Salmo 29:1-11
Napora i naga ya Cori ya Tupana
29 Pa Dauxü̃cüã̱x ¡nüxü̃ pecua̱xüxü̃ ya Cori ya Tupana naxca̱x i norü pora rü norü üüne!
2 ¡Rü nüxü̃ pecua̱xüxü̃ i ngẽma naéga i üünexü̃! ¡Rü yima napata ya mexechinewa rü penatachigaxẽxẽ!
3 Rü ngẽma naga ya Cori ya Tupana rü márétügu nayaxũ. Rü nüma ya Tupana ya poracü rü nayaduruanexẽxẽ. Rü nüma rü ngẽma taxü̃ i már-étüwa nangexma.
4 Rü ngẽma naga ya Cori ya Tupana rü napora rü guxü̃wama nangu.
5 Rü ngẽma naga ya Cori ya Tupana rü nanabüü̃chacüxü ya yima ocayiwagü ya Líbanuwa ngẽxmagüne.
6 Rü nagamaxã nayadu̱xruexẽxẽ ya yima ma̱xpǘnegü ya Líbanu rü Chiriṹ. Rü nhama tuirugürüxü̃ rü nhama naxacügürüxü̃ nanayuxnagütanüxẽxẽ.
7 Rü ngẽma nagawa rü ínaxũxũ i üxüema.
8 Rü ngẽma naga ya Cori ya Tupana rü ngẽma ínachianexü̃wa rü nayadu̱xru̱xẽxẽ.
9 Rü ngẽma naga ya Cori rü yima carabáyugü rü nayawa̱xgüxẽxẽ rü ngẽmaãcü i ngẽma dauxchitagü rü nanangearü naixnecüã̱xẽxẽ. Rü napatawa ya Cori rü guxãma nüxü̃ ticua̱xüxü̃gü.
10 Rü nüma ya Cori ya Tupana rü pucümaxã inacua̱x. Erü nüma nixĩ i guxü̃guma ãẽ̱xgacü yixĩxü̃.
11 Rü nüma ya Cori ya Tupana rü nanaporaexẽxẽ i norü duü̃xü̃gü. Rü mexü̃ namaxã naxuegu rü nanataãxẽxẽẽgü.