1 Crónicas 26:1-32
26 Rü yexguma yanuagu nax ĩã̱xgüna nadaugüxü̃, rü ñaagü nixĩ ga yema nagu nanguxü̃ nax ĩã̱xgüarü dauruü̃gü yixĩgüxü̃ca̱x: Rü yema Corétanüxü̃tanüwa rü Coré nane ga Mecheremíagu nangu. Rü Coré nanatü nixĩ ga Achá.
2 26:2-3 Rü Mecheremía nane ga yacü nixĩ ga Chacaría. Rü norü taxrewa ücü ga nane nixĩ ga Yediaé. Rü norü tomaepü̱xwa ücü ga nane nixĩ ga Chebadía. Rü norü ãgümücüwa ücü ga nane nixĩ ga Yanié. Rü norü wüxime̱e̱xpü̱xwa ücü ga nane nixĩ ga Eráü̃. Rü norü 6 wa ücü ga nane nixĩ ga Yoanáü̃ rü norü 7 wa ücü ga nane nixĩ ga Erioenái.
3 Nüü̃ nadau 26:2
4 26:4-5 Rü Obéx-edóü̃ nane ga yacü nixĩ ga Chemaía, rü norü taxrewa ücü ga nane nixĩ ga Yochabá, rü norü tomaepü̱xwa ücü ga nane nixĩ ga Yoá, rü norü ãgümücüwa ücü ga nane nixĩ ga Chacá, rü norü wüxime̱e̱xpü̱xwa ücü ga nane nixĩ ga Natanaé, rü norü 6 wa ücü ga nane nixĩ ga Amié, rü norü 7 wa ücü ga nane nixĩ ga Ichacá rü norü 8 wa ücü ga nane nixĩ ga Peutaí. Rü nüma ga Cori ya Tupana rü Obéx-edóü̃xü̃ narüngü̃xẽxẽ rü yemaca̱x namu ga nanegü.
5 Nüü̃ nadau 26:4
6 Rü Chemaía ga Obéx-edóü̃ nane, rü taxre ga nane nüxü̃́ nayexma. Rü yemagü nixĩ ga natanüxü̃maxã icua̱xgüxü̃ yerü yatügü ga iporaxü̃ nixĩgü.
7 Rü Chemaía nanegü nixĩ ga Oxní, rü Rafaé, rü Obéx, rü Echabá, rü Eriú, rü Chamaquía. Rü yemagü rü yatügü ga iporaexü̃ nixĩgü.
8 Rü guxü̃ma ga yema Obéx-edóü̃ nataagü, rü nanegü, rü naenexẽgü rü yatügü ga iporaexü̃ nixĩ ga puracüwa. Rü norü mu ga Obéx-edóü̃tanüxü̃ rü guxü̃wama rü 62 wa nangu.
9 Rü Mecheremía nanegü rü naenexẽgü rü 18 ga yatügü ga iporaexü̃ rü tama muü̃wa̱xexü̃ nixĩgü.
10 Rü Merarítaxa ga Ochá nane nixĩ ga Chimrí. Rü nüma nixĩ ga natanüxü̃maxã inacuáxü̃. Rü woo tama nanatü nane ga yacü nax yixĩxü̃ natürü nanatü nüxü̃ taxuneta nax nüma natanüxü̃maxã inacuáxü̃ca̱x.
11 Rü norü taxrewa ücü ga Ochá nane nixĩ ga Irichía. Rü norü tomaepü̱xwa ücü ga nane nixĩ ga Tebaría. Rü norü ãgümücüwa ücü ga nane nixĩ ga Chacaría. Rü guxü̃wama ga Ochá nanegü rü naenexẽgü rü 13 wa nangu ga norü mu.
12 Rü yemaacü nixĩ ga iyanuãxü̃ ga yema ĩã̱xgüarü dauruü̃gü. Rü yexguma yema namücügümaxã icua̱xgüxü̃wa nanguxgu nax naxügüãxü̃ ga yema puracü rü nümagü rü yema namaxã inacua̱xgüxü̃rüxü̃ nanaxügü ga yema Tupanapata ga taxü̃nearü puracü.
13 Rü yema ĩã̱xgü rü nanasortéugü nax nüxü̃ nacua̱xgüxü̃ca̱x nax ngexü̃rüüxü̃ i natücumü tá nüxna dauxü̃ i wüxichigü i ĩã̱x. Rü woo iyaxü̃ rü woo ingextü̱xüxü̃ inaxãgü ga sortéuwa naxca̱x ga yema puracü.
14 Rü Cheremíagu nangu nax nüxna nadauxü̃ ga yema ĩã̱x ga éstewaama üxü̃. Rü nane ga Chacaría ga mecü ga ucu̱xẽruxü̃gu nangu nax nüxna nadauxü̃ ga yema ĩã̱x ga nórtewaama üxü̃.
15 Rü Obéx-edóü̃gu nangu nax nüxna nadauxü̃ ga yema ĩã̱x ga súrwaama üxü̃. Rü nanegügu nangu nax nüxna nadaugüxü̃ca̱x ga guma Tupanapata ga taxü̃neaarü ngẽmaxü̃güpata.
16 Rü Chupína rü Ochána nixĩ ga naxüxü̃ ga yema oéstewaama üxü̃ ga ĩã̱x ga Charéquexarü ĩã̱xgu ãégaxü̃. Rü yéma nayexma ga yema nama ga Tupanapata ga taxü̃neca̱x nawa íixüãchixü̃. Rü yema puracü rü yemaacü nixĩ ga nügü yanuaxü̃:
17 Rü wüxichigü ga ngunexü̃gu rü 6 ga Lebítanüxü̃ nixĩ ga nüxna daugüxü̃ ga yema ĩã̱x ga éstewaama üxü̃. Rü ãgümücü ga Lebítanüxü̃ nixĩ ga nüxna daugüxü̃ ga yema ĩã̱x ga nórtewaama üxü̃. Rü ãgümücü ga Lebítanüxü̃ nixĩ ga nüxna daugüxü̃ ga yema ĩã̱x ga súrwaama üxü̃. Rü wüxichigü ga guma ĩpatagü ga nagu nanuxũne ga Tupanapata ga taxü̃nearü yemaxü̃gü rü taxrechigü ga Lebítanüxü̃ nixĩ ga nüxna daugüxü̃.
18 Rü Tupanapata ga taxü̃nearü oéstewaama rü nayexma ga ãgümücü ga Lebítanüxü̃ ga nüxna daugüxü̃ ga yema nama ga nawa Tupanapata ga taxü̃newa inguxü̃. Rü nayexma ga taxre ga Lebítanüxü̃ ga nüxna daugüxü̃ ga naa̱xtü.
19 Rü yemaacü nixĩ ga nüxü̃ yanuaxü̃ ga yema ĩã̱xarü dauruü̃gü ga Corétanüxü̃ rü Merarítanüxü̃.
20 Rü yema togü ga Lebítanüxü̃ rü norü puracü nixĩ nax nüxna nadaugüxü̃ ga Tupanapata ga taxü̃nearü diẽrugü rü ñu̱xũchi yema ucapugü ga Tupana ga taxü̃nearü ãmaregü ga üünexü̃ nagu nuxü̃.
21 Rü Guerchóü̃ nane rü Ladáü̃ nixĩ. Rü Ladáü̃tanüxü̃ nixĩ ga Yeié.
22 Rü Yeié nanegü ga Chetáü̃ rü naenexẽ ga Yoé nixĩ ga Tupanapata ga taxü̃nearü diẽrumaxã icua̱xgüxü̃.
23 26:23-24 Rü natanüwa ga yema Amráü̃tanüxü̃ rü Ichátanüxü̃ rü Ebróü̃tanüxü̃ rü Uchiétanüxü̃ rü nüma ga Chebué ga Moiché nane ga Guerchóü̃tanüxü̃ ixĩxü̃ nixĩ ga naeru ga guxü̃ma ga yema Tupanapata ga taxü̃nearü diẽrumaxã icua̱xgüxü̃.
24 Nüü̃ nadau 26:23
25 Rü yema Chebuéenexẽ ga Eriéchetanüxü̃ ixĩgüxü̃ nixĩgü ga Reabía ga Eriéche nane, rü Ichaía ga Reabía nane, rü Yoráü̃ ga Ichaía nane, rü Chicrí ga Yoráü̃ nane rü Cheromíx ga Chicrí nane.
26 Rü Cheromíx rü naenexẽgümaxã naxme̱xwa nayexmagü ga guxü̃nema ga guma ĩpatagü ga nagu nanuxü̃ne ga yema Tupanapata ga taxü̃nearü yemaxü̃gü ga ixüünexü̃ ga Dabí Tupanana naxü̃, rü wüxichigü ga Iraétanüxü̃tücumüarü ãẽ̱xgacü Tupanana naxü̃, rü yema 1,000 ga churaragüarü ãẽ̱xgacügü Tupanana naxü̃, rü yema 100 ga churaragüarü ãẽ̱xgacügü Tupanana naxü̃, rü yema togü ga churaragüarü ãẽ̱xgacügü Tupanana naxü̃.
27 Rü yema yemaxü̃gü ga norü uanügüna napuxü̃xü̃wa nixĩ ga Tupanana nanaaxü̃ nax yemamaxã namexẽẽgüãxü̃ca̱x ga Tupanapata ga taxü̃ne.
28 Rü yexgumarüxü̃ ta yematanüwa nayexmagü ga yema yemaxü̃gü ga Chamué ga Tupanaarü orearü uruxü̃ nüxna naxü̃, rü yema yemaxü̃gü ga Chaú ga Chíx nane Tupanana naxü̃, rü yema yemaxü̃gü ga Abnéx ga Néx nane Tupanana naxü̃, rü yema yemaxü̃gü ga Yoá ga Cheruiá ngĩne Tupanana naxü̃. Rü guxü̃ma ga yema yemaxü̃gü ga Tupanana naxü̃ rü Cheromíx nixĩ ga wüxigu naenexẽgümaxã nüxna daugüxü̃.
29 Rü Icháxtaagü ga Quenanía rü nanegü nixĩ ga namaxã icua̱xgüxü̃ ga yema Iraéanearü puracügü ga tama Tupanapata ga taxü̃nearü ixĩxü̃. Rü nümagü nixĩ ga ãẽ̱xgacügü yaxĩgüxü̃ rü guxchaxü̃arü mexẽẽruü̃gü yaxĩgüxü̃.
30 Rü nüma ga Achabía ga Ebróü̃taxa rü namaxã inacua̱x ga 1,700 ga natanüxü̃. Rü guxü̃ma ga yema yatügü rü tama muü̃wa̱xegüxü̃ nixĩgü. Rü nümagü nixĩ ga nüxna nadaugüxü̃ ga guxü̃ma ga Tupanaarü puracü rü ãẽ̱xgacüarü puracü natanüwa ga yema Iraétanüxü̃ ga Yudáü̃arü oéstewaama yexmagüxü̃.
31 Rü yexguma marü 40 ga taunecü ãẽ̱xgacü yixĩxgu ga Dabí rü popera ga Ebróü̃tanüxü̃ nagu iwǘgüégaxü̃gu nadaugü. Rü yéma namaxã inarüxĩ nax Garaáxanewa yexmane ga ĩane ga Yachéxwa nayexmaxü̃ ga yatügü ga poraexü̃ rü tama muü̃wa̱xegüxü̃. Rü Yería nixĩ ga yema Ebróü̃tanüxü̃maxã icuáxü̃.
32 Rü yema yatügü ga poraexü̃ rü tama muü̃wa̱xegüxü̃ ga wüxitücumüchigüarü ãẽ̱xgacü ixĩgüxü̃ rü 2,700 nixĩgü. Rü ãẽ̱xgacü ga Dabí rü nüxü̃ naxuneta nax Rubéü̃tanüxü̃maxã, rü Gáxtanüxü̃maxã rü ñu̱xũchi ngãxü̃tücumü ga Manachétanüxü̃maxã inacua̱xgüxü̃ca̱x nax natanüwa mea yaxũxü̃ca̱x ga guxü̃ma ga Tupanaarü puracü rü ãẽ̱xgacüarü puracü.
