1 Crónicas 2:1-55
2 2:1-2 Rü Acóbu ga Tupana Iraégu üégacü, rü nüxü̃́ nayexma ga 12 ga nanegü. Rü ñaagü nixĩ ga naégagü: Rubéü̃, rü Chimeóü̃, rü Lebí, rü Yudá, rü Ichacá, rü Chaburóü̃, rü Dáü̃, rü Yúche, rü Bẽyamíü̃, rü Netarí, rü Gáx, rü Aché.
2 Nüü̃ nadau 2:1
Yudá nanegü
3 Rü Yudá rü nüxü̃́ nayexma ga tomaepü̱x ga nanegü, rü wüxi nixĩ ga Éx, rü to nixĩ ga Onáü̃, rü to nixĩ ga Cherá. Rü naé ga yema tomaepü̱x rü Canaáü̃cüã̱x iyixĩ. Rü ngĩnatü rü Chúa nixĩ. Rü Éx nixĩ ga nane ga rüyamaecü. Natürü nüma ga Éx rü nachixecümaxü̃chi rü yemaca̱x ga Tupana rü nüxna nanayaxu ga norü maxü̃.
4 Rü yemawena nüma ga Yudá rü nüxü̃́ nayexma ta ga to ga taxre ga nanegü ga naneã̱x ga Tamárawáü̃güxü̃. Rü yema taxre ga nanegü rü Fáre, rü Chéra nixĩ ga naégagü. Rü guxü̃wama rü wüxime̱e̱xpü̱x nixĩ ga Yudá nanegü.
5 Rü nüma ga Fáre rü nüxü̃́ nayexma ga taxre ga nanegü. Rü yema nanegü rü Eróü̃, rü Amúx nixĩ ga naégagü.
6 Rü nüma ga Chéra rü nüxü̃́ nayexma ga wüxime̱e̱xpü̱x ga nanegü. Rü yema nanegü rü Zimrí, rü Etáü̃, rü Emáü̃, rü Cacú, rü Dadá nixĩgü.
7 Rü Zimrí nane nixĩ ga Acáü̃. Rü naé rü Camí iyixĩ. Rü nüma ga Acáü̃ nixĩ ga Iraétanüxü̃étügu guxchaxü̃ nguxẽẽxü̃ ga yexguma tama ínaguãgu ga yemaxü̃gü ga Tupana chu̱xuxü̃.
8 Rü Etáü̃ nane rü Acharía nixĩ.
9 Rü nüma ga Eróü̃ rü nüxü̃́ nayexma ga tomaepü̱x ga nanegü: Yerameé rü Ráü̃ rü Querubái.
10 Rü Ráü̃ nane rü Aminadá nixĩ. Rü Aminadá nane rü Nachóü̃ nixĩ. Rü nüma ga Nachóü̃ rü Yudátanüxü̃arü ãẽ̱xgacü nixĩ.
11 Rü Nachóü̃ nane rü Chamá nixĩ. Rü Chamá nane rü Boó nixĩ.
12 Rü Boó nane rü Obéx nixĩ. Rü Obéx nane rü Ichaxí nixĩ.
13 2:13-15 Rü Ichaxí nüxü̃́ nayexma ga 7 ga nanegü. Rü ñaa nixĩ ga naégagü: Eriá nixĩ ga nüxíraü̃cü. Rü Abinadá nixĩ ga nawe ücü. Rü Chimá nixĩ ga norü tomaepü̱x. Rü Natanaé nixĩ ga norü ãgümücü. Rü Radái nixĩ ga norü wüxime̱e̱xpü̱x. Rü Ócheü̃ nixĩ ga norü 6. Rü Dabí nixĩ ga norü 7.
14 Nüü̃ nadau 2:13
15 Nüü̃ nadau 2:13
16 Rü nüma ga Ichaxí rü nüxü̃́ iyexma ga taxre ga naxacügü ga Cheruiá rü Abigái. Rü Cheruiá ngĩnegü rü tomaepü̱x nixĩ: Abichái rü Yoá rü Achaé.
17 Rü ngĩma ga Abigái rü namaxã ixãte ga Yéte ga Ismaétanüxü̃ ixĩcü. Rü ngĩne rü Amachá nixĩ.
18 Rü Caréx ga Eróü̃taxa rü naxma̱x ga Achubáwa nüxü̃́ nayexma ga nane ga Yerióx. Rü togü ga nanegü rü Yéche, rü Chobáx, rü Ardóü̃ nixĩgü.
19 Rü yexguma Achubá yuxguwena rü nüma ga Caréx rü Efrátamaxã naxãxma̱x. Rü yemawa nüxü̃́ nayexma ga wüxi ga nane ga Úru ga naéga.
20 Rü nüma ga Úru rü nüxü̃́ nayexma ga wüxi ga nane ga Urígu ãégaxü̃. Rü nüma ga Urí rü nüxü̃́ nayexma ga wüxi ga nane ga Becharé ga naéga.
21 Rü yexguma 60 ga taunecü nüxü̃́ yexmagu ga Eróü̃ rü Maquíxacümaxã naxãxma̱x. Rü ngĩwa nüxü̃́ nayexma ga wüxi ga nane ga Chegú ga naéga. Rü Maquí rü Garaáxnatü nixĩ.
22 Rü yemawena nüma ga Chegú rü nüxü̃́ nayexma ga wüxi ga nane ga Yaí ga naéga. Rü nüma ga Yaí rü namaxã inacua̱x ga 23 ga ĩanegü ga Garaáxarü naanewa.
23 Natürü ga Yechúx rü Aráü̃ rü nanapuxü̃ ga guma 23 ga Yaíarü ĩanegü. Rü yexgumarüxü̃ ta nanapu ga guma ĩane ga Quenáx rü naétü ga norü ĩanexacügü. Rü guxü̃wama 60 ga ĩanegü nixĩ. Rü guxü̃ma ga yema duü̃xü̃gü rü Garaáxnatü ga Maquítaagü nixĩgü.
24 Rü nüma ga Eróü̃ rü Caréx-efrátagu nayu. Rü yexgumawena rü naxma̱x ga Abía rü ixíraxacü namaxã ga Achú. Rü nüma ga Achú rü nüxü̃́ nayexma ga wüxi ga nane ga Tecóa.
25 Rü nüma ga Yerameé ga Eróü̃ nane ga rüyamaecü rü nataxrema̱x. Rü wüxi ga naxma̱xwa rü wüxime̱e̱xpü̱x nixĩ ga nanegü ga Ráü̃ ga yacü, rü Buná rü Oréü̃ rü Ócheü̃ rü ñu̱xũchi Aía.
26 Rü guxema toguxe ga naxma̱x ga Atarágu ãégaxewa rü wüxi nixĩ ga nane ga Onáü̃ ga naéga.
27 Rü Yerameé nane ga yacü rü Ráü̃ nixĩ. Rü Ráü̃ nanegü nixĩ ga Maá, rü Yamíü̃ rü Équex.
28 Rü Onáü̃ rü nüxü̃́ nayexma ga taxre ga nanegü ga Chamaí rü Yadá. Rü Chamaí rü nüxü̃́ nayexma ga taxre ga nanegü ga Nadáx rü Abichú.
29 Rü nüma ga Abichú rü naxma̱x ga Abiáiwa nüxü̃́ nayexma ga taxre ga nanegü ga Aabáü̃ rü Moríx.
30 Rü Nadáx rü nüxü̃́ nayexma ga taxre ga nanegü ga Chélex rü Apaíü̃. Natürü Chélex rü nangexacümare ga yexguma nayu̱xgu.
31 Rü Apaíü̃ nane rü Ichí nixĩ. Rü Ichí nane rü Checháü̃ nixĩ. Rü Checháü̃ nane rü Araí nixĩ.
32 Rü Chamaíenexẽ ga Yadá nüxü̃́ nayexma ga taxre ga nanegü ga Yéte rü Yonatáü̃. Natürü Yéte rü nangexacümare ga yexguma nayu̱xgu.
33 Rü Yonatáü̃ nanegü nixĩ ga Pérex rü Chachá. Rü yema taxre rü Yerameétaagü nixĩgü.
34 Rü nüma ga Checháü̃ rü nataxuma ga nanegü, natürü tayexma ga naxacügü. Natürü nüxü̃́ nayexma ga wüxi ga norü puracütanüxü̃ ga Equítuanecüã̱x ga Yarágu ãégaxü̃.
35 Rü nüma ga Checháü̃ rü wüxi ga naxacümaxã nanaxüxma̱x ga yema norü puracütanüxü̃. Rü ngĩma rü nüxü̃́ ixãxacü namaxã ga Atái.
36 Rü Atái nane rü Natáü̃ nixĩ. Rü Natáü̃ nane rü Chabáx nixĩ.
37 Rü Chabáx nane rü Efráx nixĩ. Rü Efráx nane rü Obéx nixĩ.
38 Rü Obéx nane rü Yeú nixĩ. Rü Yeú nane rü Acharía nixĩ.
39 Rü Acharía nane rü Ére nixĩ. Rü Ére nane rü Erachá nixĩ.
40 Rü Erachá nane rü Chimái nixĩ. Rü Chimái nane rü Charúü̃ nixĩ.
41 Rü Charúü̃ nane rü Yecamía nixĩ. Rü Yecamía nane rü Erichamá nixĩ.
Caréxtaagü
42 Rü Caréx ga Yerameé naenexẽ, rü nüxü̃́ nayexma ga taxre ga nanegü. Rü gumá yacü rü Mechá nixĩ ga naéga. Rü gumá nai ga Caréx nane rü Marechá nixĩ ga naéga. Rü Mechá nüxü̃́ nayexma ga wüxi ga nane, rü Chíx nixĩ ga naéga. Rü nüma ga Marechá rü nüxü̃́ nayexma ga wüxi ga nane, rü Ebróü̃ nixĩ ga naéga.
43 Rü nüma ga Ebróü̃ rü ãgümücü nixĩ ga nanegü ga Coré rü Tapúa rü Requéü̃ rü Chéma.
44 Rü Chéma nane rü Raáü̃ nixĩ. Rü Raáü̃ nane rü Yocoáü̃ nixĩ. Rü Requéü̃ nane ga Chamaí nixĩ.
45 Rü Chamaí nane rü Maóü̃ nixĩ. Rü Maóü̃ nane rü Bex-chú nixĩ.
46 Rü Caréx rü naxma̱xaba ga Efáwa nüxü̃́ nayexma ga tomaepü̱x ga nanegü ga Aráü̃ rü Mochá rü Gachéx. Rü Aráü̃ nane rü Gachéx nixĩ.
47 Rü Yadái nanegü rü Requéü̃, rü Yotáü̃, rü Guecháü̃, rü Pérex, rü Efá, rü Cháafa nixĩgü.
48 2:48-49 Rü Caréx rü naxma̱xaba ga Maacáwáü̃güxü̃ rü ãgümücü nixĩ ga nanegü ga Chébex, rü Tiraná, rü Cháa, rü Chebá. Rü Cháa nane rü Maxmaná nixĩ. Rü Chebá nanegü rü Maxbená rü Guibeá nixĩgü. Rü nüma ga Caréx rü nüxü̃́ iyexma ga wüxi ga naxacü ga Áxcha.
49 Nüü̃ nadau 2:48
50 2:50-51 Rü ñaagü nixĩ ga Caréx nataagü. Rü Úru nixĩ ga Efráta ngĩne ga yacü. Rü Úru nanegü nixĩ ga Chobá rü Chamá rü Aré. Rü Chobá nane rü Quiriáx-yearíü̃ nixĩ. Rü Chamá nane rü Beréü̃ nixĩ. Rü Aré nane rü Bex-gáde nixĩ.
51 Nüü̃ nadau 2:50
52 Rü Chobá nane rü Quiriáx-yearíü̃ nixĩ. Rü Chobá nataagü nixĩ ga Reaía rü ngãxü̃tücumü ga Manaétanüxü̃.
53 Rü yema Quiriáx-yearíü̃tanüxü̃tanüwa nixĩ ga nangóexü̃ ga Itrítanüxü̃, rü Fúxtanüxü̃, rü Chumátanüxü̃, rü Mirátanüxü̃. Rü yema Mirátanüxü̃tanüwa nixĩ ga nangóexü̃ ga yema Chorátanüxü̃ rü Etaóü̃tanüxü̃.
54 Rü yema Chamátaagü nixĩ ga Beréü̃cüã̱xgü, rü Netopátanüxü̃, rü Atrú-be-yoátanüxü̃, rü yema ngãxü̃tücumü ga Manaétanüxü̃, rü Chorátanüxü̃.
55 Rü togü ga Chamátaagü nixĩ ga yema poperaarü ümatüruü̃gü ga Chofétanüxü̃ ga Yabéwa yexmagüxü̃. Rü togü nixĩ ga yema Tiratéutanüxü̃ rü Chimatéutanüxü̃ rü Chucatéutanüxü̃. Rü guxü̃ma ga yemagü nixĩ ga Quenéutanüxü̃ ga Amátaagü ixĩgüxü̃. Rü yexgumarüxü̃ ta Amá nixĩ ga norü o̱xi ga yema Bex-recátanüxü̃.
