Salmo 93:1-5
93 Rü nüma ya Cori ya Tupana rü ãẽ̱xgacü nixĩ. Rü norü üüne nicu̱xcuchi rü naporaxüchi. Rü nüma rü nachicagu nanaxǘ i nhama i naane nax tama ngẽ́ma yaxũgachixü̃ca̱x.
2 Rü nũxcümacürüwa, Pa Corix, rü ãẽ̱xgacü quixĩ rü guxü̃guma woetama cuyexmaecha.
3 Pa Corix, rü ngẽma taxtügü rü naxãũgaxü̃chiügü rü nata i norü yuapegü.
4 Notürü i cuma nax dauxü̃wa cungexmaxü̃, rü yima taxtügüarü yuape i poraãcü ãũgaxü̃arü yexeraxüchi cupora.
5 Pa Corix, ngẽma curü mugü rü taguma naxüchicüü rü taguma inarüxo. Rü ngẽma curü üüne rü guxü̃guma yima cupata namaxã nanga̱xãẽ. Ãẽ̱xgacügü i guxchaxü̃arü mexẽẽruü̃étüwa nangexma ya Tupana.
