Salmo 121:1-8
Tupana rü curü poxü̃ruxü̃ nixĩ
121 Rü ngẽxguma ma̱xpǘnegu chadawenügu rü chaugüna chaca rü nhachagürü: “¿Rü ngextá tá nixĩ i ne naxũxü̃ i chorü ngü̃xẽẽ?” nhachagürü.
2 Rü ngẽma chorü ngü̃xẽẽ rü tá naxü̃tawa ne naxũ ya Cori ya Tupana i dauxü̃guxü̃ i naanearü üruxü̃ rü nhama i naanearü üruxü̃ ixĩcü.
3 Rü nüma rü tagutáma nanaxwa̱xe nax cuyanguxü̃ rü tagutáma nape ya yimá cuxna daucü.
4 Rü nüma rü guxü̃guma ínadau rü naxuãxẽ. Rü taguma nape ya yimá Iraéutanüxü̃na daucü.
5 Rü nüma ya Cori ya Tupana nixĩ i cuxna nadauxü̃ rü cuxü̃ ínapoxü̃xü̃, erü guxü̃guma cuxü̃tawa nangexma nax cuxü̃ nangü̃xẽẽxü̃ca̱x.
6 Rü ngunecü rü yimá üa̱xcü rü taxuxü̃táma chixexü̃ cumaxã naxü rü woo ya tauemacü i chütacü.
7 Rü nüma ya Cori ya Tupana rü naguxü̃raü̃xü̃ i ãũcümaxü̃wa cuxü̃ ínapoxü̃ erü nüma nixĩ i nüxna nadauxü̃ i curü maxü̃.
8 Rü ngẽmaãcü i nüma ya Cori ya Tupana rü guxü̃wama cuxü̃ ínapoxü̃ i nhu̱xmax rü guxü̃gutáma.