Salmo 13:1-6
Yumüxẽ i nawa ngü̃xẽẽca̱x íca̱xaxü̃
13 Pa Cori Pa Tupanax ¿Rü nhuxguxüratáta nüxü̃ curüchauxü̃ nax choxü̃ icurüngümaxü̃? ¿Ẽ̱xna choxü̃ icurüngümaxüchi? ¿Rü nhuxguxüratáta nüxü̃ curüchauxü̃ nax cha̱u̱xcha̱xwa iquicúxü̃?
2 ¿Rü nhuxguxüratáta iyanaxoxü̃ i ngẽma guxchaxü̃gü i choxü̃́ ngẽxmaxü̃? ¿Rü tü̱xcüü̃ i guxü̃ i ngunexü̃gu rü ngúxü̃ rü ngechaü̃ chingeechaxü̃? ¿Rü nhuxguxüratáta iyanaxoxü̃ nax chorü uanüme̱xẽwa changexmaxü̃?
3 Pa Cori Pa Chorü Tupanax ¡choxü̃ nadawenü rü choxü̃ nangãxü̃ rü choxna naxã i maxü̃ nax tama chayuxü̃ca̱x!
4 Rü ngẽmaãcü i chorü uanü rü taxũtáma nhanagürü: “Marü nüxü̃ charüporamae”, nhanagürü. ¡Rü choxna nadau nax tama nataãxẽxü̃ca̱x i ngẽma chorü uanü i ngẽxguma guxchaxü̃gu changuxgux!
5 Rü chama rü chayaxõ nax aixcuma choxü̃ cungechaü̃xü̃ rü chataãxẽ erü cuma rü choxü̃ cumaxẽxẽ.
6 Rü chorü wiyaemaxã tá Cori ya Tupanaxü̃ chicua̱xüxü̃ erü poraãcü choxü̃ narüngü̃xẽẽ.