Rute 1:1-22
1 1:1-2 Rü yexguma Iraéuanecüã̱xgümaxã inacua̱xgügu ga yema ãẽ̱xgacügü ga guxchaxü̃güarü mexẽẽruü̃gü ga Tupana nüxü̃ unetaxü̃, rü ínangu ga taxü̃ ga taiya ga guxü̃ma ga yema naanewa. Rü yexgumaü̃cüxü rü Yudáanewa nayexma ga wüxi ga yatü ga Erimerégu ãégacü ga Beréü̃arü ĩanegu ãchiü̃cü. Rü nüma ga Erimeré rü naxma̱x ga Noemímaxã rü nanegü ga Maróü̃ rü Querióü̃maxã Beréü̃wa inaxĩãchi nax Moábianewa naxĩxü̃ca̱x. Rü nümagü rü Efrátacüã̱x nixĩgü yerü Efráta nixĩ ga to ga naéga ga Beréü̃. Rü Moábianewa nangugü rü yexma nayaxãchiü̃gü.
2 Nüü̃ nadau 1:1
3 Notürü nüma ga Erimeré ga Noemí ngĩte rü yexma Moábianegu nayayu. Rü ngĩma ga nama̱x ga Noemí rü ngĩxicatama yéma iyaxü namaxã ga taxre ga ngĩne.
4 1:4-5 Rü yixcüamaxü̃rachigü rü nümagü ga yema taxre ga ngextü̱xücü rü Moábianecüã̱x ga ngexü̃gümaxã nixãxma̱x. Rü wüxi rü Órfa nixĩ ga ngĩéga, rü yema nai rü Rúchi nixĩ ga ngĩéga. Notürü yexguma 10 ga taunecü ngupetü̱xguwena, rü nayue ta ga Maróü̃ rü Querióü̃. Rü ngĩma ga Noemí rü ngĩxica yéma ita̱x, yerü marü nataxuma ga guma ngĩnegü rü ngĩte.
5 Nüü̃ nadau 1:4
Beréü̃wa ixĩ ga Noemí rü Rúchi
6 Rü wüxi ga ngunexü̃gu ga Noemí ga yexguma Moábianewa nayexmayane, rü nüxü̃ ixĩnü ga guma ngĩrü ĩane ga Beréü̃wa rü marü nax nataxuxü̃ma ga taiya, yerü Tupana rü namaxã nixãũãchi.
7 Rü yemaca̱x nagu irüxĩnü ga Yudáarü naaneca̱x nax natáeguxü̃. Rü ngĩma rü ngĩnea̱xgümaxã nawa íchoxü̃ ga yema nachica ga nagu naxãchiü̃chiréxü̃ ga Moábianewa nax ngĩchiü̃ane ga Yudáanewa naxũxü̃ca̱x.
8 1:8-9 Notürü ga namawa rü ngĩnea̱xgüxü̃ ngĩgürügü: —¡Ẽcü pewoegu rü peéxü̃tawa pexĩ! ¡Rü Cori ya Tupana guxü̃guma mea pexü̃ ngechaxü̃ yema choxü̃ rü chaunegüxü̃ mea pengechaxü̃xü̃rüxü̃, rü pexü̃́ natauxchaxẽẽã nax wena mea pexãtegüxü̃, rü ngẽmaãcü petaãxẽgüxü̃ca̱x! —ngĩgürügü. Rü nhu̱xmachi ga Noemí rü wüxi ga chúxumaxã ngĩnea̱xgüxü̃ irümoxẽ. Notürü ga ngĩma ga ngĩnea̱xgü rü ixauxeama.
9 Nüü̃ nadau 1:8
10 Rü ngĩgürügügü: —Tama. Rü toma rü tá cuchixü̃anewa cuwe tarüxĩama —ngĩgürügügü.
11 Rü ngĩma ga Noemí rü ngĩgürügüchigüãma: —¡Pewoegu, Pa Chauxacügüx! ¿Ta̱xacüwa chi chawe perüxĩxü̃? Chama rü marü tagutáma wena chaxãxacü nax wena chaunemaxã pexãtexü̃ca̱x.
12 1:12-13 ¡Ẽcü pechiü̃ca̱x pewoegu! Chama rü marü chaya rü ngẽmaca̱x taxũtáma wena chaxãte. Rü woo chi nhamachitama i chütaxü̃gu chaxãtegu rü chingĩxgu rü choxü̃́ nangexmagu ya chaunegü ¿rü pema rü chi ípenangu̱xuxẽẽgüxü̃ nhu̱xmachita nayae nax namaxã pingĩgüxü̃ca̱x? Rü ngẽma nax ípenangu̱xuxẽẽxü̃gagu rü taguchima pexãtegü. Rü dücax, rü taxucürüwama nixĩ, Pa Chauxacügüx. Rü Cori ya Tupana rü ngúxü̃ choxü̃ ningexẽxẽ, notürü yexera chi changechaü̃, rü ngúxü̃ chinge ega chi pexü̃ chada̱xgu nax ngúxü̃ pingegüxü̃ i pemax —ngĩgürügü.
13 Nüü̃ nadau 1:12
14 Rü ngĩma ga ngĩnea̱xgü rü wenaxarü ixauxe. Rü düxwa ga Órfa rü ngĩ̱xẽxü̃ irümoxẽ wüxi ga chúxumaxã, rü ngĩchiü̃ca̱x itáegu. Notürü ga Rúchi rü ngĩ̱xẽxü̃tagutama irüxã̱ũ̱x.
15 Rü yexguma ga Noemí rü Rúchixü̃ ngĩgürügü: —Dücax i ngẽma nai i chaunea̱x rü ngĩchiü̃ca̱x rü ngĩrü tupanagüca̱x itáegu. ¡Ẽcü ngĩwe rüxũ! —ngĩgürügü.
16 Notürü ngĩma ga Rúchi rü ngĩxü̃ ingãxü̃ga rü ngĩgürügü: —¡Tauxü̃́ i choxü̃ cuca̱a̱xü̃xü̃ nax cuxna chixũgachixü̃ca̱x, rü cuxna chatáeguxü̃ca̱x! Erü ngextá ícuxũxü̃wa rü ngẽ́ma tá chaxũ, rü ngexta ícupexü̃wa rü ngẽxma tá chape. Curü ĩane rü chorü ĩane tá nixĩ, rü yimá curü Tupana, rü chorü Tupana tá nixĩ.
17 Rü ngexta ícuyuxü̃gu rü ngẽxma tá chayu, rü ngẽxma tá chata̱x. Rü Cori ya Tupana choxü̃ poxcu ega tauta chayuyane cuxna chixũgachigu, erü yuxicatama nixĩ i yigüna tüxü̃ ixĩgachixẽẽxü̃ —ngĩgürügü.
18 Rü yexguma Noemí nüxü̃ cua̱xgu ga Rúchi rü aixcuma ngĩwe nax naxũxchaü̃xü̃, rü marü tama yemamaxã ngĩxü̃ ichixewe.
19 Rü yemaacü ga yema taxre rü ngĩgümaxã namagu ixĩ, rü nhu̱xmata Beréü̃wa nangugü. Rü yexguma Beréü̃gu nachocu̱xgu, rü guxü̃ma ga yema duü̃xü̃gü rü naba̱i̱xãchiãxẽgü. Rü yema ĩanecüã̱x ga ngexü̃gü rü ngĩgürügügü: —¿Tama ẽ̱xna nhaa iyixĩ i Noemí? —ngĩgürügügü.
20 Notürü ga ngĩma rü inangãxü̃ rü ngĩgürügü: —¡Tauxü̃́ i “Noemí” nhaperügü choxü̃! ¡Rü name nixĩ i “Mára” nhapegürü choxü̃! Erü Tupana ya guxãétüwa ngẽxmacü rü taxü̃ i guxchaxü̃ choxna naxã. (Rü ngẽma naéga i Noemí rü Taãxẽcü nhaxü̃chiga nixĩ. Notürü ngẽma naéga i “Mára” rü Taguma Taãxẽcü nhaxü̃chiga nixĩ.)
21 Ããcume̱xẽãcüma nua íchaxũxũ, rü ngeãcume̱xẽãcüma chatáegu, erü ngẽmaãcü nanaxwa̱xe ya Cori ya Tupana. ¿Rü tü̱xcüü̃ Noemímaxã choxü̃ pexu, ega ngẽxguma Cori ya Tupana ya guxü̃xü̃ma cuácü choxü̃ poxcuxgu rü ngechaxü̃ choxna ãxgu? —ngĩgürügü.
22 Rü yemaacü nixĩ ga Noemí ga Moábianewa natáeguxü̃ ngĩmaxã ga ngĩnea̱x ga Rúchi ga Moábianecüã̱x ixĩcü. Rü chewádaarü buxuwa nangu ga yexguma Beréü̃wa nangugügu.
