Salmo 114:1-8
114 114:1-2 Rü nũxcüma ga yexguma Eyítuanewa ínachoxü̱̃xgu ga tórü o̱xigü ga Iraéutanüxü̃gü ga Yacútaagü, rü Yudáanegu nixĩ ga naxügüãxü̃ ga guma Tupanapata. Rü nüma ga Tupana rü yéma nixĩ ga tórü o̱xigümaxã inacuáxü̃.
2 Nüü̃ nadau 114:1
3 Rü yexguma yema Már ga Dauchiüxü̃ yema Iraéutanüxü̃xü̃ da̱xgu rü niyauxyexü̃chixü. Rü yexgumarüxü̃ ta ga yema natü ga Yurdáũ rü tórü o̱xigüca̱x ínayachaxãchixü̃chixü.
4 Rü yexguma ga guma imáchanexü̃chine ga ma̱xpǘnegü rü guma rünuxmaegüne ga ma̱xpǘnegü rü Tupanaarü poramaxã nayuxnagütanü nhama carnéruxacügü rü bóyixacügü yuxnagütanüxü̃rüxü̃.
5 ¿Rü ta̱xacü cuxü̃ nangupetü, Pa Már i Dauchiüxü̃x, nax quiyauxyexü̃chiüxü̃? ¿Rü ta̱xacü cuxü̃ nangupetü, Pa Natü i Yurdáũ nax ícuyachaxãchixü̃chiüxü̃?
6 ¿Rü ta̱xacü pexü̃ nangupetü, Pa Imáchanexü̃chine ya Ma̱xpǘnegüx rü pemax Pa Rünuxmaegüne ya Ma̱xpǘnegüx, rü piyuxnetanücüüxü̃ nhama carnéruxacügü rü bóyixacügü yuxnagütanüxü̃rüxü̃?
7 Rü cumax, Pa Nhama i Naanex ¡rü Yacúarü Tupanape̱xewa curü muü̃maxã idu̱xru̱x!
8 Yerü ga nüma rü nutatanüwa nanango̱xẽxẽ ga puchugü rü nuta ya tacüwa inayagoxü̃chixüxẽxẽ ga dexá.
