Cantares 2:1-17
2 Choma rü ñoma putüra i rosa i doxonexü̃ i Charóü̃cüã̱xrüxü̃ chixĩ.
Rü choma rü ñoma putüra i rosa i doxonexü̃cüã̱xrüxü̃ chixĩ.
Nümax
2 Ngẽma pacü ya ngĩxü̃ changechaü̃cü, rü guxü̃ma i ngexü̃güxü̃ rümemae.Rü ñoma putüra i líriu i tuxutanüwa rüxüxü̃rüxü̃ imexẽchi.
Ngĩmax
3 Yimá ngextü̱xücü ya choxü̃ ngúchaü̃cü rü guxü̃ma i yatügütanüwa rü ñoma nanetü i manzana i naixnecüarü naigütanüwa rüxüxü̃rüxü̃ nixĩ.Rü chataãxẽ nax norü gáuxchipetatüxü̃wa charütoxü̃.Rü namaixcuraxüchi i ngẽma norü o.
4 Rü ngẽma naxmachiã i taxü̃ i nawa nachibüexü̃wa choxü̃ naga.Rü choxü̃́ nangechaü̃acü choxü̃ nadauwenü.
5 Rü paũ i maixcuraxü̃ i úbaã́xü̃maxã choxü̃ nataãẽxẽxẽ.Rü manzanamaxã choxü̃ naxüwemü erü ngẽma nax nüxü̃ changechaü̃xü̃ca̱x rü chayuégachaü̃.
6 Rü chanaxwa̱xe nax norü to̱xwechacüügu choxü̃ nacanagüeruxẽẽxü̃,rü norü tügünechacüümaxã choxna nanáixü̃.
Nümax
7 Pa Ngexü̃gü i Yerucharéü̃cüã̱xgüx, rü chanaxwa̱xe i ngẽma cowügü rü cowüacügü i naixnecüwa ngẽxmagüxü̃égagu chomaxã ipexüga nax taxũtáma ngĩxü̃ ípeba̱i̱xgüxü̃ i ngẽma choxü̃́ ngúchaü̃cü i pacü rü ñu̱xmatáta ngĩechama naba̱i̱xãchi.
Norü taxre i wiyae
Ngĩmax
8 Marü ínanguchaü̃ ya yimá choxü̃́ ngúchaü̃cü, rü marü nüxü̃ chaxĩnü i naga.Rü máxpü̱xanexü̃wa ne nayuxnagüchigü, rü ma̱xpǘnexü̃ niyuxpetüchigü.
9 Rü yimá choxü̃́ ngúchaü̃cü rü ñoma wüxi i cowüxacürüxü̃ nixĩ.Rü ĩã̱x i nawa ixücuxü̃wa nangẽxma.Rü beü̃tánawa nidaucuchi nax bexma ngéma choxü̃ nangugüxü̃ca̱x.
10 Rü yimá choxü̃́ ngúchaü̃cü rü ñanagürü choxü̃:—¡Írüda, Pa Choxü̃́ Ngúchaxü̃cüx, rü ngĩxã, chowe rüxũ Pa Nge i Mexẽchicüx!
11 ¡Dücax! Ngẽma gáuanexü̃ rü marü nangupetü rü yimá pucü rü nawe narüxũ.
12 Rü ngẽma putüragü i naanewa ngẽxmagüxü̃ rü marü niboxgüchacu.Rü marü nawa nangu i ngunexü̃ i nagu iwiyaegüxü̃.Rü marü nawa nangu nax naxãeü̃ i ngẽma muxtucuxacügü.
13 Rü ngẽma igunecü rü marü nixo, rü úbanecüwa rü marü nixãchacu rü ngẽmamaxã nayixane.¡Rü írüda, Pa Choxü̃́ Ngúchaxü̃cüx, rü ngĩxã, chowe rüxũ Pa Nge i Mexẽchicü!
14 Pa Chorü Muxtucux, ¿tü̱xcüü̃ ma̱xpǘnegüarü nutatanügu quicu̱x?¡Choxü̃́ cugü nawe̱xchametü!¡Choxü̃́ nüxü̃ naxĩnüxẽxẽ i cuga! Rü chataãxẽ nax cuxü̃ chadauxü̃.Rü namaixcura i cuga nax nüxü̃ chaxĩnüxü̃ —ñanagürü choxü̃.
Nümagü
15 Ípenayauxü̃ i ngẽma ngowagü i ngexü̃!¡Rü naxacügü rü ta ípenayauxü̃!Erü tórü úbaarü o nangõ̱xgü rü nachacugu niwagügü.
Ngĩmax
16 Rü yimá choxü̃́ ngúchaü̃cü rü choxrüxicatama nixĩ, rü choma rü noxrü chixĩ.Rü nüma ya choxü̃́ ngúchaü̃cü rü putüra i rosanecüwa naxü̃nagüxü̃ nachibüexẽxẽ.
17 ¡Pa Choxü̃́ Ngúchaxü̃cüx, cha̱u̱xca̱x nataegu ñoma rü ta nangóonexüra naxü̃pa nax nawaanexü̃!¡Rü ñoma cowürüxü̃ paxa inañaãchi!¡Rü ñoma cowüxacü i yatüxü̃rüxü̃ ma̱xpǘnearü tuãchiwa nagopetü!
