Salmo 133:1-3
Wüxi i taãxẽ nixĩ ega Tupanaarü duü̃xü̃gü nügü ngechaü̃gügu
133 Rü dücax nax nhuxãcü namexechixü̃ i ngẽxguma ngẽma Tupanaarü duü̃xü̃gü rü aixcuma wüxigu Tupanaga naxĩnüegu rü nügü nangechaü̃gügu.
2 Erü ngẽxguma ngẽmaãcü nügü nangechaü̃gügu rü nhama pumára i paacaxü̃ i namaxã chacherdótegüxü̃ nabaerugüxü̃ nhu̱xmata naxchinaguxgu rü naxchirugu irüyaexü̃rüxü̃ taãxẽ tüxna naxã.
3 Rü nhama cherena ya ma̱xpǘne ya Ermóü̃étügu nguxü̃ rü ma̱xpǘne ya Chiã́ũétügu nguxü̃rüxü̃ tüxü̃ nataãxẽxẽxẽ. Rü Chiã́ũwa nixĩ i ne naxũxü̃ i Tupanaarü ngü̃xẽẽ nax namáxü̃ca̱x i norü maxü̃ i norü duü̃xü̃gü.
