Salmo 130:1-8
Cori ya Tupanagu tayaxõgü
130 Rü nhu̱xmax nax taxü̃ i guxchaxü̃gü chauétüwa ngẽxmaxü̃, rü curü ngü̃xẽẽca̱x íchacaama, Pa Cori Pa Tupanax.
2 ¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!
3 Pa Cori Pa Tupanax, rü ngẽxguma chi nüxü̃ cudawenügu i ngẽma chixexü̃gü i cupe̱xewa taxüxü̃ ¿rü texé chi cupe̱xewa tame?
4 Notürü i cumax rü toxü̃́ nüxü̃ icurüngüma i ngẽma torü chixexü̃gü i cupe̱xewa taxüxü̃ nax ngẽmaãcü cuxü̃ ticua̱xüü̃güxü̃ca̱x.
5 Rü guxü̃ma i chorü maxü̃maxã cuxü̃ íchanangu̱xẽxẽ, Pa Corix, rü nagu chayaxõ i ngẽma curü ore.
6 130:6-7 Chama rü nhama dauxü̃taegüxü̃ i ngóonexü̃ ínangu̱xẽẽgüxü̃arü yexera cuxü̃ íchanangu̱xẽxẽ, Pa Cori Pa Tupanax. Rü Pa Iraéuanecüã̱xgüx, rü ngẽma dauxü̃taegüxü̃ i ngóonexü̃ ínangu̱xẽẽgüxü̃rüxü̃ rü name nixĩ i ípenangu̱xẽxẽ i norü ngü̃xẽẽ ya Cori ya Tupana. Erü nüma rü tüxü̃ nangechaü̃ rü tüxü̃ ínanguxü̃xẽxẽ naxme̱xwa i tórü uanügü.
7 Nüü̃ nadau 130:6
8 Rü nüma tá nixĩ i Iraéutanüxü̃xü̃ ínanguxü̃xẽẽ̱xü̃ guxü̃ma i norü chixexü̃güwa.
