Salmo 127:1-5
Tupana nanango̱xẽxẽ i guxü̃ma
127 Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü notüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱xgux ya wüxi ya ĩane rü notüca̱xmamare chi nixĩ i nüxna nadaugüxü̃ i ngẽma norü daruü̃gü.
2 Rü taxuwama name ega texé puracügu tügü ima̱xgu nhu̱xmata üa̱xcü tüxü̃ yarüxücumare nax ngẽmaãcü ngúxü̃ tingeãcüma tüxü̃́ nangexmaxü̃ i tümaarü õna. Erü yíxema norü duü̃xü̃gü ixĩgüxe rü Tupana tüxna nanaxã i ngẽma tüxü̃́ taxuxü̃ woo ítapeeyane.
3 Rü ngẽma taxacügü rü wüxi i ngü̃xẽẽ i taxü̃ i Tupana tüxna ãxü̃ nixĩgü.
4 Rü ngẽma taxacügü i ngextü̱xügutama tüxü̃́ ngẽxmagüxü̃ rü tórü poxü̃ruü̃gü nixĩgü nhama churaragüne rü norü poxü̃ruxü̃ yixĩxü̃rüxü̃ nixĩgü.
5 Rü nataãxẽ ya yimá duü̃ ya muxacücü erü nhama namuxnexü̃chixü̃rüxü̃ nixĩ. Rü taxũtáma namuü̃ ega ãẽ̱xgacüpe̱xewa norü uanümaxã nügü ínaxuaxü̃gügu.
