Salmo 116:1-19
116 116:1-2 Rü Cori ya Tupanaxü̃ changechaü̃ erü nüxü̃ naxĩnü i ngẽma chorü yumüxẽ. Rü nhu̱xmax nax chamaxü̃xü̃gu rü guxü̃gutáma namaxã chidexa i chorü yumüxẽwa.
2 Nüü̃ nadau 116:1
3 Rü ngẽma yu rü choxü̃ niyauxchire̱x rü wixguxuchi choxü̃ nima̱x. Rü chaba̱i̱xãchi rü chamuü̃.
4 Rü yexguma ga chama rü Cori ya Tupanaca̱x aita chaxü rü nhachagürü: “¡Pa Corix, choxü̃ namaxẽxẽ!” nhachagürü.
5 Rü nüma ya Cori ya Tupana rü aixcumacü nixĩ rü nüxü̃́ tangechaü̃tümüxü̃wa̱xe. Erü nüma rü woetama guxü̃guma namecümaxü̃chi.
6 Rü nüma ya Cori ya Tupana rü tüxna nadau ya yíxema taxuxü̃ma ixĩgüxe. Rü yexguma chaturagu ga nax chayuxchaü̃xü̃ rü choxü̃ ínarüdaxẽẽama.
7 116:7-8 Rü nhu̱xmax rü wenaxarü chataãxẽ yerü nüma ga Cori ya Tupana rü chamaxã namecüma rü choxü̃ ínapoxü̃ nax tama chayuxü̃ca̱x rü tama axu ínguxü̃ca̱x rü tama chixexü̃gu changuxü̃ca̱x.
8 Nüü̃ nadau 116:7
9 Rü nhu̱xmax rü Cori ya Tupanaga tá chaxĩnü natanüwa i ngẽma duü̃xü̃gü i nhama i naanewa maxẽxü̃.
10 Rü chama rü chayaxõõma woo chorü ĩnüwa rü nhachagürü: “Nataxüchi i chorü guxchaxü̃”, nhachagürü.
11 Rü chorü i̱xãchiãẽgagu rü nhacharügü: “Guxü̃ma i duü̃xü̃gü rü nidorata̱a̱xgü”, nhacharügü.
12 ¿Nhuxãcü tá Cori ya Tupanaaxü̃́ chanaxütanü naxca̱x i guxü̃ma i ngẽma mexü̃ i cha̱u̱xca̱x naxüxü̃?
13 Rü nape̱xewa tá chanange i chorü ãmare i wíũchixü rü tá nüxü̃ chicua̱xüxü̃ yerü yuwa choxü̃ ínapoxü̃.
14 Rü guxü̃ma i norü duü̃xü̃güpe̱xewa tá nüxü̃ chicua̱xüxü̃ yema namaxã nüxü̃ chixuxü̃rüxü̃.
15 Rü nüma ya Cori ya Tupana rü poraãcü nüxü̃ nangechaü̃ i norü duü̃xü̃gü, rü poraãcü nüxü̃́ nangu̱x i ngẽxguma nayuegu i ngẽma norü duü̃xü̃gü i nüxü̃ ngechaü̃güxü̃.
16 Pa Cori Pa Tupanax, chama rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.
17 Rü ngẽmaca̱x tá moxẽ cuxna chaxã rü naxü̃nagü tá cuxca̱x chadai rü íchanagu. Rü ngẽmaãcü tá cuxü̃ chicua̱xüxü̃ Pa Cori Pa Tupanax.
18 116:18-19 Rü Yerucharéü̃wa ngexmane ya cupataa̱xtüwa rü guxü̃ma i curü duü̃xü̃güpe̱xewa tá chayanguxẽxẽ i ngẽma chorü uneta ga cumaxã nüxü̃ chixuxü̃. Pa Duü̃xü̃güx, ¡ngĩxã nüxü̃ ticua̱xüxü̃gü ya Cori ya Tupana!
19 Nüü̃ nadau 116:18
