Job 12:1-25
12 12:1-2 Rü nüma ga Yox rü Chofáxü̃ nangãxü̃ rü ñanagürü: —Pemax nagu perüxĩnüe nax pexicatama cua̱x pexü̃́ ngẽxmaxü̃, rü ngẽxguma peyuegu rü marü nataxutama i cua̱x.
2 Nüü̃ nadau 12:1
3 Natürü choxü̃́ rü ta nangẽxma i cua̱x rü taxuwama choxü̃ perü yexeragü. ¿Rü texé tama nüxü̃ cuáxe i ngẽma nüxü̃ pixuxü̃?
4 Rü yexguma ü̃pa Tupanamaxã chidexagu rü nüma rü choxü̃ naxĩnü rü choxü̃ nangãxü̃. Natürü i ñu̱xma rü chomücügüarü cugüruxü̃ chixĩ. Rü woo taxuxü̃ma i chixexü̃ chaxü natürü choxü̃ nacugüeama.
5 Rü yíxema tama ta̱xacü tüxü̃ ngupetüxe rü tüxü̃́ natauxcha nax yíxema guxchaxü̃ tüxü̃ ngupetüxexü̃ tixuxü̃. Rü tüxü̃́ natauxcha nax tanayexeraẽẽxü̃ i tümamücüarü guxchaxü̃.
6 Rü ngẽma ngĩ́ta̱xagüxü̃ rü taãẽãcüma napatagüwa namaxẽ. Rü ngẽma Tupanamaxã guxchigagüxü̃ rü taãẽãcüma namaxẽ rü nagu narüxĩnüe nax nümagü Tupanamaxã inacua̱xgüxü̃.
7 ¡Rü nüxna naca i ngẽma naeü̃gü rü werigü! Rü nümagü rü tá cuxü̃ nangu̱xẽẽgü nax Tupana yixĩxü̃ ya tamaxã icuácü.
8 ¡Rü nüxna naca i ñoma i naane rü ngẽma choxnigü i márwa ngẽxmagüxü̃! Rü nümagü rü tá cuxü̃ nüxü̃ nacua̱xẽxẽ nax Tupana yixĩxü̃ ya tamaxã icuácü.
9 ¿Rü ẽ̱xna ñu̱xma rü ta tangexmaxü̃ ya tauxta nüxü̃ cuáxe nax Tupana yixĩxü̃ ga naxme̱xmaxã naxüxü̃ ga guxü̃ma?
10 Rü naxme̱xwa nixĩ i nangẽxmaxü̃ i guxü̃ma i ta̱xacü i maxẽxü̃arü maxü̃.
11 Rü ngẽma taxmachixemaxã nüxü̃ tacua̱x i ngẽma nagagü i nüxü̃ ixĩnüxü̃. Rü ngẽxgumarüxü̃ ta tórü conümaxã nüxü̃ tacuáx i naaca i ngẽma ingṍxü̃.
12 Rü ngẽma o̱xigü rü cua̱x nüxü̃́ nangẽxmagü. Rü ngẽma nax nayaexü̃ rü yexera naãẽxü̃ nicua̱x.
13 Natürü ya Tupana rü nüxü̃ cua̱xüchicü rü poraxüchicü nixĩ. Rü nüma rü nagu narüxĩnü i ta̱xacü tá naxüxü̃ rü ñu̱xũchi nayanguxẽxẽ i ngẽma nagu naxĩnüxü̃.
14 Rü ngẽma Tupana nagu pogüxü̃ rü taxúetama wena tanamexẽxẽ. Rü ñu̱xũchi ngẽma Tupana poxcuxü̃ rü taxúetama wena ítananguxuchixẽxẽ.
15 Rü ngẽxguma nüma íyachaxãchixẽẽãgu ya pucü rü guxü̃wama nipagüane. Rü ngẽxguma napuxẽẽagu rü guxü̃wama nibaixü̃ane.
16 Rü naxme̱xwa nangẽxma i guxü̃ma i pora rü guxü̃ma i cua̱x. Rü naxme̱xwa nixĩ i tangexmagüxü̃ ya yíxema tüxü̃ nawomüxẽẽgüxe rü ñu̱xũchi ngẽma womüxẽẽgüwa̱xexü̃.
17 Rü ngẽma nüxü̃ cua̱xüchigüxü̃ rü Tupana nüxna nanayaxu i ngẽma norü cua̱x. Rü ñu̱xũchi ngẽma guxchaxü̃arü mexẽẽruü̃gü rü Tupana nanatoãẽgü nax tama naãẽxü̃ yacuáxü̃ca̱x.
18 Rü ínanawoxü̃ i ãẽ̱xgacügü. Rü togü i ãẽ̱xgacügüxü̃ ínanayauxü̃xẽxẽ nax ngexchiruãcüma to i nachixü̃anewa nagagüãxü̃ca̱x.
19 Rü norü puracüwa ínanawoxü̃ i chacherdótegü. Rü ínanawoxü̃ i ngẽma ãẽ̱xgacügü ixĩgüxü̃.
20 Rü ngẽma ãẽ̱xgacügüarü ucu̱xẽruü̃gü rü nanangea̱xgüxẽxẽ. Rü ngẽma o̱xigü rü nüxna nanayaxu nax naãẽxü̃ yacuáxü̃.
21 Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.
22 Rü nanango̱xẽxẽ i ngẽma ẽxü̃guxü̃ i meama icúxü̃. Rü ngóxü̃wa nanange i ngẽma ẽanexü̃wa ngẽxmagüxü̃.
23 Nüma rü nayamuxẽxẽ i ngẽma duü̃xü̃gütücumügü rü ñu̱xũchi inayanaxoxẽxẽ. Rü nanawoone rü ñu̱xũchi wenaxarü wüxigu nanangutaque̱xexẽxẽ.
24 12:24-25 Rü ngẽma nachixü̃anemaxã icua̱xgüxü̃ rü nüxna nayaxu i norü cua̱x. Rü chianexü̃wa nu ne nanaxũxẽẽmare. Rü ngẽxguma ngextá naxũxgu rü nanadaueme̱xẽane ñoma naxca̱x naxẽanexü̃rüxü̃. Rü nichü̱xacüxü ñoma wüxi i ngãxü̃xü̃rüxü̃ —ñanagürü ga Yox.
25 Nüü̃ nadau 12:24
