Salmo 149:1-9
149 ¡Rü nüxü̃ pecua̱xüxü̃gü ya Cori ya Tupana! ¡Rü naxca̱x pewiyae nagu i wüxi i wiyae i ngexwaca̱xü̃xü̃! ¡Rü ngẽmaãcü nüxü̃ pecua̱xüxü̃gü i guxãma i pema nax norü duü̃xü̃gü pexĩgüxü̃!
2 Rü pemax, Pa Iraéutanüxü̃ i Yerucharéü̃cüã̱x i Tupanaarü Duü̃xü̃gü Pexĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga nügüxü̃́ pexü̃ nango̱xẽẽxü̃.
3 Rü pemax, Pa Iraéutanüxü̃x ¡rü Tupanaégagu ípexĩãchitanü rü ngẽmaãcü nüxü̃ pecua̱xüxü̃gü! ¡Rü perü árpagümaxã rü perü pãdérugümaxã pepaxetagüãcüma naxca̱x pewiyaegü!
4 Erü nüma ya Cori ya Tupana rü namaxã nataãxẽ i norü duü̃xü̃gü i nüxü̃ icua̱xüü̃güxü̃. Rü tüxü̃ namaxẽxẽxẽ ya yíxema tama tügü icua̱xüü̃güxe.
5 Rü pemax, Pa Norü Duü̃xü̃güx ¡rü Corimaxã petaãxẽgü! ¡Rü woo i pechicawa rü naxca̱x pewiyaegü!
6 149:6-7 ¡Rü peã̱xmaxã nüxü̃ pecua̱xüxü̃gü! ¡Rü pexme̱xwa peyange i tara i guxü̃cüwawa téxü̃ nax ngẽmamaxã penadaixü̃ca̱x i ngẽma duü̃xü̃gü i tama Tupanaxü̃ cua̱xgüxü̃, rü ngẽmaãcü penapoxcuexü̃ca̱x i ngẽma togü i nachixü̃anegü!
7 Nüü̃ nadau 149:6
8 149:8-9 Rü ngẽma norü ãẽ̱xgacügü rü norü ngü̃xẽẽruü̃gü i poraexü̃ ¡rü curẽchimaxã peyachotagü nax ngẽmaãcü peyanguxẽẽxü̃ca̱x i ngẽma poxcu i Tupana namaxã ueguxü̃! Rü nüma ya Tupana rü aixcuma tá tümamaxã nataãxẽ ya guxãma ya yíxema aixcuma naga ĩnüexe. ¡Rü nüxü̃ pecua̱xüxü̃gü ya Cori ya Tupana!
9 Nüü̃ nadau 149:8
