1 Tesalonicenses 2:1-20
2 Pa Chauenexẽgüx, pematama nüxü̃ pecua̱x nax tama natüca̱xmamare yixĩxü̃ nax pexü̃tawa taxĩxü̃.
2 Rü pema marü nüxü̃ pecua̱x rü naxü̃pa ga pexü̃tawa nax tangugüxü̃ rü chixri tomaxã nachopetü ga Pirípucüã̱xgü rü tomaxã naguxchigagü. Natürü Tupana toxü̃ narüngü̃xẽxẽ nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x tama tamuü̃eãcüma pemaxã nüxü̃ tixu ga yema ore woo ga torü uanügü rü poraãcü toxü̃́ nax naguxchaxẽẽgüãxü̃.
3 Rü yexguma pemaxã nüxü̃ tixuxgu ga yema ore, rü tama ítatüeãcüma pemaxã nüxü̃ tixu. Rü tama chixexü̃ pemaxã taxügüchaü̃ãcüma rü tama pexü̃ tawomüxẽẽgüchaü̃ãcüma pemaxã nüxü̃ tixu ga yema ore.
4 Yerü Tupana nixĩ ga toxü̃ unetacü rü toxü̃ mucü nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x Tupana naxwa̱xexü̃ãcüma pemaxã nüxü̃ tixu ga yema ore. Rü tama duü̃xü̃güxü̃mare nax tataãẽxẽẽgüxü̃ca̱x pemaxã nüxü̃ tixu, natürü nüxü̃ tixu nax Tupanaxü̃ tataãẽxẽẽgüxü̃ca̱x. Rü nüma ya Tupana nixĩ i nangugüãxü̃ i ngẽma nagu rüxĩnüexü̃.
5 Rü pema nüxü̃ pecua̱x rü taguma pepe̱xewa pexü̃ ticua̱xüü̃gü nax toga pexĩnüexü̃ca̱x, rü taguma pexü̃ tawomüxẽẽgü nax ngĩxü̃ tayauxgüxü̃ca̱x ga perü diẽru. Rü Tupana nixĩ ya toxü̃ daucü nax aixcüma yixĩxü̃ i ngẽma nüxü̃ chixuxü̃.
6 Rü taguma naxca̱x tadaugü nax texé toxü̃ icua̱xüü̃güxü̃, rü woo i pema rü bai i togü.
7 Rü woo Cristutama nixĩ i toxü̃ namuxü̃ nax pemaxã itacuáxü̃, natürü toma rü tama ñoma wüxi ga ãẽ̱xgacürüxü̃ pemaxã tixĩgü. Rü meamare pemaxã itacua̱x, rü ñoma wüxi i mama i ngĩxacügüna mea da̱u̱xcürüxü̃ pemaxã tixĩgü.
8 Rü poraãcü pexü̃ tangechaü̃, rü yemaca̱x pexna tanaxã ga Tupanaarü ore. Rü tama Tupanaarü orexicatama pexna taxãxchaü̃ ga yexguma, natürü marü ítamemare nax pexca̱x itanaxãxü̃ i torü maxü̃ rü ta, yerü poraãcü pexü̃ tangechaü̃gü.
9 Pa Chauenexẽgüx, pema rü nüxna pecua̱xãchie nax ñuxãcü poraãcü tapuracüexü̃ nax torü õnaca̱x tataxegüxü̃ca̱x ga yexguma petanüwa tayexmagügu. Rü ngunecü rü woo chütacü tapuracüe nax taxúeãxü̃ma wüxi ga guxchaxü̃ tixĩgüxü̃ca̱x ga yexguma petanüwa pemaxã nüxü̃ tixuxgu ga Tupanaarü ore.
10 Pema rü toxü̃ pedaugü rü Tupana rü ta toxü̃ nadau nax yexguma petanüwa tayexmagügu rü aixcüma mea Tupanape̱xewa tamaxẽ rü taguma pepe̱xewa chixexü̃ taxügü.
11 Rü ngẽxgumarüxü̃ ta pema nüxü̃ pecua̱x nax ñuxãcü pexü̃́ tanangúchaü̃xẽẽgüxü̃ rü pexü̃ tataãẽxẽẽgüxü̃ ga wüxichigü ñoma wüxi i papa i naxacügüxü̃ taãẽxẽẽgüxü̃rüxü̃.
12 Rü ngẽxgumarüxü̃ ta nüxü̃ pecua̱xgü nax ñuxãcü pexü̃ taxucu̱xẽgüxü̃ nax mea Tupanape̱xewa pemaxẽxü̃ca̱x. Rü nüma nixĩ i pexca̱x nangemaxü̃ nax nüma ãẽ̱xgacü íyixĩxü̃wa pengugüxü̃ca̱x nax ngéma mexü̃wa pengẽxmagüxü̃ca̱x.
13 Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.
14 Pa Chauenexẽgüx, nüxü̃ tacua̱x nax aixcüma ngúxü̃ pingegüxü̃, yerü petanüxü̃tama rü chixri pemaxã nachopetü. Natürü yemaacütama nüxü̃ nangupetü ga Tupanaarü duü̃xü̃gü ga Ngechuchu ya Cristuaxü̃́ yaxõgüxü̃ ga Yudéaanewa yexmagüxü̃. Yerü natanüxü̃tama ga Yudíugü rü chixri namaxã nachopetü.
15 Rü yema Yudíugü nixĩ ga tórü Cori ga Ngechuchuxü̃ ima̱xgüxü̃, yexgumarüxü̃ ga norü o̱xigü rü yema nüxíraxü̃güxü̃ ga Tupanaarü orearü uruü̃güxü̃ nax nada̱i̱xü̃rüxü̃. Rü yema Yudíugü nixĩ ga towe ingẽxü̃tanüxü̃. Rü nümagü rü tama Tupanaxü̃ nataãẽxẽẽgü rü guxü̃ i duü̃xü̃gümaxã narüxuanügü.
16 Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.
Pauru rü nüxü̃́ nangúchaü̃ nax wenaxarü natanüwa naxũxü̃ ga yema yaxõgüxü̃ ga Techarónicawa yexmagüxü̃
17 Pa Chauenexẽgüx, yexguma pexna ítixĩxguwena, rü woo tama pexü̃tawa nax tayexmagüxü̃, natürü guxü̃guma pegu tarüxĩnüe, rü poraãcü toxü̃́ nangúchaü̃ nax pexü̃tawa taxĩxü̃ nax wenaxarü pexü̃ ítayadaugüxü̃ca̱x.
18 Rü aixcüma ngéma taxĩxchaü̃. Rü chomatama muẽ̱xpü̱xcüna chanaxwa̱xe nax ngéma petanüwa chaxũxü̃, natürü Chataná rü toxü̃́ nanaguxchaxẽxẽ nax tama ngéma taxĩxü̃ca̱x.
19 Natürü ngẽxguma wenaxarü núma naxũxgu ya tórü Cori ya Ngechuchu ya Cristu rü ¿texémaxã tá nixĩ i nape̱xewa togü ticua̱xüü̃güxü̃ rü tataãxẽgüxü̃? Rü aixcüma pewa tá nixĩ i ítanangu̱xẽẽxü̃ nax tomaxã nataãẽxü̃ i ngẽxguma wenaxarü núma naxũxgu.
20 Rü aixcüma pemaxã tá nixĩ i togü ticua̱xüü̃güxü̃ rü tataãẽgüxü̃.
