnaxü̃wa rü nüxü̃ chaxüpetü ga nax chachauxtaxü̃. Rü norü ĩã̱xgüxicatama nixĩ ga choxü̃́ taxuxü̃ nax chanucuxü̃.
2 Rü yemaca̱x ga yema chorü uanügü ga Chaü̃bára rü Yechéü̃ rü chauxü̃tawa namugagü nax chamaxã nangutaque̱xegüxü̃ca̱x nawa ga wüxi ga ĩane ga Ónuarü ngatexü̃wa yexmane. Notürü yema nagu naxĩnüexü̃ nixĩ nax yemaacü choxü̃ yama̱xgüchaü̃xü̃.
3 Rü yexguma ga chamax rü yéma chanamugü ga duü̃xü̃gü nax namaxã nüxü̃ yanaxugüxü̃ca̱x nax chama rü taxucürüwa yéma chaxũxü̃ yerü nataxüchi ga chorü puracü, rü changechica yerü chi yéma chaxũxgu rü yema puracü ga íchaxüxü̃ rü chi ínayachaxãchi.
4 Rü ãgümücüe̱xpü̱xcüna nixĩ ga cha̱u̱xca̱x yéma namugagüxü̃, notürü ga chama rü noxriãcütama chanangãxü̃.
5 Rü yexguma ga nüma ga Chaü̃bára rü norü 5 e̱xpü̱xcüna wüxi ga norü duü̃xü̃maxã cha̱u̱xca̱x yéma namuga, rü yematama ore ga noxri cha̱u̱xca̱x yéma namaxã namugaxü̃tama nixĩ ga nagu naxümatüxü̃ ga yema popera ga yéma chauxü̃tawa nangexü̃.
6 Rü yema popera rü nhaxü̃ nagu naxümatü: “Nua rü duü̃xü̃gütanüwa rü Yechéü̃xü̃tawa nüxü̃ taxĩnüe nax cuma rü ngẽma Yudéugümaxã nagu perüxĩnüexü̃ nax tama ãẽ̱xgacüga pexĩnüexü̃, rü ngẽmaca̱x yixĩxü̃ nax ípenamexẽẽxü̃ i ngẽma naxtapü̱x ya yima ĩane. Rü ngẽxgumarüxü̃ ta nüxü̃ chaxĩnüchiga nax cuma tá yixĩxü̃ i ãẽ̱xgacü quixĩxü̃.
7 Rü cumax rü marü nüxü̃ cuxuneta i orearü uruü̃gü nax ngẽma naxunagügüxü̃ca̱x nax cumax nax ãẽ̱xgacü quixĩxü̃ i Yerucharéü̃wa, rü nüxü̃ yaxugüxü̃ca̱x nax marü nayimaxü̃ ya ãẽ̱xgacü i Yudáanewa. Rü ngẽma ore rü ngürüãchi tá nüxü̃ naxĩnü ya ãẽ̱xgacü ya Artayére, rü ngẽmaca̱x name i nua cuxũ rü ngĩxã yigümaxã tidexagü”, nhanagürü ga yema popera.
8 Rü yexguma ga chamax rü chanangãxü̃ rü nhachagürü: “Tama aixcuma nixĩ ga yema nüxü̃ cuxĩnüchigaxü̃ yerü yema rü cumatama nagu curüxĩnümarexü̃ nixĩ”, nhachagürü.
9 Rü yemaacü toxü̃ naxaxũnegü, yerü toxü̃ namuü̃exẽẽchaü̃ nax nüxü̃ tarüchauexü̃ca̱x nax tapuracüexü̃. Notürü ga chama rü yexeraãcü chanaxüama ga yema puracü.
10 --
11 --
12 --
13 --
14 --
15 Rü meama Elúarü tauemacüarü 25 ga ngunexü̃gu (setẽ́bru 25) nixĩ ga nagúxü̃ ga guma ĩanearü poxeguxü̃tapü̱x. Rü yema puracü rü meama 52 ga ngunexü̃ nagu tinge.
16 Rü torü uanügü rü guxü̃ma ga yema togü ga nachixü̃anecüã̱x ga torü ngaicamána yexmagüxü̃ rü nüxü̃ nacuáchigagü ga marü nax yanguxü̃ ga guma ĩanearü poxeguxü̃tapü̱x. Rü yemaca̱x ga nümagü rü poraãcü namuü̃e rü nixãneãchitanü yerü nüxü̃ nicua̱xãchitanü ga yema puracü ga taxüxü̃ rü Tupanaarü ngü̃xẽẽmaxã nax yanguxü̃.
17 --
18 --
19 --
