Salmo 148:1-14
148 148:1-2 Rü name nixĩ i Tupanaxü̃ ticua̱xüxü̃gü. Rü pemax, Pa Dauxü̃cüã̱x, rü name nixĩ i ngẽ́ma dauxü̃wa nüxü̃ pecua̱xüxü̃gü. Rü pemax, Pa Orearü Ngeruü̃gü i Dauxü̃cüã̱x, rü name nixĩ i nüxü̃ pecua̱xüxü̃gü. Rü pemax, Pa Tupanaarü Churaragü i Dauxü̃cüã̱x, rü name nixĩ i nüxü̃ pecua̱xüxü̃gü.
2 Nüü̃ nadau 148:1
3 Rü cumax, Pa Üa̱xcüx, rü cumax, Pa Tauemacüx, rü pemax, Pa Ẽxtagüx, rü name nixĩ i nüxü̃ pecua̱xüxü̃gü.
4 Rü cumax, Pa Dauxü̃guxü̃ i Naanex, rü cumax, Pa Dexá i Caixanexü̃étüwa Ngẽxmaxü̃x, rü name nixĩ i nüxü̃ pecua̱xüxü̃gü.
5 ¡Rü nüxü̃ pexuchiga ya Cori ya Tupana! Erü nüma nixĩ ga namaxã nadexaãchixü̃ nax nangóxü̃ca̱x i guxü̃ma i ta̱xacü ingexmaxü̃.
6 Rü yemaacü nanango̱xẽxẽ ga guxü̃ma nax guxü̃gutáma nüma nanaxwa̱xexü̃ãcüma nangexmaxü̃ca̱x. Rü inanaxã ga mugü ga taxúema üchicüüxü̃.
7 ¡Rü nhama i naanewa rü nüxü̃ pecua̱xüxü̃gü ya Cori ya Tupana, Pa Naexü̃gü i Taxüchigüxü̃ i Mar-arü Mátamaxü̃wa Maxẽxü̃x!
8 Rü name nixĩ i nüxü̃ pecua̱xüxü̃gü, Pa Ãẽmacü, rü Gáuxü̃ i Ãpü̱xüxü̃, rü Gáuxü̃ i Ãte̱xexü̃, rü Cherena, rü Tacü ya Buanecü ya Tupanaarü Ngúchaü̃ Ücüx.
9 148:9-10 Rü pemax ya ma̱xpǘnegü, rü máxpü̱xanegü, rü guxü̃ma i naigü i taxü̃ne, rü nanetügü, rü naxü̃nagü, rü naexü̃gü, rü werigü, rü guxü̃ma i ta̱xacü i natanecamaxã ixĩxü̃, rü name nixĩ i nüxü̃ pecua̱xüxü̃gü.
10 Nüü̃ nadau 148:9
11 ¡Rü guxü̃ma i ãẽ̱xgacügü i wüxichigü i nachixü̃anemaxã icuáxü̃, rü guxü̃ma i norü ngü̃xẽẽruü̃gü i ãẽ̱xgacügü, rü guxü̃ma i norü duü̃xü̃gümaxã rü Tupanaxü̃ pecua̱xüxü̃gü!
12 ¡Rü yatügü rü ngexü̃gü rü ngextü̱xücügü rü paxü̃gü rü o̱xigü, rü Tupanaxü̃ pecua̱xüxü̃gü!
13 Rü ngẽmaãcü i guxãma i pema rü name nixĩ i nüxü̃ pecua̱xüxü̃gü. Erü nüma ya Tupana rü guxãétüwa nangexma. Rü nüma rü namaxã inacua̱x i guxü̃ma i dauxü̃guxü̃ i naanewa rü nhama i naanewa ngẽxmaxü̃.
14 Rü nüma ya Tupana rü nüxü̃ narüngü̃xẽẽ ga norü duü̃xü̃gü ga Iraéutanüxü̃ nax norü uanügüxü̃ naporamaegüxü̃ca̱x. Rü ngẽmaca̱x, Pa Iraéutanüxü̃ i Aixcuma Tupanaarü Duü̃xü̃gü Ixĩgüxex, rü name nixĩ i nüxü̃ pecua̱xüxü̃gü. Erü nümatama nixĩ i pexü̃ naxunetaxü̃ nax norü duü̃xü̃gü pexĩgüxü̃ca̱x. ¡Rü ngĩxã nüxü̃ ticua̱xüxü̃gü ya Cori ya Tupana!