Salmo 124:1-8
Tupana rü Iraéutanüxü̃arü poxü̃ruxü̃ nixĩ
124 Rü yexguma chi Cori ya Tupana tama tüxü̃ ípoxü̃gu rü tórü uanügü rü chi tüxü̃ nadai, rü name nixĩ i ngẽma nhapegürügü, Pa Iraéutanüxü̃güx.
2 124:2-3 Rü yexguma chi Cori ya Tupana tama tüxü̃ rüngü̃xẽẽgu ga yexguma taxca̱x iyaxüãchigu ga yema tüxü̃ daixchaü̃xü̃ rü chi norü numaxã tüxü̃ nagu̱xẽxẽ.
3 Nüü̃ nadau 124:2
4 124:4-5 Rü nhama wüxi i natüarü dexá i poraxü̃chixüxü̃ tüxü̃ ichagüxẽẽxü̃ rü taétüwa ya̱xpetüxü̃rüxü̃ chi tamaxã nixĩgü nax tüxü̃ nadaixü̃.
5 Nüü̃ nadau 124:4
6 Rü namexechi ya Cori ya Tupana ya tama naxwa̱xecü nax tórü uanügü naxnemaxã tüxü̃ daixü̃.
7 Rü yemaacü nawa ítanguxü̃ ga yema ãũcümaxü̃ ga tórü uanügü taxca̱x mexẽẽxü̃ nhama wüxi i weri i norü yaxruü̃wa inhaxü̃rüxü̃. Rü yema yaxruxü̃ ga tórü uanügü taxca̱x mexẽẽxü̃ rü narügáu rü tibuxmü.
8 Rü yimá Tupana ya dauxü̃guxü̃ i naanearü üruxü̃ rü nhama i naanearü üruxü̃, rü yimá nixĩ ya tüxü̃ rüngü̃xẽẽcü.