1 Crónicas 3:1-24
3 Rü yema Dabí nanegü ga Ebróü̃gu buexü̃ rü ñaagü nixĩ. Rü Anóü̃ nixĩ ga nane ga yacü. Rü naé rü Ainóaü̃ ga ĩane ga Yereécüã̱x iyixĩ. Rü gumá nai ga nane rü Danié nixĩ. Rü naé iyixĩ ga Abigái ga Carméxcüã̱x.
2 Rü norü tomaepü̱x ga nane rü Acharóü̃ nixĩ. Rü naé rü Maacá iyixĩ. Rü ngĩnatü nixĩ ga Tarmái ga ĩane ga Yechúxarü ãẽ̱xgacü ixĩcü. Rü norü ãgümücü ga nane rü Adonía nixĩ. Rü naé rü Aguíx iyixĩ.
3 Rü norü wüxime̱e̱xpü̱x ga nane rü Chepatía nixĩ. Rü naé rü Abitái iyixĩ. Rü norü 6 ga nane rü Itareáü̃ nixĩ. Rü naé rü Égra iyixĩ. Rü yema iyixĩ ga nai ga naxma̱x ga Dabí.
4 Rü daa 6 nixĩ ga Dabí nanegü ga Ebróü̃gu buexü̃ ga yexguma 7 ga taunecü rü naétü 6 ga tauemacü yéma ãẽ̱xgacü yixĩxgu. Rü yemawena ga Dabí rü 33 ga taunecü Yerucharéü̃wa ãẽ̱xgacü nixĩ.
5 Rü ĩane ga Yerucharéü̃gu nabue ga ãgümücü ga nanegü. Rü daagü nixĩ: Chimá, rü Chobáx, rü Natáü̃ rü Charomóü̃. Rü guxcüma ga yema ãgümücü ga nanegü rü Bechabé ngĩnegü nixĩgü. Rü ngĩma rü Amiéacü iyixĩ.
6 3:6-8 Rü nayexma ta ga nai ga 9 ga nanegü rü daagü nixĩgü: Ibá, rü Erichamá, rü Eriférex, rü Nóga, rü Néfex, rü Yapía, rü Erichamá, rü Eriadá rü Eriféréx.
7 Nüü̃ nadau 3:6
8 Nüü̃ nadau 3:6
9 Rü yemagü nixĩ ga Dabí nanegü. Natürü tama nixugü ga nanegü ga naxma̱xabawáxü̃güxü̃. Rü Tamára iyixĩ ga naeya̱x ga yema nanegü.
Charomóü̃ nataagü
10 3:10-14 Rü Charomóü̃ nane nixĩ ga Roboáü̃. Rü nataagü nixĩ ga Abía, rü Achá, rü Yochapáx, rü Yoráü̃, rü Ocochía, rü Yoá, rü Amachía, rü Acharía, rü Yotáü̃, rü Acháx, rü Echequía, rü Manaché, rü Amóü̃ rü Yochía.
11 Nüü̃ nadau 3:10
12 Nüü̃ nadau 3:10
13 Nüü̃ nadau 3:10
14 Nüü̃ nadau 3:10
15 Rü Yochía nane ga yacü nixĩ ga Yoanáü̃. Rü norü taxrewa ücü ga nane nixĩ ga Yoaquíü̃, rü norü tomaepü̱xwa ücü ga nane nixĩ ga Chedequía, rü norü ãgümücü ga nane nixĩ ga Charúü̃.
16 Rü Yoaquíü̃ nanegü nixĩ ga Yeconía rü Chedequía.
17 3:17-18 Rü Yeconía nixĩ ga to ga nachixü̃anewa nagagüãcü. Rü nane ga yacü nixĩ ga Charatié. Rü gumaweama naxügü ga Maquiráü̃, rü Pedaía, rü Chenachá, rü Yecamía, rü Ochamá rü Nedabía.
18 Nüü̃ nadau 3:17
19 Rü Pedaía nanegü nixĩ ga Chorobabé rü Chimí. Rü Chorobabé nanegü nixĩgü ga Mechuráü̃, rü Ananía. Rü Cheromíx iyixĩ ga naeya̱x ga yema taxre.
20 Rü to ga nanegü ga Chorobabé rü wüxime̱e̱xpü̱x nixĩ: Achubá, rü Óe, rü Berequía, rü Achadía rü Yucháx-échex.
21 Rü Ananía nanegü nixĩ ga Peratía rü Ichaía. Rü Ichaía nanegü nixĩ ga Refaía, rü Arünáü̃, rü Adía rü Checanía.
22 Rü Checanía nane nixĩ ga Chemaía. Rü Chemanía nanegü nixĩ ga Atú, rü Igá, rü Baría, rü Nearía, rü Chapáx. Rü guxü̃wama 6 nixĩgü.
23 Rü Nearía nanegü rü tomaepü̱x nixĩgü: Erioenái, rü Echequía rü Aricáü̃.
24 Rü Erioenái nanegü rü 7 nixĩgü rü Odabía, rü Eriachí, rü Peraía, rü Acúx, rü Yoanáü̃, rü Deraía rü Ananí.
