Cantares 8:1-14
8 Chierüx i cuma rü wüxi i chauenexẽ i chauéníxü̃watama maixü̃ quixĩxgu.
Rü ngẽxguma chi namagu cuxü̃ changauxgu, rü chi cuxü̃ chachúxuxgu, rü taxuxü̃chima texé choxü̃ tacugü.
2 Rü chauépatawa chi cuxü̃ chaga rü ngẽxma chi cuxü̃ chaxücuxẽxẽ, rü cuma chi nixĩ i chorü ngu̱xẽẽruxü̃.Rü yimá mexẽchicü ya bínuwa rü ngẽma chorü boxrachíüwa chi cuxü̃ chaxaxexẽxẽ.
3 Rü curü to̱xwechacüügu choxü̃ nacanagüeruxẽxẽ, rü curü tügünechacüümaxã choxna nana̱i̱x.
Nümax
4 Rü nüma rü ñanagürü: —Pa Yerucharéü̃cüã̱xgü i Ngexü̃güx, ¡chomaxã nüxü̃ pixu nax taxũtáma ngĩxü̃ ípeba̱i̱xgüxü̃ i ngẽma cho̱xma̱x i choxü̃́ ngúchaü̃cü!¡Ngĩétama nape ñu̱xmatáta ngĩechama naba̱i̱xãchi! —ñanagürü.
Norü 6 ga wiyae
Coru
5 ¿Rü texé iyixĩ i ngẽma ínachianexü̃wa ne ũcü ya yimá ngĩte ya ngĩxü̃́ ngúchaü̃cüétü ngu̱xchametücü?
Nümax
Wüxi ga manzanatüxü̃wa nixĩ ga curü pewa cuxü̃ íchabaixgüxü̃.Rü yéma yema manzanatüxü̃wa nixĩ ga curü mama ga cumaxã tangu̱xnecaxü̃.Rü yexma nixĩ ga curü mama ga cuxü̃ taxíxraxẽẽxü̃.
Ngĩmax
6 ¡Curü maxü̃newa choxü̃́ nangẽxmaxẽxẽ!¡Rü cugüxü̃tawa choxü̃ nangẽxmaxẽxẽ ñoma wüxi i cua̱xruxü̃ i cuchacüüwa ngẽxmaxü̃rüxü̃!Erü ngẽma ngechaü̃ rü naporaxüchi ñoma yurüxü̃.Rü ngẽma ngúchaü̃ rü taxúema naxcha̱xwa tiña ñoma wüxi i naxmaxü̃rüxü̃.Rü ngẽma ngúchaü̃ rü ñoma wüxi ya üxü ya Tupana ngo̱xẽẽnerüxü̃ nixĩ.
7 Rü ngẽma guxü̃ma i márwa ngẽxmaxü̃ i dexá rü tama ningu nax yaxoxẽẽãxü̃ca̱x i ngẽma ngúchaü̃ i tüxü̃́ ngẽxmaxü̃.Rü woo guxü̃ma i natügüarü dexá rü taxucürüwama nayaxoxẽxẽ.Rü ngẽxguma chi texé ya diẽruã̱xü̃chixe guxcüma i tümaarü diẽrumaxã naxca̱x tataxechaü̃gu i ngẽma ngúchaü̃, rü tama tüxü̃́ ningutanü.Rü duü̃xü̃gü rü chi tüxü̃ nacugüe.
Coru
8 Rü ngẽma taeya̱x rü taxũtáma ixãníü̃,¿Rü ta̱xacü tá ngĩmaxã ixüexü̃ ega ngẽxguma texé ngĩxca̱x ícaxgu?
9 Rü ngẽxguma chi wüxi i ĩxtapü̱x yixĩxgu rü chi diẽrumümaxã chi ngĩxü̃ tachauxétü.Rü ngẽxguma chi wüxi i ĩã̱x yixĩxgu, rü ocayiwanaxca̱x i mürapewamaxã chi ngĩxü̃ tipotape̱xe.
Ngĩmax
10 Choma rü ñoma wüxi i ĩxtapü̱xrüxü̃ mea chaugüna chadau.Rü yima chauníxü̃gü rü ñoma torregürüxü̃ taxúema nüxna tangu.Rü ngẽmaca̱x ya yimá choxü̃́ ngúchaü̃cü, rü ngẽxguma choxü̃ nadawenügu rü chomaxã nataãxẽ.
11 Charomóü̃ rü Baá-amóü̃wa nüxü̃́ nayexma ga wüxi ga norü úbanecü.Rü ñuxre ga norü dauruü̃güxü̃ nüxna nadauxẽxẽ.Rü yexguma norü buxwa nanguxgu rü 1,000 tachinü ga diẽru nüxna tüxü̃ nixãchigü ga wüxichigü.
12 Rü yíxema 1,000 tachinü i diẽru rü cuxrütama tixĩ, Pa Charomóü̃x.Rü yíxema 200 tachinü rü noxrü tixĩ i ngẽma nüxna daugüxü̃.Natürü ngẽma chorü úbanecü rü chomatama nixĩ i nüxna chadauxü̃.
Nümax
13 Pa Cho̱xma̱x i Úbanecümaxã Icua̱xcüx, rü nüxü̃ chaxĩnüchaü̃ i cuga.Rü ngẽma tamücügü rü ta nüxü̃ naxĩnüechaü̃.
Ngĩmax
14 ¡Inañaãchi, Pa Chaute ya Choxü̃́ Ngúchaxü̃cüx!¡Rü ñoma wüxi i cowürüxü̃ rü ñoma cowüxacürüxü̃ inañaãchi!¡Rü naétüwa nagopetü ya yima ma̱xpǘnegü ya paacaemagüne!