Salmo 54:1-7
Tórü yumüxẽwa Tupanaarü ngü̃xẽẽca̱x ítaca
54 Pa Tupanax ¡cumatama choxü̃ ínanguxuchixẽxẽ! ¡Rü choxü̃ ínapoxü̃ namaxã i curü pora!
2 Pa Tupanax ¡choxü̃́ nüxü̃ naxĩnü i chorü yumüxẽ rü ẽcü irüxĩnü i chorü dexa!
3 Erü ngẽma duü̃xü̃gü i nügü írütagüxü̃ rü máxwa̱xegüxü̃ rü chauxchi naxaie rü choxü̃ nima̱xgüchaü̃. Rü ngẽmagü rü tama cuxü̃ namuü̃e, Pa Tupanax.
4 Notürü i cumax, Pa Cori Pa Tupanax, rü choxü̃ curüngü̃xẽẽ rü choxü̃ cumaxẽxẽ.
5 Rü cumax, Pa Tupanax, rü tá ngẽma chorü uanügüca̱x cunatáeguxẽxẽ i ngẽma norü chixexü̃gü. ¡Rü ẽcü nadai, Pa Corix! Erü cuma rü quixaixcuma.
6 Rü chama rü chorü ngúchaü̃maxã tá cuxna chanaxã i chorü ãmare i cuxca̱x chiguxü̃. Rü tá cuxü̃ chicua̱xüxü̃ erü cuma rü chamaxã cumecümaxü̃chi.
7 Erü choxü̃ ícunguxuchixẽxẽ nawa i guxü̃ma i chorü guxchaxü̃gü rü nüxü̃ chadau i ngẽma chorü uanügüxü̃ nax curüporamaexü̃.
