1 Samuel 31:1-13
31 Rü nüma ga Firitéugü rü Iraéanecüã̱xgümaxã nügü nadai. Rü nüma ga Iraéanecüã̱xgü rü naxcha̱xwa nibuxmü, yerü namuxũchi ga Iraéanecüã̱xgü ga ma̱xpǘne ga Guibóagu yuexü̃.
2 Rü nüma ga Firitéugü rü Chaúwe rü nanegüwe nangẽgü. Rü nanadai ga nanegü ga Yonatáü̃, rü Abinadá, rü Maquichúa.
3 31:3-4 Rü yemawena rü nüma ga Firitéugü rü Chaúarü ma̱xguxicatama narüxĩnüe. Rü yema würatanüxü̃ rü Chaúmaxã namexchinügü, rü poraãcü nanapi̱xẽẽgü. Rü yemaca̱x ga Chaú rü poraãcü namuü̃, rü norü poxü̃ruü̃xü̃ ñanagürü: —¡Curü taramaxã choxü̃ ima̱x naxü̃pa nax choxü̃ yayauxgüxü̃ rü ngúxü̃ choxü̃ yangexẽẽgüxü̃, rü choxü̃ yama̱xgüxü̃ i ñaa Firitéugü i tama Tupanaxü̃ cua̱xgüxü̃! —ñanagürü. Natürü nüma ga yema norü poxü̃ruxü̃ rü tama nayamáxchaü̃, yerü nüxü̃́ naxãũcüma. Rü yemaca̱x ga nüma ga Chaú rü norü tara nayaxu rü yemamagugu nügü naña rü yemaacü nitoxpetü rü nayu.
4 Nüü̃ nadau 31:3
5 Rü yexguma yemaxü̃ nada̱u̱xgu ga yema norü poxü̃ruxü̃, rü nüma rü ta norü taramagugu nügü naña rü Chaúrüxü̃ yemaacü nayu.
6 Rü yemaacü yematama ga ngunexü̃gu nayue ga Chaú rü norü poxü̃ruxü̃ rü guma tomaepü̱x ga nanegü rü guxü̃ma ga norü churaragü.
7 Rü yexguma yema Iraétanüxü̃ ga natü ga Yudáü̃arü éstewaama maxẽxü̃ ga doxonexü̃arü tocutügu ãpatagüxü̃ nüxü̃ daugügu ga nax yabuxmüxü̃ ga Iraétanüxü̃arü churaragü, rü Chaú rü ñu̱xũchi nanegü rü nax nayuexü̃, rü norü ĩanegüna nibuxmü rü naxĩgü. Rü yexguma ga nüma ga Firitéugü rü yéma nangugü, rü yexma naxãchiü̃gü nagu ga guma ĩanegü.
8 Rü moxü̃ãcü pa̱xmama rü nüma ga Firitéugü ínayadau ga yema yuexü̃ nax nadexeneãxü̃ca̱x ga norü yemaxü̃gü. Rü yexma nüxü̃ inayangau ga Chaú rü yema tomaepü̱x ga nanegü ga ma̱xpǘne ga Guibóagu yexma yuexü̃.
9 Rü yexguma rü Chaúxü̃ nidaeerugü rü ñu̱xũchi nanade ga guma naxnegü. Rü yexgumatama orearü ngegüruü̃güxü̃ ínamuãchitanü nax guxü̃ma ga Firitéugüarü naanewa duü̃xü̃gümaxã nüxü̃ yanaxugüexü̃ca̱x ga norü tupanagüpatawa.
10 Rü yemawena rü norü tupana ga Atarépatagu nananucu ga guma naxnegü ga Chaú. Rü naxü̃ne rü ĩane ga Bex-cháü̃arü poxeguxü̃tápü̱xwa nanatuxẽẽgü.
11 31:11-12 Rü yexguma Garaáxanewa yexmane ga ĩane ga Yabécüã̱xgü nüxü̃ cua̱xgügu ga yema Chaúmaxã naxügüxü̃ ga Firitéugü, rü nügü nanutaque̱xe ga guxü̃ma ga yatügü ga tama muü̃ewa̱xexü̃. Rü nawena nax guxü̃ ga chütaxü̃ inaxĩxü̃, rü Bex-cháü̃arü poxeguxü̃tápü̱xwa nanayauxgü ga Chaúxü̃ne rü yema nanegüxü̃ne. Rü ñu̱xũchi ĩane ga Yabéca̱x nawoegu rü yéma ínanagu ga naxü̃negü.
12 Nüü̃ nadau 31:11
13 Rü ñu̱xũchi nanade ga naxchina̱xãgü rü wüxi ga naixtüxü̃gu nanata̱xgü. Rü marü yema naxügüguwena rü 7 ga ngunexü̃ naxauree.
