Salmo 98:1-9
Nüma ya Cori ya Tupana ya aixcuma guxü̃étüwa ücü
98 ¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.
2 Rü nüma ya Cori rü nanaxunagü nax tórü uanügüxü̃ naporamaexü̃. Rü guxü̃ma i nachixü̃anegüxü̃ nüxü̃ nadauxẽxẽ nax nhuxãcü tamaxã namecümaxü̃.
3 Erü nüma rü tüxü̃ nangechaü̃ rü tama nüxü̃ narüngüma ga norü uneta ga tórü o̱xigümaxã nüxü̃ yaxuxü̃. Rü yema nax tórü uanügüxü̃ naporamaexü̃ rü guxü̃ i naanewa nanguchiga.
4 Pa Duü̃xü̃gü i Nhama i Naanewa Maxẽxü̃x ¡rü taãxẽãcü naxca̱x pewiyaegü ya Tupana! ¡Rü tagaãcü perü wiyaegümaxã nüxü̃ pecua̱xüxü̃gü!
5 ¡Rü árpamaxã pepaxetagüãcüma naxca̱x pewiyaegü ya Cori! ¡Rü perü paxetaruü̃gü i ãcúnüxü̃maxã pegü pepaxpe̱xegüãcüma naxca̱x pewiyaegü!
6 ¡Rü perü paxetaruü̃gü i nagu picuegüxü̃maxã taãxẽãcüma ãẽ̱xgacü ya Coripe̱xewa pewiyaegü!
7 Rü name nixĩ nax norü taãxẽmaxã naxãũgaxü̃ i ngẽma már rü guxü̃ma i nawa ngẽxmagüxü̃. Rü ngẽxgumarüxü̃ ta i nhama i naane rü guxü̃ma i duü̃xü̃gü i nawa maxẽxü̃ rü name nixĩ nax nataãxẽgüxü̃.
8 98:8-9 Rü guxü̃ma i natügü rü name nixĩ i Cori ya Tupanaca̱x naxãũgatanüxü̃ nhama napéxme̱xgüxü̃rüxü̃. Rü guxü̃nema ya ma̱xpǘnegü rü name nixĩ i Tupanape̱xewa nataãxẽgü. Erü nüma rü nua naxũ nax nhama i naanemaxã iyacuáxü̃ca̱x. Rü nüma rü aixcuma tá guxü̃ma i nachixü̃anecüã̱xmaxã meama inacua̱x.
9 Nüü̃ nadau 98:8
