Job 26:1-14
26 26:1-2 Rü nüma ga Yox rü Biridáxü̃ nangãxü̃ rü ñanagürü: —¿Ẽ̱xna ngẽmaãcü yixĩxü̃ i tüxü̃ curüngüxẽxẽxü̃ ya yíxema duü̃xẽ ya marü turaxe, rü tüxü̃ ícupoxü̃xü̃ ya yíxema duü̃xẽ ya marü ngearü poraã́xe?
2 Nüü̃ nadau 26:1
3 ¿Ẽ̱xna cuma nagu curüxĩnügu rü ngẽmaãcü nixĩ i namexü̃ nax tüxü̃ cuxucu̱xẽxü̃ ya yíxema taxuxü̃ma cuáxe? ¿Ẽ̱xna ngẽmaãcü yixĩxü̃ i cunawéxü̃ i wüxi i cua̱x i cuãxẽwa nguxü̃?
4 ¿Rü texéarü ngü̃xẽẽmaxã yixĩxü̃ i nüxü̃ quixuxü̃ i ngẽma curü ore? ¿Texé cuwa tananguxẽxẽ i ngẽma ĩnü nax ngẽmaãcü quidexaxü̃ca̱x? —ñanagürü ga Yox.
Biridá rü Yoxü̃ nangãxü̃
5 Rü nüma ga Biridá rü nanangãxü̃ rü ñanagürü: —Ngẽma duü̃xü̃gü i yuexü̃ i már arü máxtamaxü̃wa ngẽxmagüxü̃ rü muü̃maxã nidu̱xrue.
6 Rü Tupanape̱xewa rü nataxuma i ta̱xacü icúxü̃ rü woo ngẽma yuexü̃arü naxmaxü̃gü rü Tupanape̱xewa rü ínangegü.
7 Rü ngextá taxuxü̃ma íyexmaxü̃wa rü Tupana rü nayangeechi ga dauxü̃guxü̃ ga naane. Rü ngextá taxuxü̃ma íyexmaxü̃gu Tupana nanachü̱xẽxẽ ga ñoma ga naane.
8 Rü nüma nixĩ i caixanexü̃gu nawaxtaü̃ãxü̃ i dexá, natürü tama ngẽma dexáarü yamaxã niwã̱ĩ̱x i ngẽma caixanexü̃.
9 Rü nüma ya Tupana rü caixanexü̃maxã nayadüxtachiwe ya yimá tauemacü i ngẽxguma natüemagu.
10 Rü márwa nanango̱xẽxẽ i ngẽma üyeane nax tama nügüna chopetüxü̃ca̱x i ngẽma ngóonexü̃ namaxã i ngẽma ẽanexü̃.
11 Rü ngẽxguma nanuxgu ya Tupana rü muü̃maxã nadu̱xruxãchitanü ya yima ma̱xpǘnegü ya caixanexü̃tüxü̃wa ngẽxmagüne.
12 Rü norü poramaxã mármaxã inacua̱x rü norü cua̱xmaxã nayama̱x ga yema ngo̱xo ga Raá.
13 Rü wüxi i cue ñaxü̃maxã ínanangegü i daxũguxü̃ i naane. Rü naxme̱xmaxã nayama̱x i ngẽma ãxtape i paxãma iñaxwa̱xexü̃.
14 Rü guxü̃ma i ngẽma nüma naxüxü̃wa, rü ngẽma tüxü̃ nawéxü̃ rü wüxi i íxramarexü̃ nixĩ. Rü guxü̃ma i ngẽma nüma nüxü̃ yaxuxü̃wa rü ngẽma nüxü̃ ixĩnüexü̃ rü wüxi i ígamarexü̃ nixĩ. ¿Rü texé ẽ̱xna nüxü̃ tacua̱x nax ta̱xacüchiga yixĩxü̃ i ngẽma taxü̃ i duruanexü̃? —ñanagürü ga Biridá.
