1 Crónicas 24:1-31
24 Rü yema Aróü̃taagü ga chacherdótegü rü ta nüxü̃́ nayexma ga norü puracügü. Rü Aróü̃ nanegü nixĩ ga Nadáx, rü Abiú, rü Ereachá, rü Itamá.
2 Natürü ga Nadáx rü Abiú rü nanatügüna nüxíra nayue taxũtáma naxãnegüyane. Rü yemaca̱x Ereachá rü Itamá namaxã inacua̱xgü ga yema chacherdótegüarü puracü.
3 Rü nüma ga Dabí rü Ereachátaxa ga Chadóxarü ngü̃xẽẽmaxã rü Itamátaxa ga Aimérexarü ngü̃xẽẽmaxã inayanu ga chacherdótegü nax yemaacü naxügüã̱xü̃ca̱x ga norü puracü.
4 Natürü nüxü̃ nicua̱xãchitanü nax yema Ereachátanüxü̃ ga iyatüxü̃ rü nax namumaexü̃ nüxü̃ ga yema Itamáxtanüxü̃. Rü yemaca̱x Ereachátanüxü̃wa nüxü̃ naxunetagü ga 16 ga chacherdótegü nax yemagü namaxã icua̱xgüxü̃ca̱x ga yema togü ga chacherdótegü. Rü Itamátanüxü̃wa nüxü̃ naxunetagü ga 8.
5 Rü sortéuãcü nüxü̃ nayanu ga yema puracü ga namaxã iyacuáchigüxü̃ yerü natanüwa ga yema Ereachátanüxü̃, rü nayexma ga norü ãẽ̱xgacügü ga meama nüxü̃ icuáxü̃ nax Tupanaarü puracü naxügüxü̃. Rü yexgumarüxü̃ ta ga Itamátanüxü̃tanüwa nayexma ga norü ãẽ̱xgacügü ga meama nüxü̃ icuáxü̃ nax Tupanaarü puracü naxügüxü̃.
6 Rü nüma ga Lebítanüxü̃ ga Chemaía ga Natanaé nane nixĩ ga poperaarü ümatüruxü̃ ixĩxü̃. Rü nüma ga Chemaía rü ãẽ̱xgacü ga Dabípe̱xewa, rü yema togü ga ãẽ̱xgacügüpe̱xewa, rü chacherdóte ga Chadóxpe̱xewa, rü Aimérex ga Abiatá nanepe̱xewa, rü chacherdótegütücumügüarü ãẽ̱xgacügüpe̱xewa rü Lebítanüxü̃tücumügüarü ãẽ̱xgacügüpe̱xewa nanaxümatü ga naéga ga yema sortéuwa nüxna üxü̃. Rü ñu̱xũchi sortéuãcüma nüxü̃ nayanu ga yema chacherdótegüarü puracü. Rü wüxi ga númeru rü Itamátanüxü̃ca̱x nixĩ rü ñu̱xũchi taxre ga númerugü rü Ereachátanüxü̃ca̱x nixĩ.
7 Rü gumá nüxíraxü̃ne ga númeru rü Yoiaríxgu nangu. Rü gumá norü taxre rü Yedaíagu nangu.
8 Rü gumá norü tomaepü̱x rü Aríü̃gu nangu, rü gumá norü ãgümücü rü Cheoríü̃gu nangu.
9 Rü gumá norü wüxime̱e̱xpü̱x rü Maquíagu nangu, rü gumá norü 6 rü Miyamíü̃gu nangu.
10 Rü gumá norü 7 rü Cóxgu nangu, rü gumá norü 8 rü Abíagu nangu.
11 Rü gumá norü 9 rü Yochuégu nangu, rü gumá norü 10 rü Checaníagu nangu.
12 Rü gumá norü 11 rü Eriachíxgu nangu, rü gumá norü 12 rü Yaquíü̃gu nangu.
13 Rü gumá norü 13 rü Upágu nangu, rü gumá norü 14 rü Yechebáxgu nangu.
14 Rü gumá norü 15 rü Bigágu nangu, rü gumá norü 16 rü Iméxgu nangu.
15 Rü gumá norü 17 rü Echígu nangu, rü gumá norü 18 rü Apichégu nangu.
16 Rü gumá norü 19 rü Petaíagu nangu, rü gumá norü 20 rü Echequiégu nangu.
17 Rü gumá norü 21 rü Yaquíü̃gu nangu, rü gumá norü 22 rü Gamúgu nangu.
18 Rü gumá norü 23 rü Deraíagu nangu, rü gumá norü 24 rü Maachíagu nangu.
19 Rü yemaacü yema chacherdótegüxü̃ nayanu ga yema Tupanapata ga taxü̃nearü puracü nax naxügüã̱xü̃ca̱x yema Cori ya Iraétanüxü̃arü Tupana Aróü̃wa nüxü̃ ixuxü̃ãcüma.
Yema togü ga Lebítanüxü̃
20 Rü yema Lebítanüxü̃ ga íyaxügüxü̃ rü ñaagü nixĩ: Chubaé rü Amráü̃tanüxü̃arü ãẽ̱xgacü nixĩ, rü Yeedía rü Chubaétanüxü̃arü ãẽ̱xgacü nixĩ.
21 Rü Ichía rü Reabíatanüxü̃arü ãẽ̱xgacü nixĩ.
22 Rü Cheromóx rü Ichátanüxü̃arü ãẽ̱xgacü nixĩ, rü Yáax rü Cheromóxtanüxü̃arü ãẽ̱xgacü nixĩ.
23 Rü Ebróü̃tanüxü̃arü ãẽ̱xgacügü rü Yería nixĩ ga nüxíra ãẽ̱xgacü ixĩxü̃, rü Amaría nixĩ ga norü taxrewa üxü̃, rü Yaachié nixĩ ga norü tomaepü̱xwa üxü̃, rü Yecamáü̃ nixĩ ga norü ãgümücüwa üxü̃.
24 Rü Micaía nixĩ ga Uchiétanüxü̃arü ãẽ̱xgacü. Rü Chamí rü Micaía nane nixĩ.
25 Rü Micaía naenexẽ rü Ichía nixĩ. Rü Ichíatanüxü̃arü ãẽ̱xgacü rü Chacaría nixĩ.
26 Rü Merarítanüxü̃arü ãẽ̱xgacügü rü Mári rü Muchí nixĩgü. Rü to ga Merarí nane rü Yaachía nixĩ.
27 Rü Merarí nane ga Yaachíatanüxü̃arü ãẽ̱xgacügü rü Benó, rü Choáü̃, rü Chacúx rü Irí nixĩgü.
28 Rü Mári nane rü Ereachá nixĩ. Natürü nüma ga Ereachá rü nangene.
29 Rü Chíx nane rü Yerameé nixĩ.
30 Rü Muchí nanegü rü Mári, rü Édex rü Yerimóx nixĩ. Rü yemagü nixĩ ga yema Lebítanüxü̃ ga natanüxü̃maxã icua̱xgüxü̃.
31 Rü yema Lebítanüxü̃arü ãẽ̱xgacügü rü sortéuãcü nüxü̃ nayanu ga norü puracü yema Aróü̃taagü ga chacherdótegü sortéuãcü nüxü̃ yanuaxü̃rüxü̃. Rü natanüxü̃ ga gumá Lebí nane ga yacü rü natanüxü̃ ga gumá Lebí nane ga rübumaecü rü nawüxigumare nax nüxü̃ yanuaxü̃ ga norü puracü. Rü yemaacü ãẽ̱xgacü ga Dabípe̱xewa, rü chacherdóte ga Chadóxpe̱xewa, rü Aimérexpe̱xewa, rü chacherdótegüarü ãẽ̱xgacügüpe̱xewa, rü Lebítanüxü̃arü ãẽ̱xgacügüpe̱xewa nüxü̃ nayanu ga yema Lebítanüxü̃arü ãẽ̱xgacügüarü puracü.
