Salmo 113:1-9
113 Name nixĩ i Cori ya Tupanaxü̃ ticua̱xüxü̃gü. Pa Norü Duü̃xü̃güx rü ¡nüxü̃ pecua̱xüxü̃gü!
2 Rü name i nhu̱xmax rü guxü̃guma mea nachiga idexagüxü̃.
3 Rü guxãma i pema i léstewa ngẽxmagüxe rü nhu̱xmata pema i oéstewa ngẽxmagüxe ¡rü nüxü̃ pecua̱xüxü̃gü ya Cori ya Tupana!
4 Rü nüma ya Cori ya Tupana rü guxü̃ma i nachixü̃anegümaxã inacua̱x. Rü norü pora rü dauxü̃guxü̃ i naaneétüwa nangu.
5 113:5-6 Rü taxúema namaxã tawüxigu ya tórü Cori ya Tupana ya dauxü̃guxü̃ i naanewa ãẽ̱xgacü ixĩcü, notürü ngẽ́ma nüxü̃ nadawenü i dauxü̃guxü̃ i naane rü nhama i naane.
6 Nüü̃ nadau 113:5
7 113:7-8 Rü tüxü̃ narüngü̃xẽẽ ya yíxema ngearü diẽruã́xe. Rü yíxema taxúema tüxü̃ rüngü̃xẽxẽ́xe rü tüxü̃ ínarüdaxẽxẽ rü tümaarü ĩanearü ãe̱xgacügütanüwa tüxü̃ narütoxẽxẽ.
8 Nüü̃ nadau 113:7
9 Rü yíxema ngexe ya ngexacüxe rü nüma ya Tupana rü tüxü̃ nataãxẽxẽxẽ rü tüxü̃ narüngü̃xẽẽ nax taxãxacüxü̃ca̱x. Pa Duü̃xü̃güx, rü ¡ngĩxã nüxü̃ ticua̱xüxü̃gü ya Cori ya Tupana!