Salmo 43:1-5
43 Pa Tupanax ¡chauétüwa idexa! ¡Rü chauétüwa nachogü nape̱xewa i nhaa duü̃xü̃gü i tama yaxõgüxü̃! ¡Rü naxme̱xwa choxü̃ ínanguxuchixẽxẽ i ngẽma idorata̱xáxü̃ rü ngẽma chixexü̃gu rüxĩnüxü̃!
2 Erü cuma nixĩ i chorü Tupana i chorü poxü̃ruxü̃ quixĩxü̃. ¿Rü tü̱xcüü̃ i cugüna choxü̃ cuyáxü̃guxẽxẽxü̃? ¿Rü ta̱xacüca̱x i ngechaü̃ chingeechaxü̃ rü ngẽma chorü uanügü rü chixri chamaxã nachopetü?
3 ¡Rü ẽcü cha̱u̱xca̱x nangóonexẽxẽ nax nüxü̃ chacuáxü̃ca̱x i ngẽma curü ore i aixcuma ixĩxü̃ nax ngẽma choxü̃ nüxü̃ cua̱xẽẽxü̃ca̱x i ngẽma nama ya yima curü ma̱xpǘne ya üünenewa nadaxü̃ i ngextá cuma ícungexmaxü̃wa!
4 Rü ngẽmaãcü tá nawa changu i ngẽma curü ãmarearü guchicaxü̃, Pa Tupanax. Rü ngẽ́ma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãxẽmaxã choxü̃ cunapaxẽxẽ.
5 ¿Rü nhu̱xmax rü ta̱xacüca̱x tá i nüxü̃ charüxoxü̃ i ngẽma? ¿Rü ta̱xacüca̱x tá ichaxoégaãẽxü̃? Erü chama rü marü Tupanaaxü̃́ chayaxõ rü tá yimáxü̃ nixĩ i chicua̱xüxü̃echaxü̃. Rü nüma nixĩ i chorü Tupana i chorü maxẽẽruxü̃ yixĩxü̃.
